ଦୁବାଇ,୨୩।୧୦: ୟୁଏଇ ଏବଂ ଓମାନରେ ଟି -୨୦ ବିଶ୍ୱକପ ଟୁର୍ନାମେଣ୍ଟ ଖେଳାଯାଉଛି। ଏହି ଟୁର୍ନାମେଣ୍ଟ ପାଇଁ ବିସିସିଆଇ ବିରାଟ କୋହଲିଙ୍କ ଅଧିନାୟକତ୍ୱରେ ୧୫ ଜଣିଆ ଦଳ ଚୟନ କରାଯାଇଛି। ଏହି ଦଳରେ ୭ ଜଣ ଖେଳାଳି ଅଛନ୍ତି, ଯେଉଁମାନେ ପ୍ରଥମ ଥର ପାଇଁ ବିଶ୍ୱକପ ଖେଳୁଛନ୍ତି। ଏହି ଖେଳାଳିମାନେ ଘରୋଇ ସ୍ତରରେ ଏବଂ ଆଇପିଏଲରେ ବହୁତ କିଛି କରିଛନ୍ତି।
ସୂର୍ଯ୍ୟକୁମାର ଯାଦବ
ପ୍ରଥମ ଥର ପାଇଁ ଟି-୨୦ ବିଶ୍ୱକପ ଖେଳିବାର ସୁଯୋଗ ପାଇଛନ୍ତି ମିଡିଲ ଅର୍ଡର ବ୍ୟାଟ୍ସମ୍ୟାନ ସୂର୍ଯ୍ୟକୁମାର ଯାଦବ। ଟି -୨୦ ବିଶ୍ୱକପ ଦଳରେ ସୂର୍ଯ୍ୟକୁମାର ଯାଦବ ୪ ନମ୍ବରରେ ବ୍ୟାଟିଂ ପାଇଁ ଏକ ଶକ୍ତିଶାଳୀ ପ୍ରତିଦ୍ୱନ୍ଦ୍ୱୀ ବୋଲି ବିବେଚନା କରାଯାଏ। ଦୀର୍ଘ ଦିନ ଧରି ଘରୋଇ କ୍ରିକେଟ ଏବଂ ଆଇପିଏଲରେ ଭଲ ପ୍ରଦର୍ଶନ କରିବା ପରେ ସୂର୍ଯ୍ୟକୁମାର ବିଶ୍ୱକପ ଦଳରେ ସ୍ଥାନ ପାଇଥିଲେ।
ଅକ୍ଷର ପଟେଲ
ଟି -୨୦ ବିଶ୍ୱକପ ପାଇଁ ଟିମ ଇଣ୍ଡିଆରେ ବାମହାତୀ ସ୍ପିନର ଅକ୍ଷର ପଟେଲଙ୍କୁ ମଧ୍ୟ ଚୟନ କରାଯାଇଛି। ୟୁଏଇ ପିଚ ସ୍ପିନରଙ୍କ ପାଇଁ ସହାୟକ ହେବ, ତେଣୁ ପଟେଲଙ୍କୁ ଏକ ସୁଯୋଗ ଦିଆଯାଇଛି। ରିଜର୍ଭ ଅଲରାଉଣ୍ଡର ଭାବେ ଟି-୨୦ ବିଶ୍ୱକପ ପାଇଁ ପଟେଲ ଭାରତୀୟ ଦଳରେ ସୁଯୋଗ ପାଇଛନ୍ତି।
ଇଶାନ କିଶାନ
ଟିମ ଇଣ୍ଡିଆର ଯୁବ ଖେଳାଳି ଇଶାନ କିଶନ ପ୍ରଥମ ଥର ପାଇଁ ଟି -୨୦ ବିଶ୍ୱକପ ଖେଳିବାର ସୁଯୋଗ ପାଇଛନ୍ତି। ସେ ପୂର୍ବରୁ ନିଜକୁ ପ୍ରମାଣିତ କରିଛନ୍ତି। ଇଶାନ କିଶନ ମଧ୍ୟ ଜଣେ ବିସ୍ଫୋରକ ବ୍ୟାଟ୍ସମ୍ୟାନ ଏବଂ ଜଣେ ଭଲ ଉଇକେଟ କିପର। ଆଇପିଏଲରେ ଇଶାନ କିଶନ ଅନେକ ଥର ମୁମ୍ବାଇ ଇଣ୍ଡିଆନ୍ସ ପାଇଁ ମ୍ୟାଚ ଜିତିଛନ୍ତି ଏବଂ ଏବେ ସେ ଟି -୨୦ ବିଶ୍ୱକପ୍ରେ ଟିମ ଇଣ୍ଡିଆକୁ ମଧ୍ୟ ବିଜୟ ଦେବାକୁ ଚାହୁଁଛନ୍ତି।
