ପ୍ରାୟତଃ ଲୋକେ ପ୍ରକୃତିର ଚମତ୍କାର ଦୃଶ୍ୟ ଦେଖିବାକୁ କିମ୍ବା ଛୁଟି କଟାଇବାକୁ ଦ୍ୱୀପପୁଞ୍ଜକୁ ବୁଲି ଯାଆନ୍ତି। ତେବେ ଦ୍ୱୀପର ମଧ୍ୟ ଏପରି ସୌନ୍ଦର୍ଯ୍ୟ ଯାହା କାହାକୁ ମଧ୍ୟ ଆକର୍ଷିତ କରିପାରେ। ମାତ୍ର ଏପରି ଦ୍ୱୀପ ଅଛି ଯେଉଁଠିକୁ ଯିବା ମୃତ୍ୟୁ ସଙ୍ଗେ ସମାନ। ଏହି ଦ୍ୱୀପ ଅତ୍ୟନ୍ତ ବିପଦଜନକ। ତେବେ ଜାଣନ୍ତୁ ବିଶ୍ୱର ୫ଟି ଦ୍ୱୀପପୁଞ୍ଜ ବିଷୟରେ ଯେଉଁଠାକୁ ଯିବା ଅର୍ଥ ମୃତ୍ୟୁକୁ ପାଖକୁ ଡାକିବା।
ମିଆକେଜିମା ଇଜୁ: ଏହି ଦ୍ୱୀପ ହେଉଛି ଦୁନିଆର ସବୁଠାରୁ ବିପଦପୂର୍ଣ୍ଣ ଦ୍ୱୀପପୁଞ୍ଜ। ଏଥିରେ ବିଷାକ୍ତ ଗ୍ୟାସର ପରିମାଣ ସାଧାରଣ ଅପେକ୍ଷା ବହୁତ ଉଚ୍ଚ ସ୍ତରରେ ଥାଏ। ଏହି କାରଣରୁ, ଏଠାରେ ଥିବା ଲୋକମାନେ ସବୁବେଳେ ମାସ୍କ ପିନ୍ଧନ୍ତି । ପୂର୍ବରୁ ଏଠାରେ ଅନେକ ଆଗ୍ନେୟଗିରି ଉଦ୍ଗୀରଣ ଘଟିଛି । ୨୦୦୦ ମସିହାରେ ମଧ୍ୟ ଏକ ଭୟଙ୍କର ବିସ୍ଫୋରଣ ହୋଇଥିଲା। ଯେଉଁଥିରେ ଲାଭା ସହିତ ବିପୁଳ ପରିମାଣର ବିଷାକ୍ତ ଗ୍ୟାସ ନିର୍ଗତ ହୋଇଥିଲା।
ପ୍ରୋଗ୍ଲିଆ: ଏହି ଦ୍ୱୀପକୁ ‘ମୃତ୍ୟୁ ଦ୍ୱୀପ’ କୁହାଯାଏ। କୁହାଯାଏ ଯେ, ଶହ ଶହ ବର୍ଷ ପୂର୍ବେ ଏହି ଦ୍ୱୀପରେ ଲକ୍ଷ ଲକ୍ଷ ଲୋକ ଜୀବନ୍ତ ଦଗ୍ଧ ହୋଇଥିଲେ। ସେହି ଦିନଠାରୁ, ଏହି ଦ୍ୱୀପଟି ସମ୍ପୂର୍ଣ୍ଣ ଶୂନଶାନ ହୋଇଗଲା। ଏହାକୁ ଭୂତ ଦ୍ୱୀପ ମଧ୍ୟ କୁହାଯାଏ। ଏହି ଦ୍ୱୀପକୁ ଆସୁଥିବା ଲୋକେ ଜୀବନ୍ତ ଫେରି ନ ଥାନ୍ତି।
ରି ୟୁନିୟନ ଦ୍ୱୀପ: ଏହି ଦୁନିଆର ଲୋକପ୍ରିୟ ପର୍ଯ୍ୟଟନ ସ୍ଥଳ ମଧ୍ୟରୁ ଅନ୍ୟତମ, କିନ୍ତୁ ଏଠାକୁ ଯିବା ଅତ୍ୟନ୍ତ ବିପଜ୍ଜନକ। କାରଣ ସାର୍କ ମାଛ ଲୋକମାନଙ୍କୁ ମାରିଦିଏ। ନିରାପତ୍ତା ପାଇଁ ଦ୍ୱୀପପୁଞ୍ଜର ଅଧାରୁ ଅଧିକ ସମୁଦ୍ର କୂଳକୁ ଯିବା ନିଷେଧ କରାଯାଇଛି।
କାରିବିଆନ ସମୁଦ୍ର ମଧ୍ୟରେ ଅବସ୍ଥିତ ସାବା ଦ୍ୱୀପ ଦେଖିବାକୁ ବହୁତ ସୁନ୍ଦର । ମାତ୍ର ୧୩ ବର୍ଗ କିଲୋମିଟର ବ୍ୟାପି ଏହି ଦ୍ୱୀପରେ ପ୍ରାୟ ୨୦୦୦ ଲୋକ ବାସ କରନ୍ତି। ଏଠାରେ ବାରମ୍ବାର ଭୂକମ୍ପ ହୋଇଥାଏ। ବିଶ୍ୱାସ କରାଯାଏ ଯେ , ଏଠାରେ ଯେକୌଣସି ସମୟରେ ଏକ ଭୟଙ୍କର ଆଗ୍ନେୟଗିରି ବିସ୍ଫୋରଣ ହୋଇପାରେ।
ଗ୍ରୁଇନାର୍ଡ ଦ୍ୱୀପ: ସ୍କଟଲ୍ୟାଣ୍ଡର ମଧ୍ୟରେ ଏହି ଦ୍ୱିପ ଅବସ୍ଥିତ, ଏହା ମଧ୍ୟ ବିପଜ୍ଜନକ ବୋଲି ବିବେଚନା କରାଯାଏ। ଦ୍ୱିତୀୟ ବିଶ୍ୱଯୁଦ୍ଧ ସମୟରେ ବ୍ରିଟେନ ଏହି ଦ୍ୱୀପରେ ଆନ୍ଥ୍ରାକ୍ସ ନାମକ ଏକ ବିଷାକ୍ତ ଗ୍ୟାସ ପରୀକ୍ଷା କରିଥିଲା। ଯେଉଁ କାରଣରୁ ଏହି ସ୍ଥାନ ବିଷାକ୍ତ ହୋଇଯାଇଥିଲା। ଯଦି କେହି ଏହି ଗ୍ୟାସର କବଳରେ ଆସନ୍ତି, ତେବେ ତାଙ୍କର ମୃତ୍ୟୁ ପ୍ରାୟ ନିଶ୍ଚିତ ଅଟେ।
