ଚଣ୍ଡିଖୋଲ, ୨୧।୭ (ଡି.ଏନ୍.ଏ): ହରିଦାସପୁର-ପାରାଦୀପ ରେଳପଥ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚତ୍ଥିବା ବେଳେ ସୋମବାର ଏଥିରେ ପ୍ରଥମକରି ରେଳ ବିକାଶ ନିଗମ ଲିମିଟେଡ (ଆର୍ଭିଏନ୍ଏଲ୍) ପକ୍ଷରୁ ପରୀକ୍ଷାମୂଳକ ଭାବେ ଏକ ଇଞ୍ଜିନ ଗଡ଼ିଛି। ଚଳିତ ମାସ ଶେଷ ସୁଦ୍ଧା ଏହି ରେଳପଥରେ ପ୍ରଥମ କରି ମାଲବାହୀ ଟ୍ରେନ ଗଡିବ ବୋଲି ଆରଭିଏନ୍ଏଲ ତରଫରୁ ସୂଚନା ଦିଆଯାଇଛି। ରେଳ ଧାରଣା ସମ୍ପୁର୍ଣ୍ଣ ହେବାପରେ ପ୍ରଥମ ଇଞ୍ଜିନ ସୋମବାର ଗଡିଥିବା ଆରଭିଏନଏଲର ଏଜିଏମ ଅଶୋକ କୁମାର ତ୍ରିପାଠୀ ସୂଚନା ଦେଇଛନ୍ତି। ମଙ୍ଗଳବାର ଏହି ରେଳପଥରେ ଆଉ ଏକ ଇଞ୍ଜିନ ପରୀକ୍ଷାମୂଳକ ଭାବେ ଗଡ଼ିବ ବୋଲି ସେ କହିଛନ୍ତି।
ସୂଚନାଯୋଗ୍ୟ, ୧୯୯୭ରୁ ଏହି ପ୍ରକଳ୍ପ ପାଇଁ ଜମି ଅଧିଗ୍ରହଣ ପ୍ରକ୍ରିୟା ଆରମ୍ଭ ହୋଇଥିଲା। ୨୦୦୭ ସୁଦ୍ଧା ଜମି ଅଧିଗ୍ରହଣ ଶେଷ ପରେ ପ୍ରକଳ୍ପ କାର୍ଯ୍ୟାରମ୍ଭ ହେବାକୁ ଥଲା। ମାତ୍ର ଏଥିରେ ବିଳମ୍ବ ହେବାରୁ ଦାୟିତ୍ୱରେ ଥିବା ଠିକାସଂସ୍ଥା ଅଧିକାରୀ ଆଣ୍ଡ ବ୍ରଦର୍ସ ଦୁଇ ବର୍ଷର ଚୁକ୍ତି ଅବଧି ଶେଷ ପରେ ଛାଡ଼ି ଚାଲିଯାଇଥିଲା। ୨୦୧୩ରେ ପୁନର୍ବାର ଏହି ପ୍ରକଳ୍ପ କାର୍ଯ୍ୟାରମ୍ଭ ହେବା ସହିତ ୨୦୧୬ ଜୁନ୍ରେ କାର୍ଯ୍ୟ ଶେଷ ହେବ ବୋଲି ଘୋଷଣା କରାଯାଇଥିଲା। ମାତ୍ର ବିଭିନ୍ନ କାରଣରୁ ଏହା ଶେଷ ହୋଇପାରି ନ ଥିଲା।
