୮୦ ଦଶକରେ ଭାରତୀୟ କ୍ରିକେଟ୍ ଦଳର କୋଚ୍ ରବି ଶାସ୍ତ୍ରୀଙ୍କ ବହୁତ ଯୁବ ପ୍ରଶଂସକମାନେ ଥିଲେ। ସେତେବେଳେ ରବି ଶାସ୍ତ୍ରୀ ଜଣେ ହିରୋଠାରୁ କମ ନଥିଲେ। ଶାସ୍ତ୍ରୀଙ୍କ ନାମ ସେହି ସମୟରେ କିଛି ବଲିଉଡ ଅଭିନେତ୍ରୀଙ୍କ ସହ ଜଡିତ ଥିଲା। ଥରେ ଶାସ୍ତ୍ରୀ ଟେନିସ ଖେଳାଳି ଗାବ୍ରିଏଲା ସାବାଟିନିଙ୍କୁ ପ୍ରପୋଜ୍ କରିବା ପାଇଁ ଆର୍ଜେଣ୍ଟିନା ପଳାଇ ଥିଲେ। ସେତେେବେଳ ଗାବ୍ରିଏଲା ଟେନିସ ଜଗତରେ ରାଜ୍ କରୁଥିଲେ। କିନ୍ତୁ ଗ୍ରାବିଏଲା ଶାସ୍ତ୍ରୀଙ୍କ ପ୍ରସ୍ତାବକୁ ଏଡାଇ ଯାଇଥିଲେ।
ବଲିଉଡ ଅଭିନେତ୍ରୀ ଅମୃତା ସିଂଙ୍କ ସହ ରବି ଶାସ୍ତ୍ରୀଙ୍କ ସମ୍ପର୍କ କାହାକୁ ଅଛପା ନାହିଁି। ଅମୃତା ସିଂ ଏବଂ ରବି ଶାସ୍ତ୍ରୀ ଏକ ପତ୍ରିକା କଭର ପୃଷ୍ଠାରେ ଏକାଠି ନଜର ଆସିଥିଲେ। କୁହାଯାଏ ଯେ ଏହି ଫଟୋସୁଟ ସମୟରେ ଦୁହେଁ ପରସ୍ପରକୁ ହୃଦୟ ଦେଇ ବସିଥିଲେ। କେବଳ ଏତିକି ନୁହେଁ ଅମୃତା ସିଂ ମଧ୍ୟ କ୍ରିକେଟ ଷ୍ଟାଡିୟମରେ ପହଞ୍ଚିବା ଆରମ୍ଭ କରିଥିଲେ। ସେ ରବି ଶାସ୍ତ୍ରୀଙ୍କୁ ଅନେକ ଥର ଚିୟର କରୁଥିବା ଦେଖିବାକୁ ମିଳିଥିଲା। କିଛି ବର୍ଷ ପର୍ଯ୍ୟନ୍ତ ଡେଟିଂ କରିବା ପରେ ୧୯୮୬ ମସିହାରେ ଦୁହଁିଙ୍କ ମଧ୍ୟ ନିର୍ବନ୍ଧ ହୋଇଥିଲା। କିନ୍ତୁ ଏହା ସତ୍ତ୍ୱେ ଉଭୟ ବିବାହ କରିବାକୁ ସକ୍ଷମ ହୋଇନଥିଲେ। ଏହା ପରେ, ୧୯୯୦ ମସିହାରେ ରବି ଶାସ୍ତ୍ରୀ ରିତୁଙ୍କୁ ବିବାହ କରିଥିଲେ ଏବଂ ଏହାର ଗୋଟିଏ ବର୍ଷ ପରେ ଅମୃତା ସିଂ ଅଭିନେତା ସୈଫ ଅଲି ଖାନଙ୍କୁ ତାଙ୍କ ସାଥୀ କରିଥିଲେ। ଏହିପରି ଏହି ପ୍ରେମ କାହାଣୀ ଶେଷ ହେଲା। ୨୦୧୮ ମସିହାରେ, ନିମ୍ରତ କୌର ଏବଂ ରବି ଶାସ୍ତ୍ରୀ ଦୁଇ ବର୍ଷ ଧରି ପରସ୍ପରକୁ ଡେଟ କରୁଥିଲେ। ସେମାନେ ପ୍ରଥମେ ୨୦୧୫ରେ ଏକ ଜର୍ମାନ କାର୍ କମ୍ପାନୀର କାର୍ ଲଞ୍ଚ ସମୟରେ ସାକ୍ଷାତ ହୋଇଥିଲେ। ତେବେ ଏହି ଡେଟିଂ ଖବରକୁ ଏକ ଗୁଜବ ବୋଲି କହି ଉଭୟ ଏହାକୁ ଅସ୍ବୀକାର କରିଛନ୍ତି।
ରବି ଶାସ୍ତ୍ରୀ ଟିମ ଇଣ୍ଡିଆ ପାଇଁ ୮୦ଟି ଟେଷ୍ଟ ମ୍ୟାଚ ଏବଂ ୧୫୦ଟି ଏକଦିବସୀୟ ଖେଳିଥିଲେ। ତାଙ୍କ ଅନ୍ତର୍ଜାତୀୟ କ୍ୟାରିୟରରେ ରବି ଶାସ୍ତ୍ରୀ ପ୍ରାୟ ୭୦୦୦ ରନ ସଂଗ୍ରହ କରିଥିଲେ ଏବଂ ତାଙ୍କ ନାମରେ ୨୮୦ ଉଇକେଟ ମଧ୍ୟ ନେଇଥିଲେ।
