ରସୁଲପୁର,୧ା୪(ଡି.ଏନ.ଏ.): କୁଆଖିଆ ଥାନା ରାହାମ୍ବା ପଞ୍ଚାୟତ ମିର୍ଜାପୁର ଗ୍ରାମର କୁଳମଣି ଲେଙ୍କାଙ୍କ ପୁଅ ବିକାଶ ଲେଙ୍କାଙ୍କ ହତ୍ୟା ମାମଲାର ତତନ୍ତ ଆରମ୍ଭ ହୋଇଥିବାବେଳେ ଝଡ଼ବର୍ଷା ଏଥିରେ ବାଧକ ସୃଷ୍ଟି କରିଛି। ଶୁକ୍ରବାର ସକାଳୁ ପୋଲିସ ବିକାଶଙ୍କ ଘରୁ ତଦନ୍ତ ଆରମ୍ଭ କରିଛି। ହତ୍ୟାକାଣ୍ଡ ବିକାଶଙ୍କ ଘରେ ଘଟିଛି ବୋଲି ପୋଲିସ ଆଶଙ୍କା କରୁଛି। ସେହି ଦିଗକୁ ଗୁରୁତ୍ୱ ଦେଇ ତଦନ୍ତକାରୀ ଅଧିକାରୀ ମୃତ ଯୁବକଙ୍କ ଘର ଭିତରର ବିଭିନ୍ନ ସ୍ଥାନକୁ ତନ୍ନତନ୍ନ କରି ଯାଞ୍ଚ କରିଛନ୍ତି। ତଦନ୍ତରେ ପୋଲିସ ସନ୍ଧାନୀ କୁକୁରର ସହାୟତା ନେଇଥିଲା। ମାତ୍ର ଝଡ଼ବର୍ଷା ଯୋଗୁ ତଦନ୍ତ ଆଗକୁ ବଢ଼ିପାରି ନାହିଁ। ପୋଲିସ ପକ୍ଷରୁ ଅଟକ ରଖାଯାଇଥିବା ସନ୍ଦିଗ୍ଧଙ୍କୁ ଦିନ ତମାମ ଜେରା କରାଯାଇଛି। ସନ୍ଦିଗ୍ଧଙ୍କୁ ପ୍ରଥମେ ପୃଥକ୍ ସ୍ଥାନରେ ଜେରା କରାଯିବା ପରେ ମୁହାଁମୁହଁି ଜେରା କରାଯାଇଛି। ଉକ୍ତ ମାମଲାକୁ ଯାଜପୁର ଜିଲା ଆରକ୍ଷୀ ଅଧୀକ୍ଷକ ଗୁରୁତର ସହ ନେଇଛନ୍ତି। ସକାଳୁ ଆରକ୍ଷୀ ଅଧୀକ୍ଷକ ବିନୀତ ଅଗ୍ରୱାଲ କୁଆଖିଆ ଥାନାକୁ ଆସି ଘଟଣା ସମ୍ପର୍କରେ ବିସ୍ତୃତ ବିବରଣୀ ତଦନ୍ତ ଅଧିକାରୀଙ୍କଠାରୁ ପଚାରି ବୁଝିଥିଲେ।
ଅତିରିକ୍ତ ଏସ୍ପି ନାରାୟଣ ଚନ୍ଦ୍ର ବାରିକ ପ୍ରତ୍ୟକ୍ଷଭାବେ ଉକ୍ତ ମାମାଲକୁ ତଦାରଖ କରୁଛନ୍ତି। ତେଣେ ବିକାଶଙ୍କ ପରିବାର ସହ ପୂର୍ବରୁ ବିବାଦ ରହିଆସୁଥିବା ହରି ବରାଳ ପରିବାରର ଅନ୍ୟ କେତେଜଣ ସଦସ୍ୟଙ୍କୁ ପୋଲିସ ଥାନାରେ ଅଟକ ରଖି ପଚରା ଉଚରା ଜାରି ରଖିଛି। ଘଟଣାରେ ସମ୍ପୃକ୍ତ ଅଭିଯୁଙ୍କ ନିକଟରେ ପୋଲିସ ଖୁବ୍ଶୀଘ୍ର ପହଞ୍ଚତ୍ବ ବୋଲି ଆଶା କରାଯାଉଛି। ଏ ନେଇ ପୋଲିସ ଗଣମାଧ୍ୟମକୁ ବିଶେଷ କିଛି ତଥ୍ୟ ଦେଉନାହିଁ। ଏ ସମ୍ପର୍କରେ ପ୍ରତକ୍ରିୟା ପାଇଁ ଅତିରିକ୍ତ ଆରକ୍ଷୀ ଅଧୀକ୍ଷକ ନାରାୟଣ ଚନ୍ଦ୍ର ବାରିକଙ୍କୁ ଫୋନ୍ ଦ୍ୱାରା ଯୋଗାଯୋଗ କରାଯାଇଥିଲେ ମଧ୍ୟ ସେ ଫୋନ୍ ରିସିଭ୍ କରି ନ ଥିଲେ। ସୂଚନାକ ମୁତାବକ, ବୁଧବାର ରାତିରେ ବିକାଶଙ୍କୁ ହତ୍ୟା କରାଯାଇଥିଲା। ଜମି ବିବାଦକୁ ନେଇ ରହି ଆସୁଥିବା ଶତ୍ରୁତା ହତ୍ୟାକାଣ୍ଡର ମୁଖ୍ୟକାରଣ ବୋଲି କୁହାଯାଉଛି। ହତ୍ୟାକାଣ୍ଡ ନେଇ ବିକାଶଙ୍କ ଦାଦା ଥାନାରେ ଅଭିଯୋଗ କରିଥିଲେ। ପୋଲିସ ଗୁରୁବାର ୩ଜଣଙ୍କୁ ଥାନାରେ ଅଟକ ରଖି ପଚରା ଉଚରା କରିଥିଲ। ରିପୋର୍ଟ ଲେଖାହେବା ସୁଦ୍ଧା ସନ୍ଦିଗ୍ଧଙ୍କ ସଂଖ୍ୟା ୬ରେ ପହଞ୍ଚତ୍ଛି ବୋଲି ବିଶ୍ୱସୂତ୍ରରୁ ଜଣାପଡ଼ିଛି।
