ଚାଉଳ ଫେରାଉ ନାହାନ୍ତି ମିଲର

ନୟାଗଡ଼ ଅଫିସ,୨୨।୯: ମଣ୍ଡିରୁ ଧାନ କିଣିବାକୁ ମିଲର ଆଗ୍ରହୀ ଥିବାବେଳେ ଚାଉଳ ଫେରାଇବାକୁ ପଛଘୁଞ୍ଚା ହେଉଛନ୍ତି। ଅବଧି ଶେଷ ହେବାକୁ ୯ ଦିନ ଥିବାବେଳେ ମିଲର ମାନେ ଏଯାବତ ୮୧.୬୧ ପ୍ରତିଶତ ଚାଉଳ ଫେରାଇଛନ୍ତି । ତେବେ ଯୋଗାଣ ବିଭାଗ ମିଲରଙ୍କୁ ତାଗିଦ୍‌ କରିବା ବଦଳରେ ଅବଧି ଭିତରେ ଚାଉଳ ସଂଗ୍ରହ ଶେଷ ହେବ କହି ପ୍ରସଙ୍ଗକୁ ହାଲକା ଭାବେ ନେଇଛି ।

ପ୍ରକାଶ ଯେ, ଜିଲାରେ ୨୦୨୧-୨୨ ଆର୍ଥିକ ବର୍ଷରେ ୧୪୪୦୨୨.୨୯୬ ମେଟ୍ରିକ ଟ୍ରନ ଧାନକୁ ୧୭ଟି ମିଲ୍‌ ଜିଲାର ବିଭିନ୍ନ ମଣ୍ଡିରୁ କିଣିଥିଲେ । ସେହି ଧାନକୁ ଚାଉଳ କରି ମିଲରମାନେ ସେପ୍ଟେମ୍ବର ୨୦୨୨ ସୁଦ୍ଧା ସରକାରଙ୍କୁ ପ୍ରଦାନ କରିବାର ନିୟମ ରହିଛି । ତେବେ ଜିଲାର ଡାଇମଣ୍ଡ ରାଇସ ପ୍ରାଇଭେଟ ଲିମିଟେଡ, ମା’ମଙ୍ଗଳା ଆଗ୍ରୋ ଇଣ୍ଡଷ୍ଟ୍ରି, ନୟାଗଡ଼ ରାଇସ ପ୍ରାଇଭେଟ ଲିମିଟେଡ, ଶ୍ରୀ ରଘୁନାଥ ରାଇସ୍‌ ମିଲ୍‌ କେବଳ ୧୦୦ ପ୍ରତିଶତ ଚାଉଳ ଫେରାଇଛନ୍ତି । ଅବଶିଷ୍ଟ ୧୩ ମିଲ ଏଯାବତ ଶତପ୍ରତିଶତ ଚାଉଳ ଫେରାଇ ନାହାନ୍ତି । ଅନନ୍ତ ବାସୁଦେବ ରାଇସ୍‌ ମିଲ ୭୯.୧୭ ପ୍ରତିଶତ, ବଜରଙ୍ଗୀ ଫୁଡ ପ୍ରଡକ୍ଟସ୍‌ ପ୍ରାଇଭେଟ ଲିମିଟେଡ ୬୬.୫୦ ପ୍ରତିଶତ, ଜଗନ୍ନାଥ ରାଇସ୍‌ ଆଣ୍ଡ ଅଏଲ ଇଣ୍ଡଷ୍ଟ୍ରି ୫୭.୦୨ ପ୍ରତିଶତ, ଜୟବଜରଙ୍ଗୀ ରାଇସ ମିଲ୍‌ ୮୮.୪୦ ପ୍ରତିଶତ ଚାଉଳ ଫେରାଇଛନ୍ତି । ସେହିଭଳି ଜୟ ମହାବୀର ରାଇସ୍‌ ମିଲ ୬୭.୨୪ ପ୍ରତିଶତ, କାଉଁରୀ ଫୁଡ୍‌ ପ୍ରୋସେସିଂ ୟୁନିଟ୍‌ ୮୨.୯୮ ପ୍ରତିଶତ, ମା ବାଗ୍‌ଦେବୀ ରାଇସ୍‌ ମିଲ ୭୪.୪୩ ପ୍ରତିଶତ, ମା’ଲକ୍ଷ୍ମୀ ରାଇସ୍‌ ଇଣ୍ଡଷ୍ଟ୍ରି ୮୮.୬୬ ପ୍ରତିଶତ ଚାଉଳ ଫେରାଇ ନାହାନ୍ତି । ପୁଣି ଆର.କେ. ଏଗ୍ରୀ ଫୁଡ୍‌ ପ୍ରୋସେସିଂ ପ୍ରାଇଭେଟ ଲିମିଟେଡ ୬୪.୫୧ ପ୍ରତିଶତ, ରଜେଶ ଇଣ୍ଡଷ୍ଟ୍ରୀ ୭୫.