Posted inଖେଳ

ଭାରତ-ପାକିସ୍ତାନ ଖେଳାଳିଙ୍କ ପାରିଶ୍ରମିକ ମଧ୍ୟରେ ଆକାଶ-ପାତାଳ ଫରକ: ଜାଣନ୍ତୁ ଗୋଟିଏ ମ୍ୟାଚ୍‌ ପାଇଁ ଏତିକି ମିଳେ ଟଙ୍କା

ନୂଆଦିଲ୍ଲୀ,୧୯।୧୦: ଟି -୨୦ ବିଶ୍ୱକପ୍‌ର ସବୁଠୁ ବଡ ମ୍ୟାଚ ପାଇଁ କାଉଣ୍ଟଡାଉନ ଆରମ୍ଭ ହୋଇଛି। ଅକ୍ଟୋବର ୨୪ ରେ ଭାରତ ଏବଂ ପାକିସ୍ତାନ ମଧ୍ୟରେ ମହାମୁକାବିଲା ମ୍ୟାଚ୍‌ ହେବ। ପ୍ରାୟ ୨୮ ମାସ ପରେ ଉଭୟ ଦଳ ମୁହାଁମୁହିଁ ହେବେ। ଶେଷ ଥର ପାଇଁ ଦୁଇ ଦଳ ୨୦୧୯ ବିଶ୍ୱକପ୍‌ରେ ଭେଟିଥିଲେ। ଏହି ମ୍ୟାଚ ଉପରେ ସମଗ୍ର ବିଶ୍ୱର ଆଖି ସ୍ଥିର ହେବ। ଆଇସିସି ମଧ୍ୟ ଏହି ମ୍ୟାଚରୁ ପ୍ରବଳ ରୋଜଗାର କରିଥାଏ। ପ୍ରାୟୋଜକ ଠାରୁ ଆରମ୍ଭ କରି ଟିଭି ବିଜ୍ଞାପନ ପର୍ଯ୍ୟନ୍ତ, ମୂଲ୍ୟ ଶହେ ଗୁଣରୁ ଅଧିକ ବୃଦ୍ଧି ପାଇଥାଏ। ତେଣୁ ଏହି ବଡ ମଞ୍ଚରେ ଭଲ ପ୍ରଦର୍ଶନ କରିବାକୁ ଖେଳାଳିଙ୍କ ଉପରେ ଚାପ ରହିଛି। କିନ୍ତୁ ଆପଣ ଜାଣନ୍ତି କି ମ୍ୟାଚ ଖେଳିବା ପାଇଁ ଭାରତ ଏବଂ ପାକିସ୍ତାନର ଖେଳାଳିମାନେ କେତେ ଟଙ୍କା ପାଆନ୍ତି।
ପାକିସ୍ତାନ କ୍ରିକେଟ ବୋର୍ଡ ବର୍ତ୍ତମାନ ସବୁଠାରୁ ଖରାପ ପର୍ଯ୍ୟାୟ ଦେଇ ଗତି କରୁଛି । ପ୍ରାୟ ୧୨ ବର୍ଷ ପରେ, ନିଜ ମାଟିରେ ଏକ ବଡ ଅନ୍ତର୍ଜାତୀୟ କାର୍ଯ୍ୟକ୍ରମର ଆଶା ବଢିଥିଲା। କିନ୍ତୁ ଆତଙ୍କବାଦୀ ଆକ୍ରମଣକୁ ଭୟ କରି ନ୍ୟୁଜିଲାଣ୍ଡ ପାକିସ୍ତାନର ଆଶାକୁ ଧୂଳିସାତ୍‌ କରିଦେଇଛି।
ଦୀର୍ଘ ସମୟ ଅପେକ୍ଷା ପରେ ଚଳିତ ବର୍ଷ ଜୁଲାଇରେ ପାକିସ୍ତାନୀ ଖେଳାଳିଙ୍କ ଦରମା ସାମାନ୍ୟ ବୃଦ୍ଧି କରାଯାଇଥିଲା। ଭାରତ ଭଳି ଖେଳାଳିଙ୍କୁ ମଧ୍ୟ ପାକିସ୍ତାନରେ କେନ୍ଦ୍ରୀୟ ଚୁକ୍ତିନାମା ଦିଆଯାଇଛି। ଏଠାରେ ଏ ଗ୍ରେଡରେ ଆସୁଥିବା ଖେଳାଳିମାନଙ୍କୁ ପ୍ରତିବର୍ଷ ଏକ କୋଟି ୨୦ ଲକ୍ଷ ଟଙ୍କା ଦିଆଯାଏ। ଅର୍ଥାତ୍‌ ସେମାନେ ଭାରତୀୟ ମୁଦ୍ରାରେ ପ୍ରାୟ ୫୨ ଲକ୍ଷ ଟଙ୍କା ପାଇଥାନ୍ତି। ଭାରତରେ, ଏ ଗ୍ରେଡ ଖେଳାଳିଙ୍କୁ ପ୍ରତିବର୍ଷ ୭ କୋଟି ଟଙ୍କା ଦିଆଯାଏ।
ପାକିସ୍ତାନରେ ବିଭିନ୍ନ ଗ୍ରେଡ ଅନୁଯାୟୀ ଖେଳାଳିଙ୍କୁ ମ୍ୟାଚ ଫି ଦିଆଯାଏ। ଏକ ଟେଷ୍ଟ ମ୍ୟାଚ ପାଇଁ ଖେଳାଳିଙ୍କୁ ୩.୫ ଲକ୍ଷ, ଦିନିକିଆରେ ୨.୨ ଲକ୍ଷ ଟଙ୍କା ଏବଂ ଟି -୨୦ ଖେଳିବା ପାଇଁ ମାତ୍ର ୧ ଲକ୍ଷ ୬୦ ହଜାର ଟଙ୍କା ଦିଆଯାଏ । ଯଦି କେହି ‘ସି’ ଗ୍ରେଡ ରେ ଅଛନ୍ତି ତେବେ ସେ ଆହୁରି କମ ଟଙ୍କା ପାଇବେ । ଯଦି ହିସାବ ନିଆଯାଏ, ତେବେ ଯେଉଁମାନେ ଭାରତରେ ଘରୋଇ କ୍ରିକେଟ ଖେଳନ୍ତି ସେମାନେ ମଧ୍ୟ ଏହାଠାରୁ ଅଧିକ ଟଙ୍କା ପାଆନ୍ତି।
ଭାରତୀୟ ଖେଳାଳିଙ୍କ ମ୍ୟାଚ ଫି ବିଷୟରେ କହିବାକୁ ଗଲେ ବିଭିନ୍ନ ଗ୍ରେଡ ଅନୁଯାୟୀ ଖେଳାଳିମାନଙ୍କର ଏକ ଗ୍ରେଡ୍‌ ଅଛି। ଏଠାରେ ଏ ଗ୍ରେଡ ଖେଳାଳିଙ୍କୁ ପ୍ରତିବର୍ଷ ୭ କୋଟି ଟଙ୍କା ଦିଆଯାଏ। ବି ଗ୍ରେଡ ପାଇଁ ୫ କୋଟି ଏବଂ ସି ଗ୍ରେଡ ପାଇଁ ୩ କୋଟି ଟଙ୍କା ମିଳେ। ପାକିସ୍ତାନୀ ଖେଳାଳିମାନେ ଏବେ ମଧ୍ୟ ଏକ କୋଟିରୁ କମ୍‌ ପାଉଛନ୍ତି। ମ୍ୟାଚ ଫି’ ଭାବରେ ଟେଷ୍ଟ ପାଇଁ ଟିମ ଇଣ୍ଡିଆ ଖେଳାଳୀଙ୍କୁ ୧୫ ଲକ୍ଷ ଟଙ୍କା ପ୍ରଦାନ କରାଯାଇଛି । ଦିନିକିଆରେ ୬ ଲକ୍ଷ ଏବଂ ଟି-୨୦ରେ ୩ ଲକ୍ଷ । ଏହା ବ୍ୟତୀତ ଟିମ ଇଣ୍ଡିଆର ଖେଳାଳିମାନେ ମଧ୍ୟ ବୋନସ ପାଆନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଭାରତ ସିରିଜ ପରେ ସନ୍ନ୍ୟାସ ନେବେ ଗେଲ୍‌

