ନୂଆଦିଲ୍ଲୀ,୧୮।୭: ଭାରତୀୟ ଅଲିମ୍ପିକ ଆଥଲେଟିକ ଦଳର ପ୍ରଥମ ବ୍ୟାଚ୍ ଟୋକିଓ ଯାତ୍ରା କରିଛି। ଶନିବାର ସ୍ଥାନୀୟ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦରରୁ ଆଥଲେଟଙ୍କ ଏହି ଦଳ ପ୍ରସ୍ଥାନ କରିଛି। ଏଥିପାଇଁ ବିମାନବନ୍ଦରରେ ଖେଳାଳିଙ୍କୁ ବିଦାୟ ଦେବା ସହ ଶୁଭେଚ୍ଛା ପ୍ରଦାନ କରିବାକୁ ବହୁ ଲୋକ ଉପସ୍ଥିତ ଥିଲେ। କେନ୍ଦ୍ର କ୍ରୀଡ଼ାମନ୍ତ୍ରୀ ଅନୁରାଗ ଠାକୁର ଏହି ଅବସରରେ ଉପସ୍ଥିତ ଥିଲେ। ଆଥଲେଟମାନଙ୍କ ସମ୍ମାନରେ ରେଡ୍ କାର୍ପେଟ ବିଛା ଯାଇଥିଲା।
୮ଟି କ୍ରୀଡ଼ା ଆର୍ଚେରୀ, ବ୍ୟାଡମିଣ୍ଟନ, ଟେବୁଲ ଟେନିସ, ହକି, ଜୁଡୋ, ଜିମ୍ନାଷ୍ଟିକ୍ସ, ସୁଇମିଂ ଓ ଓ୍ବେଟଲିଫ୍ଟିଙ୍ଗର ଖେଳାଳିମାନେ ଟୋକିଓ ପ୍ରସ୍ତାନ କରିଛନ୍ତି। ଏହି ୮୮ ଜଣିଆ ଦଳରେ ୫୪ ଜଣ ଆଥଲେଟ ଓ ସପୋର୍ଟ ଷ୍ଟାଫ୍ ସାମିଲ ରହିଛନ୍ତି। ଏହି ବିଦାୟୀ ସମାରୋହରେ ଠାକୁରଙ୍କ ସମେତ କେନ୍ଦ୍ର କ୍ରୀଡ଼ା ରାଜ୍ୟମନ୍ତ୍ରୀ ନୀତୀଶ ପ୍ରମାଣିକ, ସାଇ ସାଧାରଣ ସମ୍ପାଦକ ସନ୍ଦୀପ ପ୍ରଧାନ ଓ ଭାରତୀୟ ଅଲିମ୍ପି ଆସୋସିଏଶନ (ଆଇଓଏ) ଅଧ୍ୟକ୍ଷ ନରିନ୍ଦର ବାତ୍ରାଙ୍କ ସମେତ ଅନ୍ୟ ଅଧିକାରୀମାସେ ଓ ସାଇ ସାଧରଣ ସମ୍ପାଦକ ରାଜୀବ ଭାଟିଆ ଉପସ୍ଥିତ ଥିଲେ।
