ନୂଆଦିଲ୍ଲୀ: କରୋନା ମହାମାରୀ ସମୟରେ ମୋବାଇଲ ବଜାରରେ ଯେଉଁ ମାନ୍ଦାବସ୍ଥା ସୃଷ୍ଟି ହୋଇଥିଲା ତାହା ଏକ ପ୍ରକାର ଦୂର ହୋଇଛି। ବର୍ତ୍ତମାନ ସମୟରେ ମୋବାଇଲ ଗ୍ରାହକ ସଂଖ୍ୟା ପୁଣି ଥରେ ବୃଦ୍ଧି ପାଇଥିବା ଦେଖିବାକୁ ମିଳିଛି। ୨୦୨୦ ଡିସେମ୍ବର ମଧ୍ୟରେ ରାଜ୍ୟ ମୋବାଇଲ ବଜାରରେ ୧,୬୨,୦୨୮ ନୂଆ ଗ୍ରାହକ ଯୋଡ଼ି ହୋଇଛନ୍ତି। ଫଳରେ ଓଡ଼ିଶାରେ ମୋଟ୍ ମୋବାଇଲ ଗ୍ରାହକ ସଂଖ୍ୟା ଡିସେମ୍ବର ଶେଷ ସୁଦ୍ଧା ୩ କୋଟି ୩୫ ଲକ୍ଷ ୧୪ ହଜାର ୪୬୦ରେ ପହଞ୍ଚିଛି। ଏହା ନଭେମ୍ବରରେ ପ୍ରାୟ ୩ କୋଟି ୩୩ ଲକ୍ଷ ୫୨ ହଜାର ୬୧୨ ଥିଲା। ଭାରତୀୟ ଦୂରସଞ୍ଚାର ନିୟାମକ କର୍ତ୍ତୃପକ୍ଷ (ଟ୍ରାଇ) ଶୁକ୍ରବାର ଜାରି କରିଥିବା ରିପୋର୍ଟ ଅନୁଯାୟୀ ଗତ ଡିସେମ୍ବରରେ ରାଜ୍ୟରେ ରିଲାଏନ୍ସ ଜିଓ ସର୍ବାଧିକ ୧,୯୮,୪୫୭ ନୂଆ ଗ୍ରାହକ ଯୋଡ଼ିଥିବା ବେଳେ ବିଏସ୍ଏନ୍ଏଲ୍ ୪୧,୪୯୨ ଓ ଭାରତୀ ଏୟାରଟେଲ୍ ୩୮୩୪ ନୂଆ ଗ୍ରାହକ ହାସଲ କରିଛନ୍ତି। ସେହି ସମୟରେ ଭୋଡାଫୋନ୍ ଆଇଡିଆ ୮୧,୬୩୨ ଗ୍ରାହକଙ୍କୁ ହରାଇଥିବା ଜଣାପଡିଛି।
