ନୂଆଦିଲ୍ଲୀ,୧୧।୧:ଆଜିକାଲି ପୂର୍ବତନ ବେସାମରିକ ବିମାନ ଚଳାଚଳ ମନ୍ତ୍ରୀ ଅଶୋକ ଗଜପତି ରାଜୁଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏଥିରେ ସେ ତାଙ୍କ ପରିବାର ସହିତ ହାଇଦ୍ରାବାଦ ରେଳ ଷ୍ଟେଶନରେ ଟ୍ରେନକୁ ଅପେକ୍ଷା କରିଥିଲେ। ଏହି ଫଟୋରେ ତାଙ୍କର ସରଳତାକୁ ଲୋକେ ପସନ୍ଦ କରୁଛନ୍ତି।
ତେଲୁଗୁ ଦେଶମ ପାର୍ଟି ଏହି ଫଟୋକୁ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଶେୟାର କରିଛି। ଫଟୋ କ୍ୟାପସନରେ ଲେଖା ଅଛି, ଅଶୋକ ଗଜପତି ରାଜୁ, ନିଜେ ଜଣେ ରାଜା, ହାଇଦ୍ରାବାଦ ରେଳ ଷ୍ଟେଶନରେ ସାଧାରଣ ଲୋକ ପରି ଟ୍ରେନକୁ ଘରକୁ ଫେରିବା ପାଇଁ ଅପେକ୍ଷା କରିଥିଲେ। ସେ ସଚ୍ଚୋଟତା ଏବଂ ସତ୍ୟର ପ୍ରତୀକ। ସେ ସର୍ବଦା ଲୋକଙ୍କ ପାଇଁ ଭଲ କରନ୍ତି। କ୍ଷମତା ତାଙ୍କୁ କଦାପି ଭ୍ରଷ୍ଟ କରିପାରିବ ନାହିଁ।
ବିଜୟନଗରମ୍୍ର ଶେଷ ମହାରାଜାଙ୍କ ସାନପୁଅ ଗଜପତି ରାଜୁ ଦୀର୍ଘ ଦିନ ଧରି ଆନ୍ଧ୍ରପ୍ରଦେଶ ରାଜନୀତିରେ ଜଣେ ପ୍ରମୁଖ ନେତା। ସେ ମେ ୨୦୧୪ ରୁ ମାର୍ଚ୍ଚ ୨୦୧୮ ପର୍ଯ୍ୟନ୍ତ ନରେନ୍ଦ୍ର ମୋଦି ସରକାରରେ ମନ୍ତ୍ରୀ ଥିଲେ।
ଭାଇରାଲ ହେଉଥିବା ଏହି ଫଟୋରେ ଅଶୋକ ଗଜପତି ରାଜୁ ଏକ ନୀଳ ଜ୍ୟାକେଟରେ ନଜର ଆସିଛନ୍ତି। ସେମାନଙ୍କ ପଛରେ ହାଇଦ୍ରାବାଦ ରେଳ ଷ୍ଟେସନର ଏକ ବୋର୍ଡ ଅଛି ଏବଂ ଚାରିଆଡେ ଲୋକଙ୍କ ଭିଡ ଦେଖାଯାଉଛି। ଏହି ପୋଷ୍ଟଟି ବିନା ସମୟ ମଧ୍ୟରେ ଅନେକ ଲାଇକ ପାଇବା ଆରମ୍ଭ କଲା। ଜଣେ ୟୁଜର୍ସ ତାଙ୍କୁ ଜଣେ ସରଳ ବ୍ୟକ୍ତି। ସେ ଏକ ରାଜ ପରିବାରର ଅଟନ୍ତି, ଏହା ସତ୍ତ୍ୱେ ସେ ସାଧାରଣ ଜୀବନରେ ମଧ୍ୟ ସରଳତାକୁ ପସନ୍ଦ କରନ୍ତି।