ବରୁଣ ଚକ୍ରବର୍ତ୍ତୀ
ବରୁଣ ଚକ୍ରବର୍ତ୍ତୀ ପ୍ରଥମ ଥର ପାଇଁ ଟି -୨୦ବିଶ୍ୱକପ ଖେଳିବାର ସୁଯୋଗ ପାଇଛନ୍ତି। ମିଷ୍ଟ୍ରି ସ୍ପିନର ଭାବେ ଜଣାଶୁଣା ବରୁଣ ସାତୋଟି ଉପାୟରେ ବୋଲିଂ କରିପାରିବେ। ଏଥିମଧ୍ୟରେ ଅଫବ୍ରେକ, ଲେଗବ୍ରକ, ଗୁଗଲି, କ୍ୟାରମ ବଲ, ଫ୍ଲିପର୍, ଟପ ସ୍ପିନ, ଆଙ୍ଗୁଠିରେ ୟକର୍ର୍ ଅନ୍ତର୍ଭୁକ୍ତ।
ରାହୁଲ ଚହର
ଟିମ ଇଣ୍ଡିଆର ୨୧ ବର୍ଷୀୟ ଲେଗ ସ୍ପିନର ରାହୁଲ ଚହର ପ୍ରଥମ ଥର ପାଇଁ ଟି -୨୦ ବିଶ୍ୱକପ ଖେଳିବାର ସୁଯୋଗ ପାଇଛନ୍ତି। ରାହୁଲ ଚହର କିଛି ସମୟ ପାଇଁ ଭଲ ଫର୍ମରେ ଅନ୍ତି। ନିକଟରେ ଶ୍ରୀଲଙ୍କା ବିପକ୍ଷ ଟି-୨୦ ସିରିଜରେ ରାହୁଲ ଚହର ତାଙ୍କ ବୋଲିଂରେ ସମସ୍ତଙ୍କୁ ପ୍ରଭାବିତ କରିଥିଲେ। ଏହା ବ୍ୟତୀତ ରାହୁଲ ଚହରଙ୍କର ମଧ୍ୟ ମୁମ୍ବାଇ ଇଣ୍ଡିଆନ୍ସ ଦଳ ସହ ଖେଳିବାର ଅନେକ ଅଭିଜ୍ଞତା ରହିଛି।
ରିଷଭ ପନ୍ତ
ରିଷଭ ପନ୍ତ ପ୍ରଥମ ଥର ପାଇଁ ଟି -୨୦ ବିଶ୍ୱକପରେ ଖେଳିବେ। ବିସ୍ଫୋରକ ବ୍ୟାଟିଂରେ ପାରଦର୍ଶୀ ଥିବା ରିଷଭ ଶେଷ ଏକାଦଶ ଖେଳିବାରେ ସମ୍ଭାବନା ରହିଛି। ଏହା ସହିତ ରିଷଭ ମଧ୍ୟ ଉଇକେଟ ରକ୍ଷଣ ଦାୟିତ୍ୱ ଗ୍ରହଣ କରିବେ। ଏହା ପୂର୍ବରୁ ରିଷଭ ପନ୍ତଙ୍କର ୨୦୧୯ ବିଶ୍ୱକପ ଖେଳିବାର ଅଭିଜ୍ଞତା ଅଛି।
କେ.ଏଲ ରାହୁଲ
କେଏଲ ରାହୁଲ ପ୍ରଥମ ଥର ପାଇଁ ଟି -୨୦ ବିଶ୍ୱକପରେ ଖେଳିବାର ସୁଯୋଗ ପାଇଛନ୍ତି। ଏହାପୂର୍ବରୁ ସେ ଭାରତ ପାଇଁ ୨୦୧୯ ବିଶ୍ୱକପ ମଧ୍ୟ ଖେଳିଛନ୍ତି। ରାହୁଲ ଟି -୨୦ ବିଶ୍ୱକପ ପାଇଁ ଓପନର୍ ଭାବେ ଭାରତୀୟ ଦଳରେ ସ୍ଥାନ ପାଇଛନ୍ତି। ରାହୁଲଙ୍କୁ ଟି -୨୦ ବିଶ୍ୱକପ ଦଳରେ ସାମିଲ କରିବାକୁ ଶିଖର ଧାୱନଙ୍କୁ ବାଦ୍ ଦିଆଯାଇଛି।