୩୭ ପ୍ରତିଶତ, ସାଇ ଫୁଡ ପ୍ରଡକ୍ଟସ୍‌ ୮୧.୨୦ ପ୍ରତିଶତ, ସର୍ଦ୍ଦାର ଇଣ୍ଡଷ୍ଟ୍ରିଜ୍‌ ୭୨.୪୯ ପ୍ରତିଶତ, ଶୁଭଲକ୍ଷ୍ମୀ ଏଜେନ୍ସି ପ୍ରାଇଭେଟ ଲିମିଟେଡ ୯୨.୬୪ ପ୍ରତିଶତ ଚାଉଳ ଫେରାଇଛନ୍ତି । ମିଲରମାନଙ୍କ ଚାଉଳ ଫେରାଇବା ଟାର୍ଗେଟକୁ ଅନୁଧ୍ୟାନ କଲେ ଜଣାପଡୁଛି ମିଲରମାନେ ଚାଉଳ ଫେରାଇବାରେ ବିଳମ୍ବ କଲେ ବି ପ୍ରଶାସନ ପକ୍ଷରୁ ଅଙ୍କୁଶ ନାହିଁ । ଯୋଗାଣ ବିଭାଗ ଓ ଜିଲାପାଳ କାହିଁକି ମିଲରମାନଙ୍କୁ ଅନୁକମ୍ପା ଦେଖାଉଛନ୍ତି ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଚାଷୀ ରଣଜିତ୍‌ ଦଳବେହେରା କୁହନ୍ତି, ମଣ୍ଡିରେ ଚାଷୀର ଧାନକୁ ଧୁଳି, ଧୂଷ, ବାଲି ଗୋଡି ମିଶା କହି କୁଇଣ୍ଟାଲ ପିଛା ୧୦ରୁ ୨୦ କେଜି କାଟି କିଣା ଯାଉଛି। ନିର୍ଦ୍ଧାରିତ ସମୟରେ ଧାନ ନ ଆସିଲେ ମିଲର ବ୍ୟବହାର ଖରାପ କରୁଛି। ତେବେ ଚାଉଳ ଫେରାଇବା ବେଳେକୁ ଏପରି ପଛଘୁଞ୍ଚା କାହିଁକି । ମିଲରମାନେ ଧାନକୁ ନେଇ ଚାଉଳ କରି ବାହାର ମାର୍କେଟରେ ବିକ୍ରି ଲାଭବାନ ହେଉଛନ୍ତି । ତେବେ ଲାଭ ନାହିଁ ଦର୍ଶାଇ ସରକାରଙ୍କୁ ଧିରେ ଧିରେ ଚାଉଳ ଫେରାଉଛନ୍ତି । ଯେଉଁ ମିଲର ମାନେ ଶତ ପ୍ରତିଶତ ଚାଉଳ ନିର୍ଦ୍ଧାରିତ ସମୟ ପୂର୍ବରୁ ଫେରାଉଛନ୍ତି ସେମାନଙ୍କୁ ମଧ୍ୟ ପ୍ରୋସତ୍ାହନ ବା ଧନ୍ୟବାଦ ଦିଆଯାଉ ନାହିଁ । ଚାଉଳ ଫେରାଇବା ଉପରେ ଯୋଗାଣ ବିଭାଗର ସମୀକ୍ଷା ଠିକରେ ହେଉ ନ ଥିବାରୁ ମିଲର ଲାଭରେ ରହୁଛନ୍ତି ବୋଲି କହିଛନ୍ତି । ଏନେଇ ଜିଲା ଯୋଗାଣ ଅଧିକାରୀ ବ୍ରଜବନ୍ଧୁ ନାୟକ କୁହନ୍ତି, ସେପ୍ଟେମ୍ବର ୧୩ ସୁଦ୍ଧା ୮୧.୬୧ ପ୍ରତିଶତ ଚାଉଳ ମିଲର ଫେରାଇଥିଲେ। ସେପ୍ଟେମ୍ବର ୨୧ ସୁଦ୍ଧା ୮୭ ପ୍ରତିଶତ ଚାଉଳ ଫେରାଇ ସାରିଲେଣି। ସେପ୍ଟେମ୍ବର ୩୦ ସୁଦ୍ଧା ଟାର୍ଗେଟ ମୁତାବକ ଚାଉଳ ମିଲରମାନେ ଫେରାଇବେ ବୋଲି କୁହାଯାଇଛି ।