ମାଞ୍ଚେଷ୍ଟର, ୨୭।୬(ପି.ଟି.)- ବିସ୍ଫୋରକ ଓ୍ବେଷ୍ଟଇଣ୍ଡିଜ ଓପନିଂ ବ୍ୟାଟ୍ସମ୍ୟାନ କ୍ରିସ୍‌ ଗେଲ୍‌ ଅନ୍ତର୍ଜାତୀୟ କ୍ରିକେଟରୁ ଅବସର ନେବା ନେଇ ତାଙ୍କ ମତ ବଦଳାଇଛନ୍ତି। ଘରୋଇ ମାଟିରେ ଭାରତ...

ଶହୀଦଙ୍କୁ ସଲାମ କଲେ ଭାରତୀୟ କ୍ରିକେଟର୍‌

ନୂଆଦିଲ୍ଲୀ,୫।୪: ଛତିଶଗଡରେ ନକ୍ସଲମାନଙ୍କ ଦ୍ୱାରା ହୋଇଥିବା ଆକ୍ରମଣରେ ଦେଶର ୨୨ ସାହସୀ ଯବାନ ଶହୀଦ ହୋଇଥିବାବେଳେ ଅନ୍ୟ ଅନେକ ଗୁରୁତର ଆହତ ହୋଇଛନ୍ତି। ଏତେ ସଂଖ୍ୟକ...

