ବ୍ରହ୍ମପୁର ଅଫିସ,୯ା୯: ବଡ଼ବଜାର ଥାନା ଓମ୍ନଗର ତୃତୀୟ ଲାଇନରେ ନକଲି ବିଦେଶୀ ମଦ କାରଖାନା ଠାବ ହୋଇଛି। ୧୧ କାର୍ଟୁନ ନକଲି ବିଦେଶୀ ମଦ ଜବତ ହୋଇଛି। ଅବକାରୀ ବିଭାଗ ଜଣେ ଚୋରା ମଦ ଚାଲାଣକାରଙ୍କୁ ଧରି ଜେରା ବେଳେ ସେ ଓମ୍ନଗରରୁ ମଦ ଆଣି ବିକୁଥିବା କହିଥିଲେ। ଏହି ଆଧାରରେ ପୋଲିସ ଚଢ଼ାଉ ବେଳେ ଗୁଟ୍ଖା ଓ ମଦ ଧାରା ପଡ଼ିଥିଲା। ସେହିଭଳି ଏହି ଘଟଣାର ଅଧିକ ତଦନ୍ତରୁ ଜଣାପଡ଼ିଛି ଯେ, ଓମ୍ନଗର ତୃତୀୟ ଲାଇନ ନକଲି ବିଦେଶୀ ମଦ ପ୍ରସ୍ତୁତି ଓ ପ୍ୟାକିଂ ଚାଲିଛି। ଏନେଇ ବଡ଼ବଜାର ପୋଲିସ ପକ୍ଷରୁ ଚଢ଼ାଉ ବେଳେ ଏଠାରେ ରୀତିମତ ମଦ ପ୍ରସ୍ତୁତି ୟୁନିଟ ଚାଲିଥିଲା ଏଠି ମେଗଡଲେଡ଼, ଇମ୍ପେରିୟାଲ ବ୍ଲୁ ମଦ ପ୍ରସ୍ତୁତିକରି ବିକ୍ରୟ କରାଯାଉଥିଲା। ପୋଲିସ ଏଠି ଚାଉ ବେଳେ ମଦ ପେକିଙ୍ଗ ସିଲିଂ ମେସିନ, କେମିକାଲ ସହ ୧୧କାର୍ଟୁନ ମଦ ଜବତ କରିଥିବା କହିଛି। ଏହି ଘଟଣାରେ ଅଧିକ ତଦନ୍ତ ଚହଲିଥିବା ବେଳେ ଏଠି କାମ କରୁଥିବା ଦୁଇ ଜଣ ଓଡ଼ିଆଙ୍କୁ ପୋଲିସ ଅଟକ ରଖିଥିବା ପୋଲିସ କହିଛି ।