Enter your email to get our daily news in your inbox.

All Right Reserved By Dharitri.Com

ରେମୁଣା ଡାକ୍ତରଖାନାରେ ଅବ୍ୟବସ୍ଥା ନେଇ ଉତ୍ତେଜନା: ତାଲା ପକାଇଲେ, ସିସି କ୍ୟାମେରା ଭାଙ୍ଗିଲେ

ରେମୁଣା, ୫ା୧୦(ଡି.ଏନ.ଏ.): ବାଲେଶ୍ୱର ଜିଲା ରେମୁଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଅବ୍ୟବସ୍ଥା ନେଇ ଶୁକ୍ରବାର ବିଳମ୍ବିତ ରାତିରେ ରୋଗୀଙ୍କ ସମ୍ପର୍କୀୟମାନେ ଡାକ୍ତରଖାନାରେ ଭଙ୍ଗାରୁଜା କରିଛନ୍ତି। ଉତ୍ତ୍ୟକ୍ତ ଲୋକେ...

ଗୁରୁଦିବସରେ ଅଧ୍ୟାପକଙ୍କ କଳାବ୍ୟାଜ୍‌ ପରିଧାନ

ଭଞ୍ଜନଗର,୬।୯(ଡି.ଏନ୍‌.ଏ.)- ବେସରକାରୀ ଅନୁଦାନ ପ୍ରାପ୍ତ ଏବଂ ଅଣ ଅନୁଦାନପ୍ରାପ୍ତ କଲେଜରେ ୧ ଜୁନ୍‌ ୨୦୦୮ ଠାରୁ ୩୦ ନଭେମ୍ବର ୨୦୧୩ ମଧ୍ୟରେ ନିଯୁକ୍ତି ପାଇଥିବା ଅଧ୍ୟାପକ...

ଛତ୍ରପୁର କଲେଜରେ ଛାତ୍ରୀଛାତ୍ରଙ୍କ ଧାରଣା

ଛତ୍ରପୁର,୧୩ା୯(ଡି.ଏନ.ଏ.)- ଛତ୍ରପୁର ସରକାରୀ ବିଜ୍ଞାନ କଲେଜର ଛାତ୍ରୀଛାତ୍ର ଓ ପୂର୍ବତନ ଛାତ୍ର ସଂଘ ପକ୍ଷରୁ ବିଭିନ୍ନ ଦାବି ନେଇ ଗୁରୁବାର ଧାରଣା ଦିଆଯାଇଥିଲା। ଖଲ୍ଲିକୋଟ କ୍ଲଷ୍ଟର...

