ସୋସିଆଲ ମିଡିଆରେ ଅନେକ କଥା ଭାଇରାଲ ହୋଇଥାଏ। ଯାହା ଜାଣି ଆଶ୍ଚର୍ଯ୍ୟ ହେବା ସ୍ବାଭାବିକ। ଆଜିକାଲି ସୋସିଆଲ ମିଡିଆରେ ଚାଇନାର ଗୁଆଙ୍ଗଜୋ ପ୍ରଦେଶର ଏକ ଅଦ୍ଭୁତ ଘଟଣା ଚର୍ଚ୍ଚାକୁ ଆସିଛି। ଏଠାରେ ରହୁଥିବା ଜଣେ ବ୍ୟକ୍ତି ହଠାତ୍ ତାଙ୍କ କାନ କୁଣ୍ଡେଇ ହେବା ଆରମ୍ଭ ହେଲା। ସେ ଭାବିଲେ ଏହା ଏକ ସାଧାରଣ କଥା, କିନ୍ତୁ ଏହି କୁଣ୍ଡେଇବା ବନ୍ଦ ହେଲାନାହିଁ। ଏଭଳି ପରିସ୍ଥିତିରେ ସେ ଡାକ୍ତରଖାନା ଦୌଡ଼ିଥିଲେ। କିନ୍ତୁ ଡାକ୍ତର ଯାହା ବାହାର କଲେ ଜାଣିଲେ ଆଶ୍ଚର୍ଯ୍ୟ ହେବେ। ଏହା କିପରି ଘଟିଲା ଡାକ୍ତର ମଧ୍ୟ ଜାଣିପାରିଲେନି।
ବ୍ୟକ୍ତି ଜଣକ କହିଛନ୍ତି, ଯେତେବେଳେ ସେ ରାତିରେ ଶୋଇବାକୁ ଯାଆନ୍ତି, ସେତେବେଳେ ସେ ସମ୍ପୂର୍ଣ୍ଣ ଭଲ ଥିଲେ। କିନ୍ତୁ ସେ ସକାଳେ ଉଠିବା ମାତ୍ରେ ତାଙ୍କ କାନ କୁଣ୍ଡେଇ ହେବାକୁ ଲାଗିଲା। ଧୀରେ ଧୀରେ କୁଣ୍ଡେଇ ବଢ଼ିବାରେ ଲାଗିଲା। ରାତିରେ ଶୋଇବା ସମୟରେ ଏକ କୀଟ ତାଙ୍କ କାନରେ ପ୍ରବେଶ କରିଥିବା ସେ ସନ୍ଦେହ କରିଥିଲେ। ଏପରି ପରିସ୍ଥିତିରେ ସେ ତୁରନ୍ତ ଡାକ୍ତରଖାନା ଯାଇଥିଲେ। ଯେଉଁଠାରେ ଟୁ ବୋ ନାମକ ଜଣେ ଡାକ୍ତର ତାଙ୍କୁ ପରୀକ୍ଷା କରିଥିଲେ ଏବଂ ପରେ ଯାହା ପ୍ରକାଶ କରିଥିଲେ ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା।
ଡାକ୍ତର ଟୁ ବୋଙ୍କ ଅନୁଯାୟୀ, ପୀଡ଼ିତଙ୍କ କାନରେ ଏକ ଜୀବନ୍ତ ଝିଟିପିଟି ବୁଲୁଥିଲା। ଏପରି ପରିସ୍ଥିତିରେ ଡାକ୍ତର ଇଞ୍ଜେକ୍ସନ ଦେଇ ତୁରନ୍ତ ଝିଟିପିଟିକୁ ଚେତାଶୂନ୍ୟ କରିଦେଇଥିଲେ। ବିଳମ୍ବ ନ କରି ଜୀବନ୍ତ ଝିଟିପିଟି ତାଙ୍କ କାନରୁ ବାହାର କରାଯାଇଥିଲା। ଡାକ୍ତରଙ୍କ କହିବାନୁସାରେ, ଯଦି ବିଳମ୍ବ ହୋଇଥାନ୍ତା, ତେବେ ଝିଟିପିଟିଟି ତାଙ୍କ ମସ୍ତିଷ୍କରେ ପହଞ୍ଚି ପାରିଥାନ୍ତା। ତାଙ୍କ ଜୀବନ ବିପଦରେ ପଡ଼ିଥାନ୍ତା ।
ଆଶ୍ଚର୍ଯ୍ୟଜନକ କଥା ହେଲା, ଝିଟିପିଟିର ଲାଞ୍ଜ ନ ଥିଲା। ଡାକ୍ତର ଭାବିଥିଲେ କାନରେ ରହିଯାଇଥିବ। ମାତ୍ର ପୁଣି କାନକୁ ଯାଞ୍ଚ କରିଥିଲେ। କିନ୍ତୁ ଲାଞ୍ଜ ମିଳି ନ ଥିଲା। ୨ ଦିନ ହସ୍ପିଟାଲରେ ରହିବା ପରେ ଉକ୍ତ ବ୍ୟକ୍ତିଙ୍କୁ ଡିସ୍ଚାର୍ଜ କରାଯାଇଥିଲା। ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି।
