ରାୟଗଡ଼ା ଅଫିସ, ୨୯।୩: କରୋନା ପାଇଁ ରାୟଗଡ଼ାରେ ଚଳିତ ବର୍ଷର ହୋଲି ସାମାନ୍ୟ ପିକା ପଡ଼ିଯାଇଛି। ଲୋକେ ବିଶେଷଭାବେ ରଙ୍ଗ ଖେଳି ନ ଥିବା ନଜରକୁ ଆସିଛି। ସୂଚନ ଅନୁଯାୟୀ, ରାୟଗଡ଼ା ଜିଲା ପ୍ରଶାସନ କୋଭିଡ୍କୁ ଦୃଷ୍ଟିରେ ରଖି ଚଳିତ ବର୍ଷର ହୋଲି ପାଇଁ ଗତ ୨୦ତାରିଖରେ ଗାଇଡ୍ଲାଇନ ଜାରି କରିଥିଲା। ସମସ୍ତେ ଘରେ ରହି ହୋଲି ଖେଳିପାରିବେ ବୋଲି ଜିଲାପାଳ ସରୋଜ ମିଶ୍ର କହିଥିଲେ। ଗାଇଡ୍ଲାଇନକୁ ଲୋକମାନେ ଠିକ୍ଭାବେ ପାଳନ କରୁଛନ୍ତି ନା ନାହିଁ ତାହା ଦେଖିବାକୁ ପ୍ରଶାସନିକ ଅଧିକାରୀମାନେ ସୋମବାର ସକାଳୁ ସହରର ପ୍ରମୁଖ ଛକରେ ଯାଞ୍ଚ କରିଥିଲେ। ଉପଜିଲାପାଳ ପ୍ରତାପ ଚନ୍ଦ୍ର ପ୍ରଧାନ, ଅତିରିକ୍ତ ଜିଲାପାଳ ଶରତ ଚନ୍ଦ୍ର ପଣ୍ଡା, ତହସିଲଦାର ଉମାଶଙ୍କର ବେହେରା, ଅତିରିକ୍ତ ତହସିଲଦାର ସୁନୀଲ ଖରା ଓ ପୋଲିସ ଅଧିକାରୀମାନେ କପିଳାସ ରୋଡ୍ ସମେତ ଅନ୍ୟ ଜନଗହଳିପୂର୍ଣ୍ଣ ସ୍ଥାନରେ ତଦାରଖ କରିଥିଲେ। ଜୀବନ ବଞ୍ଚତ୍ଲେ ଆଗକୁ ଏପରି ଅନେକ ହୋଲି ଆସିବ ବୋଲି ଉପଜିଲାପାଳ କହିଛନ୍ତି।
