ନୂଆଦିଲ୍ଲୀ,୨୧।୮: ଦେଶର ପ୍ରମୁଖ ୨ଚକିଆ ଯାନ ନିର୍ମାତା କମ୍ପାନୀ ‘ହୋଣ୍ଡା ମୋଟରସାଇକଲ ଆଣ୍ଡ ସ୍କୁଟର ଇଣ୍ଡିଆ ଲିମିଟେଡ୍’ର ବହୁ ପ୍ରତୀକ୍ଷିତ ତଥା ଆଧୁନିକ ଜ୍ଞାନକୌଶଳରେ ନିର୍ମିତ ହୋଇଥିବା ହୋଣ୍ଡା ଆକ୍ଟିଭାର ପ୍ରିମିୟମ ଏଡିଶନ ନିକଟରେ ଉନ୍ମୋଚନ କରାଯାଇଥିଲା। ଏପରିକି ଗତ ୨ ଦଶନ୍ଧି ଧରି ଭରସାଯୋଗ୍ୟ ଓ ଅଦମ୍ୟ ଆକର୍ଷଣ ଜରିଆରେ ନିୟୁତାଧିକ ଗ୍ରାହକଙ୍କୁ ଉଲ୍ଲସିତ କରୁଥିବା ହୋଣ୍ଡା ଆକ୍ଟିଭାର ସମ୍ପୂର୍ଣ୍ଣ ନୂଆ ୨୦୨୨ ଆକ୍ଟିଭା ପ୍ରିମିୟମ ଏଡିଶନର ବଜାର ପ୍ରବେଶ ସମ୍ପର୍କରେ ମଧ୍ୟ ଘୋଷଣା କରାଯାଇଛି।
ସମ୍ପର୍କରେ ହୋଣ୍ଡା ମୋଟରସାଇକଲ ଆଣ୍ଡ ସ୍କୁଟର ଇଣ୍ଡିଆର ପରିଚାଳନା ନିର୍ଦ୍ଦେଶକ, ସଭାପତି ଓ ସିଇଓ ଆତସୁସି ଓଗାତା କହିଛନ୍ତି, ସାମ୍ନାରୁ ନେତୃତ୍ୱ ନେଇ ହୋଣ୍ଡା ଆକ୍ଟିଭା ଏହାର ସମ୍ପୂର୍ଣ୍ଣ ଅନ୍ତର୍ଭୁକ୍ତୀକରଣ ଆକର୍ଷଣ ସହ ଦେଶର ସବୁ ବୟସ ବର୍ଗର ଚାଳକଙ୍କ ଆବଶ୍ୟକତା ପୂରଣ କରୁଛି। ଗତ ୨ ଦଶନ୍ଧିରେ ଆକ୍ଟିଭା ବ୍ରାଣ୍ଡ୍ରେ କେବଳ ପ୍ରଯୁକ୍ତି ଅଭ୍ୟୁଦୟ ହୋଇନାହିଁ ବରଂ ଏହାର ଡିଜାଇନ ଆକର୍ଷଣରେ ମଧ୍ୟ ଉନ୍ନତି ହୋଇଛି। ଏହା ପ୍ରତି ନୂଆ ଅପ୍ଡେଟ୍ ସହ ଆହୁରି ଆକର୍ଷଣୀୟ ଓ ଟ୍ରେଣ୍ଡି ହୋଇପାରିଛି। ୨୦୨୨ ପ୍ରିମିୟମ ଏଡିଶନ ସହ ଆମେ ସମ୍ପୂର୍ଣ୍ଣ ନୂଆ ଅବତାରରେ ଆକ୍ଟିଭାକୁ ଆଣିଥିବାରୁ ଉଲ୍ଲସିତ। ଏହାର ଗ୍ରାହକମାନଙ୍କୁ ସୁବର୍ଣ୍ଣ ସ୍ପର୍ଶ ସହ ଅତୁଳନୀୟ ସମୃଦ୍ଧିର ପ୍ରତିଶ୍ରୁତି ପ୍ରଦାନ କରୁଛି।
ଆକ୍ଟିଭା ପ୍ରିମିୟମ ଏଡିଶନ ୩ଟି ଆକର୍ଷଣୀୟ ରଙ୍ଗ-ମ୍ୟାଟ୍ ସାଙ୍ଗ୍ରିଆ ରେଡ୍ ମେଟାଲିକ୍, ମ୍ୟାଟ୍ ମାର୍ସଲ୍ ଗ୍ରିନ୍ ମେଟାଲିକ୍ ଓ ପର୍ଲ ସାଇରନ୍ ବ୍ଲୁ ରଙ୍ଗରେ ଉପଲବ୍ଧ ହେଉଛି। ସମ୍ପୂର୍ଣ୍ଣ ନୂଆ ଆକ୍ଟିଭା ପ୍ରିମିୟମ ଏଡିଶନ କେବଳ ଡିଲକ୍ସ ଭାରିଆଣ୍ଟରେ ଉପଲବ୍ଧ ହେବ ଏବଂ ଏହାର ମୂଲ୍ୟ (ଏକ୍ସ ଶୋ’ରୁମ୍, ଦିଲ୍ଲୀ) ୭୫,୪୦୦ ଟଙ୍କା ରହିଛି।