ପୁଣି ତେଜିଲା ବିଜେଡିର ଗୋଷ୍ଠୀ ବିବାଦ : ରାଜଶ୍ରୀଙ୍କ ଗାଡ଼ି ଆଗରେ ଶୋଇଲେ ବିଷ୍ଣୁ ସମର୍ଥକ

ତିର୍ତ୍ତୋଲ,୫ା୮(ଡି.ଏନ.ଏ.): ଜଗତ୍‌ସିଂହପୁର ଏମ୍‌ପି ଡା. ରାଜଶ୍ରୀ ମଲ୍ଲିକ ଓ ତିର୍ତ୍ତୋଲ ବିଧାୟକ ବିଷ୍ଣୁ ଚରଣ ଦାସଙ୍କ ସମର୍ଥକମାନଙ୍କ ମଧ୍ୟରେ ବିବାଦକୁ ନେଇ ବହୁଥର ରାଜ୍ୟ ରାଜନୀତି...

କୂଅରେ ପଡ଼ିଛି ହାତୀଛୁଆ, ଉଦ୍ଧାର କାର୍ଯ୍ୟ ଜାରି

ରାଇକିଆ,୨୭ା୫(ଡି.ଏନ୍‌.ଏ.): କନ୍ଧମାଳ ଜିଲା ରାଇକିଆ ବ୍ଲକର ବାରବା ରେଞ୍ଜର ପଳାଶପଲ୍ଲୀ ଗ୍ରାମର ଏକ ପରିତ୍ୟକ୍ତ କୂଅରେ ଗୁରୁବାର ରାତିରୁ ଏକ ୪/୫ ବର୍ଷ ର ହାତୀଛୁଆ...

ବକୁଳବନର ପୁନରୁଦ୍ଧାର ପାଇଁ ଶପଥ

ସାକ୍ଷୀଗୋପାଳ,୨୩ା୧(ସ୍ବ.ପ୍ର./ଡି.ଏନ୍‌.ଏ.): ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ ଏବଂ ସତୀର୍ଥମାନଙ୍କ ଦ୍ୱାରା ନିର୍ମିତ ମଣିଷ ତିଆରି କାରଖାନା, ସେବା, ସଂସ୍କାର ଓ ସାହିତ୍ୟ ସାଧନାରେ ପରିପୁଷ୍ଟ ଓଡ଼ିଶାର...

ଆଶଙ୍କାରେ ଚଣ୍ଡିଖୋଲ ଭୂତଳ ତୈଳଭଣ୍ଡାର

ଚଣ୍ଡିଖୋଲ,୧୦।୧୧(ଡି.ଏନ.ଏ.): ଯାଜପୁର ଜିଲା ଚଣ୍ଡିଖୋଲଠାରେ ପ୍ରସ୍ତାବିତ ଭୂତଳ ତୈଳ ଭଣ୍ଡାର ନିର୍ମାଣ ନେଇ ୨୦୧୬-୧୭ରୁ ଘୋଷଣା କରାଯାଇଥିଲେ ବି ଏ ପର୍ଯ୍ୟନ୍ତ କାର୍ଯ୍ୟ ପାଦେ ବି...

ରାଜ୍ୟ ଓ ଦେଶ ବାହାରୁ ଫେରିଛନ୍ତି ୩ହଜାର ୭ଶହ ଲୋକ: ଜିଲାରେ ଖୋଲିଲା ୧୮ ସଙ୍ଗରୋଧ ଗୃହ, ୨୪୪ ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ର

ଜୟପୁର,୩୦ା୩(ନି.ପ୍ର.): ଭାଇରସ୍‌କୁ ନେଇ ସୃଷ୍ଟି ହୋଇଥିବା ପରିସ୍ଥିତିର ମୁକାବିଲା ପାଇଁ କେନ୍ଦ୍ର ଓ ରାଜ୍ୟ ସରକାର  ତତ୍ପରତା ପ୍ରକାଶ କରିଛନ୍ତି। ସେହିପରି ସଂକ୍ରମଣକୁ ରୋକିବା ପାଇଁ...

Advertisement
Archives

Model This Week