ଚିତ୍ରକୋଣ୍ଡା,୧୧ା୧(ଡି.ଏନ୍.ଏ.): ବୁଧବାର ପୁରୁଷ ହକି ବିଶ୍ୱକପ୍ ୨୦୨୩ର ଉଦଘାଟନୀ ଉତ୍ସବ କଟକ ବାରବାଟୀ ଷ୍ଟାଡିୟମରୁ ସିଧାପ୍ରସାରଣ ହେଉଥିବାରୁ କେହି ଯେମିତି ବାଦ୍ ନ ପଡ଼ିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶାର ପ୍ରତ୍ୟେକ ବ୍ଲକରେ ଏଲ୍ଇଡି/ଏଲ୍ସିଡିର ସୁବିଧା ଯୋଗାଇଛନ୍ତି। ଫଳରେ ଏହା ମାଧ୍ୟମରେ ବାରବାଟୀ ଷ୍ଟାଡିୟମରୁ ସିଧାପ୍ରସାରଣ ହେଉଥିବା ଉତ୍ସବଟିକୁ ଆଜି ମାଲକାନଗିରି ଚିତ୍ରକୋଣ୍ଡା ବ୍ଲକସ୍ତରୀୟ ବିଜୁ ଜନତା ଦଳ ପକ୍ଷରୁ ହକି ବିଶ୍ୱକପ ଉଦ୍ଘାଟନୀ ଉତ୍ସବ ଦେଖି ଖୁସି ହୋଇଛନ୍ତି।
ଚିତ୍ରକୋଣ୍ଡା ବ୍ୟାଙ୍କ ଲାଇନ୍ସ୍ଥିତ ଲାଲ୍ ବାହାଦୂର ଶାସ୍ତ୍ରୀ ସ୍ପୋଟର୍ସ କ୍ଲବର ଭଲିବଲ୍ ପଡ଼ିଆରେ ପ୍ରଶାସନ ପକ୍ଷରୁ ସ୍ବତନ୍ତ୍ର ଭାବରେ ଟେଣ୍ଟ କରାଯାଇ ବସିବା ବ୍ୟବସ୍ଥା କରାଯାଇଛି। ସମସ୍ତ ଜନସାଧାରଣ ମନଭରି ଏହାକୁ ଉପଭୋଗ କରୁଛନ୍ତି। ଏଥିରେ ଚିତ୍ରକୋଣ୍ଡା ବ୍ଲକ ପଞ୍ଚାୟତ ସମତି ଅଧ୍ୟକ୍ଷା ସୁଶ୍ରୀ ରାଜେଶ୍ୱରୀ ଖିଲ, ଚିତ୍ରକୋଣ୍ଡା ସରପଞ୍ଚ ହରିମୋହନ ଖିଲ, ସମିତିସଭ୍ୟ ରାଜ କମଲ ପୁରୋହିତ, ବିଧାୟକ ପ୍ରତିନିଧି ଅମିତ ଅଗ୍ରଓ୍ବାଲ, ଯୁବ ସମ୍ପାଦକ ଗଣେଶ ଖରା, ଲାଲ୍ ବାହାଦୂର ଶାସ୍ତ୍ରୀ ସ୍ପୋଟର୍ସ କ୍ଲବ ସଭାପତି ନାରାୟଣ ଦାସ ଓ ବରିଷ୍ଠ କର୍ମୀ ଦେବେନ୍ଦ୍ର ଦାସଙ୍କ ସହ ୫୦୦ରୁ ଊର୍ଦ୍ଧ୍ୱ ଲୋକ ହକି ବିଶ୍ୱକପ୍ ଉଦ୍ଘାଟନୀ ଉତ୍ସବ ଦେଖି ଖୁସି ହୋଇଛନ୍ତି।
