ଦୁନିଆର ବିଭିନ୍ନ ଦେଶରେ ଲୋକଙ୍କ ଖାଇବା ଅଭ୍ୟାସ ଭିନ୍ନ ଅଟେ। ଏହା ସହିତ ଲୋକମାନେ ରୋଷେଇରେ ମଧ୍ୟ ବିଭିନ୍ନ ପ୍ରକାରର ମସଲା ବ୍ୟବହାର କରନ୍ତି। କିନ୍ତୁ ଜାଣି ଆଶ୍ଚର୍ଯ୍ୟ ହେବେ ଯେ, ଦୁନିଆରେ ଏପରି ଏକ ଦେଶ ଅଛି, ଯେଉଁଠାରେ ଲୋକମାନେ ମସଲା ଭାବରେ ମାଟିକୁ ବ୍ୟବହାର କରନ୍ତି। ଏଠାକାର ମାଟି ଅତ୍ୟନ୍ତ ସ୍ବାଦିଷ୍ଟ। ତେଣୁ ଲୋକେ ଖାଦ୍ୟରେ ମସଲା ଭାବରେ ମାଟିକୁ ବ୍ୟବହାର କରିଥାନ୍ତି।
ଇରାନର ହରମୁଜ୍ ଦ୍ୱୀପରେ ଲୋକମାନେ ଏହା କରନ୍ତି। ସୁନ୍ଦର ପାହାଡ଼ ଯୋଗୁ ଏହି ଦ୍ୱୀପ ଲୋକଙ୍କ ପାଇଁ ସ୍ବତନ୍ତ୍ର ଅଟେ। କିନ୍ତୁ ଏହି ପାହାଡ଼ଗୁଡିକ ବିଷୟରେ ସବୁଠାରୁ ବିଶେଷ କଥା ହେଉଛି ଏଠାରେ ଥିବା ମାଟି ରଙ୍ଗୀନ, ଯେଉଁ କାରଣରୁ ଏହି ଦ୍ୱୀପକୁ ଇନ୍ଦ୍ରଧନୁ ଦ୍ୱୀପ ମଧ୍ୟ କୁହାଯାଏ। ଇରାନର ଏହି ଦ୍ୱୀପର ସୁନ୍ଦର ରଙ୍ଗୀନ ପାହାଡ଼ଗୁଡ଼ିକର ଫଟୋ ପ୍ରାୟତଃ ସୋସିଆଲ ମିଡିଆରେ ଭାଇରାଲ ହୁଏ, ଯାହା ଲୋକଙ୍କୁ ଆକର୍ଷିତ କରିଥାଏ।
ଏଠାକୁ ଆସୁଥିବା ପର୍ଯ୍ୟଟକମାନେ ମଧ୍ୟ ନିଶ୍ଚିତ ଭାବରେ ଏହି ପାହାଡ଼ଗୁଡ଼ିକର ମାଟିର ସ୍ବାଦ ଚାଖନ୍ତି। ପ୍ରଥମେ ଲୋକମାନେ ମାଟି ଖାଇବା ଠାରୁ ଦୂରେଇ ଯାଆନ୍ତି, କିନ୍ତୁ ଗାଇଡ୍ଙ୍କ ପରାମର୍ଶରେ ସେମାନେ ନିଶ୍ଚିତ ଭାବରେ ଥରେ ଏହାକୁ ଚାଖିଥାନ୍ତି।
ଏହି ସୁନ୍ଦର ଦ୍ୱୀପ ପାରସ୍ୟ ଉପସାଗରରେ ଅବସ୍ଥିତ ଏବଂ ଏହାର ମାଟି ଖଣିଜ ପଦାର୍ଥରେ ଭରପୂର ଅଟେ। ଏକ ରିପୋର୍ଟ ଅନୁଯାୟୀ, ଏଠାରେ ମାଟିରେ ବହୁ ଆଇରନ ଏବଂ ପ୍ରାୟ ୭୦ ପ୍ରକାରର ଖଣିଜ ପଦାର୍ଥ ମିଳିଥାଏ ।
ବ୍ରିଟେନର ଜିଓଲୋଜିକାଲ ରିସର୍ଚ୍ଚର ମୁଖ୍ୟ ଭୂ-ବିଜ୍ଞାନୀ ଡକ୍ଟର କ୍ୟାଥରିନ ଗୁଡେନୋଫଙ୍କ ଅନୁଯାୟୀ, ଲକ୍ଷ ଲକ୍ଷ ବର୍ଷ ପୂର୍ବେ ପାରସ୍ୟ ଉପସାଗର ନିକଟରେ ଅବସ୍ଥିତ ଗଭୀର ସମୁଦ୍ରରେ ଲୁଣର ଏକ ଆସ୍ତରଣ ଜମିଥିଲା। ସେବେଠାରୁ ଏହା ଉପରେ ନୂଆ ସ୍ତର ଜମା ହେଉଛି।
