ଭାରତୀୟ ପେସର ମହମ୍ମଦ ଶାମିଙ୍କ ସହ ବିବାଦ ପରେ ଅଲଗା ରହୁଥିବା ତାଙ୍କ ସ୍ତ୍ରୀ ହସିନ ଜାହାଁ ଏବେ ପୁଣିଥରେ ଚର୍ଚ୍ଚାକୁ ଆସିଛନ୍ତି। ସୋସିଆଲ ମିଡିଆରେ ବହୁତ ସକ୍ରିୟ ଅଛନ୍ତି ଏବଂ କ୍ରମାଗତ ଭାବରେ ତାଙ୍କ ଫଟୋ ଶେୟାର କରୁଛନ୍ତି। ନିକଟରେ ଏକ କଳା ପୋଷାକ ପିନ୍ଧି ସୋସିଆଲ ମିଡିଆରେ ସେ ଏକ ଫଟୋ ଶେୟାର କରିଥିଲେ। ପରେ କିଛି ଲୋକ ତାଙ୍କୁ ଧର୍ମ ନାମରେ ଟାର୍ଗେଟ କରିଥିଲେ। ଜଣେ ମଡେଲ ଥିବା ହସିନ ପୂର୍ବରୁ ରାମ ମନ୍ଦିର ସମ୍ବନ୍ଧୀୟ ଏକ ପୋଷ୍ଟରେ ବଳାତ୍କାର ଧମକ ପାଇଥିଲେ, ଯାହା ସେ ପୋଲିସ ନିକଟରେ ଅଭିଯୋଗ କରିଥିଲେ। ହସିନ ଜାହାଁ ଇନଷ୍ଟାଗ୍ରାମରେ ନିଜର ଏକ ଫଟୋ ଶେୟାର କରିଥିଲେ, କିଛି ଲୋକ ଏହାକୁ ପସନ୍ଦ କରି ନ ଥିଲେ। ହସିନ ମୁସଲମାନ ସମ୍ପଦାୟର ହୋଇଥିବାରୁ ଏଭଳି ପୋଷାକ ପିନ୍ଧିବା ଉଚିତ୍ ନୁହେଁ ବୋଲି ୟୁଜର୍ସ ମତ ଦେଇଥିଲେ।
ହସିନ ଜାହାନ ମଡେଲିଂ କରନ୍ତି। ସେ ଭାରତୀୟ ଷ୍ଟାର୍ ବୋଲର୍ ମହମ୍ମଦ ଶାମିଙ୍କୁ ବିବାହ କରିଥିଲେ। ଉଭୟଙ୍କର ଏକ ଝିଅ ମଧ୍ୟ ଅଛି। ଶାମି ଏବଂ ତାଙ୍କ ପରିବାର ବିରୋଧରେ ହସିନ ନିର୍ଯାତନା ଅଭିଯୋଗ ଆଣିଥିଲେ। ଏବେ କୋର୍ଟରେ ମାମଲା ଚାଲିଛି।
