ଗଞ୍ଜାମ,୩ା୧୨(ଡି.ଏନ୍.ଏ.): ବିଧାନସଭା ଅଧିବେଶନରେ ୫୦ବର୍ଷର ଗଞ୍ଜାମ ମହାବିଦ୍ୟାଳୟର ନିଜସ୍ବ ଜମି ନ ଥିବା ନେଇ ପ୍ରଶ୍ନ କରିଥିଲେ ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରା l ବିଭିନ୍ନ କିସମ ଓ ବିଭିନ୍ନ ବିଭାଗର ଜମି ଉପରେ କଲେଜ ନିର୍ମାଣ ହୋଇଥିବା ବେଳେ ଏଯାବତ୍ ମହାବିଦ୍ୟାଳୟ ନାମରେ ରେକର୍ଡ ଭୁକ୍ତ ନିମନ୍ତେ କ’ଣ ପଦକ୍ଷେପ ନିଆଯାଇଛି ବିଭାଗୀୟ ମନ୍ତ୍ରୀଙ୍କୁ ପ୍ରଶ୍ନ କରିଥିଲେ। ଗଞ୍ଜାମ ମହାବିଦ୍ୟାଳୟ ଏ ୬.୬୧୬ ଡେସିମିଲି ଜମିରେ ଅବସ୍ଥିତ l ତନ୍ମଧ୍ୟରୁ ଏ ୧.୮୦୦ ଡେସିମିଲି ସରକାରୀ ଜମି ଏବଂ ଏ୩.୫୫୮ ଡେସିମିଲି ଏବଂ ବେସରକାରୀ ଜମି ଏବଂ ଏ ୧.୨୫୮ ଡେସିମିଲି ପୂର୍ବତଟ ରେଳବାଇ ଜମି ରହିଛି l ନିୟମ ଅନୁଯାୟୀ ମହାବିଦ୍ୟାଳୟ ନାମରେ ରେକର୍ଡ ଭୁକ୍ତ କରାଯିବା ପାଇଁ ଖୁବ୍ ପଦକ୍ଷେପ ନିଆଯାଉଛି ବୋଲି ରାଜସ୍ବ ଓ ବିପର୍ଯ୍ୟୟ ମନ୍ତ୍ରୀ ସୁଦାମ ମାରାଣ୍ଡି ଉତ୍ତର ରଖିଥିବା ବିଧାୟକଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି l
