ମହେନ୍ଦ୍ର ସିଂ ଧୋନୀ, କପିଳ ଦେବଙ୍କ ପରେ ଏବେ ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ସୌରଭ ଗାଙ୍ଗୁଲିଙ୍କ ଉପରେ ନିର୍ମାଣ ହେବାକୁ ଯାଉଛି ଫିଲ୍ମ। ତାଙ୍କ ବାୟୋପିକ ପାଇଁ ଗାଙ୍ଗୁଲି ଗ୍ରୀନ ସିଗ୍ନାଲ୍ ଦେଇଛନ୍ତି। ମେଗା ବଜେଟ ଏହି ଫିଲ୍ମ ନିର୍ମାଣ ହେବ। ଚଳଚ୍ଚିତ୍ର ନିର୍ମାତାମାନେ ୨୦୦ ରୁ ୨୫୦ କୋଟିର ବଜେଟ ସ୍ଥିର କରିଛନ୍ତି। ଗାଙ୍ଗୁଲି କହିଛନ୍ତି, ନିର୍ଦ୍ଦେଶକଙ୍କ ନାମ ଏବେ କହିବା ସମ୍ଭବ ନୁହେଁ। ସବୁକିଛି ଚୂଡାନ୍ତ ହେବା ପାଇଁ ଆଉ କିଛି ଦିନ ଲାଗିବ। ପ୍ରଡକ୍ସନ ହାଉସ ପକ୍ଷରୁଗାଙ୍ଗୁଲିଙ୍କ ସହ ଅନେକ ଥର ଚର୍ଚ୍ଚା ହୋଇଛି। ଏବେ ସ୍କ୍ରିପ୍ଟ ଉପରେ କାମ ଚାଲିଛି। ତେବେ ସମସ୍ତଙ୍କ ମନରେ ଗୋଟିଏ ପ୍ରଶ୍ନ ଦାଦାଙ୍କ ଭୂମିକାରେ କିଏ ପରଦାରେ ଅଭିନୟ କରିବେ। ଦାଦାଙ୍କ ଭୂମିକା ପାଇଁ ରଣବୀର କପୁରଙ୍କ ନାମ ଆଗରେ ଚାଲିଛି। କିନ୍ତୁ ଆଉ ଦୁଇଜଣ କଳାକାର ମଧ୍ୟ ଏହି ରେସରେ ଅଛନ୍ତି। କ୍ରିକେଟର ହେବା ଠାରୁ ଅଧିନାୟକତ୍ୱ ଏବଂ ପରେ ବିସିସିଆଇ ସଭାପତିଙ୍କ ଯାତ୍ରା ଏହି ଫିଲ୍ମରେ ପ୍ରଦର୍ଶିତ ହେବ। ଏମଏସ ଧୋନୀଙ୍କ ଉପରେ ବାୟୋପିକ ବଲିଉଡ ଇତିହାସରେ ଏକ ବ୍ଲକବଷ୍ଟର ବୋଲି ପ୍ରମାଣିତ ହୋଇଥିଲା, ଯାହା ରୋଜଗାରର ସମସ୍ତ ରେକର୍ଡ ଭାଙ୍ଗିଥିଲା। ପୂର୍ବତନ ଅଧିନାୟକ ଅଜହରୁଦ୍ଦିନଙ୍କ ଜୀବନୀ ଉପରେ ମଧ୍ୟ ଏକ ଫିଲ୍ମ ନିର୍ମାଣ କରାଯାଇଛି। ସଚିନ ତେନ୍ଦୁଲକରଙ୍କ ଜୀବନରେ ଏକ ଡକ୍ୟୁମେଣ୍ଟାରୀ ଫିଲ ମଧ୍ୟ ଆସିଛି। ୧୯୮୩ ବିଶ୍ୱକପ ବିଜେତା ଭାରତୀୟ ଦଳ ଉପରେ ଏକ ଫିଲ୍ମ ଶୁଟିଂ ସଚିଛି। ଏହି ଫିଲ୍ମରେ ରଣବୀର ସିଂ ଅଧିନାୟକ କପିଲ ଦେବଙ୍କ ଭୂମିକାରେ ଅଛନ୍ତି। କରୋନା କାରଣରୁ ଫିଲ୍ମ ରିଲିଜ ହୋଇପାରି ନାହିଁ।
