ବଲିଉଡ୍ ଅଭିନେତା ନୱାଜୁଦ୍ଦିନ ସିଦ୍ଦିକି ବେଶ୍ ସାଧାସିଧା ଜୀବନଯାପନ କରନ୍ତି। ତାଙ୍କ ପିଲାମାନଙ୍କର ପ୍ରତ୍ୟେକ ଇଚ୍ଛା ପୂରଣ କରିବାକୁ ଚେଷ୍ଟା କରନ୍ତି। ନୱାଜ ତାଙ୍କ ଝିଅ ଶୋରା ପାଇଁ କିଛି କରିବାକୁ ପ୍ରସ୍ତୁତ ଥାନ୍ତି। ଏଥର ଝିଅକୁ ଦେଇଥିବା ପ୍ରତିଶ୍ରୁତି ପାଳନ କରିବା ତାଙ୍କ ପାଇଁ ଭାରୀ ପ୍ରମାଣିତ ହୋଇଛି। ଶୋରା ପାପାଙ୍କୁ ଦୁବାଇରେ ଏକ ବ୍ୟାଗ କିଣିଦେବାକୁ କହିଥିଲେ। ନୱାଜୁଦ୍ଦିନ ମଧ୍ୟ ଏକ ଦୁବାଇରେ ଥିବା ଏକ ମଲ୍ ନେଇଯାଇଥିଲେ। ସେଠାରେ ଶୋରା କହିଥିଲେ, ମୁଁ ଏକ ଛୋଟ ବ୍ୟାଗ୍ ନେବି। କିନ୍ତୁ ବ୍ୟାଗ୍ ଦାମ୍ ଦେଖି ନୱାଜୁଦ୍ଦିନଙ୍କ ହୋଶ୍ ଉଡିଯାଇଥିଲା।
ନୱାଜ କହିଛନ୍ତି, ମୁଁ ଏହା ଏକ ଛୋଟ ବ୍ୟାଗ ବୋଲି ଭାବୁଥିଲି କିନ୍ତୁ ଏହା ଏକ ବଡ଼ ବ୍ରାଣ୍ଡର ବୋଲି ସେ ଜାଣି ନ ଥିଲେ। ମୁଁ ଭାବିଲି ଏହା ଏକ ଛୋଟ ବ୍ୟାଗ କମ୍ ଦାମ୍ର ରହିବ କିନ୍ତୁ ସେ ଏକ ଲୁଇ ଭ୍ୟୁଟନ ବ୍ୟାଗ ଉଠାଇଥିଲା। ଏହା ବହୁତ ମହଙ୍ଗା ଥିଲା। ଏହାର ମୂଲ୍ୟ ୨.୫ ଲକ୍ଷ ଟଙ୍କା ଥିଲା। ଆଶ୍ଚର୍ଯ୍ୟ ହେଲେ ସୁଦ୍ଧା ମୁଁ ଏହା ତା’ ପାଇଁ କିଣିଥିଲି। ଶୋରା ପାଇଁ ମୁଁ ସବୁକିଛି କରିବାକୁ ପ୍ରସ୍ତୁତ।
ନୱାଜୁଦ୍ଦିନ ସିଦ୍ଦିକି ଏବଂ ଆଲିଆ ସିଦ୍ଦିକିଙ୍କର ଦୁଇଟି ସନ୍ତାନ ଅଛନ୍ତି। ତାଙ୍କର ଏକ ଝିଅ ଶୋରା ଏବଂ ପୁଅ ୟାନି ସିଦ୍ଦିକି ମଧ୍ୟ ଅଛନ୍ତି। ଏହି ଦମ୍ପତିଙ୍କ କିଛି ଦିନ ପୂର୍ବରୁ ଛାଡପତ୍ର ପାଇଁ ମାମଲା ରୁଜୁ କରିଛନ୍ତି।