ରୋହିତଙ୍କ ଆଣ୍ଠୁରେ ଲାଗିଛି ଆଘାତ? କେତେ ଗମ୍ଭୀର ସେ ନେଇ ହିଟ୍‌ମ୍ୟାନ୍‌ କହିଲେ…

ନୂଆଦିଲ୍ଲୀ,୭।୯: ଇଂଲଣ୍ଡ ବିପକ୍ଷ ଚତୁର୍ଥ ଟେଷ୍ଟର ପଞ୍ଚମ ଦିନରେ ଟିମ୍‌ ଇଣ୍ଡିଆ ଓପନର୍‌ ରୋହିତ ଶର୍ମା ଫିଲ୍ଡିଂ କରି ନ ଥିଲେ। କାରଣ ବ୍ୟାଟିଂ କରୁଥିବା...

‘ସ୍ତ୍ରୀ ଅବା ବାନ୍ଧବୀଙ୍କୁ ଦାୟୀ କରା ନ ଯାଉ’

ନୂଆଦିଲ୍ଲୀ, ୮।୫-ପୁରୁଷ କ୍ରୀଡ଼ାବିତ୍‌ଙ୍କ ପାଇଁ ମହିଳାମାନେ ସାଧାରଣତଃ ପ୍ରତିବନ୍ଧକ ବୋଲି ବିବେଚନା କରାଯାଏ, ଶକ୍ତି ଭାବରେ ନୁହେଁ। ବିଶେଷକରି ଉପମହାଦେଶରେ ଏହା ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ...

ପ୍ରଥମ ଦେଖାରେ ଅନୁଷ୍କାଙ୍କୁ ଏମିତି କହିଥିଲେ ବିରାଟ

ଭାରତର ରନ ମେସିନ ବିରାଟ କୋହଲି ନିଜର ୩୧ତମ ଜନ୍ମଦିନ ପାଳନ କରୁଛନ୍ତି। ଏହି ଅବସରରେ ବହୁ ପ୍ରତିଷ୍ଠିତ କ୍ରିକେଟର୍‌ ଓ ବଲିଉଡ କଳକାର ତାଙ୍କୁ...

ରିୟଲ କଶ୍ମୀର ଜିତିଲା ଆଇଏଫ୍‌ଏ ଶିଲ୍ଡ

କୋଲକାତା,୨୦ା୧୨ (ପି.ଟି.)-ରିୟଲ କଶ୍ମୀର ଏଫ୍‌ସି ପ୍ରଥମଥର ଏକ ପ୍ରମୁଖ ଫୁଟ୍‌ବଲ ଟୁର୍ନାମେଣ୍ଟ ଜିତିବାରେ ସଫଳ ହୋଇଛି। ସ୍ଥାନୀୟ ସଲ୍ଟଲେକ୍‌ ଷ୍ଟାଡିୟମରେ ଶନିବାର ଅନୁଷ୍ଠିତ ଫାଇନାଲ ମୁକାବିଲାରେ...

ଦେଓଧର ଟ୍ରଫି: ଫାଇନାଲରେ ଭାରତ ସି’ : ମୟଙ୍କ, ଶୁବମନଙ୍କ ଶତକ

ରାଞ୍ଚି,୨।୧୧(ପି.ଟି.)- ଦୁଇ ଓପନର ଶୁବମନ ଗିଲ୍‌, ମୟଙ୍କ ଅଗ୍ରଓ୍ବାଲଙ୍କ ଦମ୍‌ଦାର ଶତକୀୟ ପାଳି ଓ ଅଫ୍‌ ସ୍ପିନର ଜଲାଜ ସାକସେନାଙ୍କ ୭ ଉଇକେଟ ସଫଳତା ସହାୟତାରେ...

ଧାଓ୍ବନଙ୍କ ଧୂଆଁଧାର ବ୍ୟାଟିଂ: ମୁମ୍ବାଇ ଆଗରେ ୧୯୯ ରନ୍‌ର ବିଜୟ ଲକ୍ଷ୍ୟ

ମୁମ୍ବାଇ,୧୩ା୪: ବୁଧବାର ମୁମ୍ବାଇ ଇଣ୍ଡିଆନ୍ସ(ଏମ୍‌ଆଇ) ବିପକ୍ଷରେ ଚାଲିଥିବା ଆଇପିଏଲ୍‌ ମ୍ୟାଚ୍‌ରେ ପଞ୍ଜାବ କିଙ୍ଗ୍‌ସର ଖେଳାଳିଙ୍କ ଧୂଆଁଧାର ବ୍ୟାଟିଂ ଦେଖିବାକୁ ମିଳିଛି। ପ୍ରଥମେ ଟସ୍‌ ଜିତି ବୋଲିଂ...

Advertisement
Archives

Model This Week