ଗଞ୍ଜାମ,୨୨ା୨(ବିଦ୍ୟାଧର ସାହୁ): ଗଞ୍ଜାମ ସହର କୈବର୍ତ୍ତ ସାହିଠାରେ ଥିବା ମା’ ସାତ ଭଉଣୀଙ୍କ ବିଗ୍ରହ ପ୍ରତିଷ୍ଠା ଉତ୍ସବ ରବିବାର ଅନୁଷ୍ଠିତ ହୋଇଛି। ପ୍ରାତଃରେ ଋଷୁକୂଲ୍ୟା ନଦୀ ଘାଟରୁ ପାଣି ଅଣାଯିବା ପରେ ଘୃତଯଜ୍ଞ ଆରମ୍ଭ ହୋଇଥିଲା। ଏହି ଅବସରରେ ମନ୍ଦିରରେ ଦଶ ମହାବିଦ୍ୟା ବିଗ୍ରହ ଓ ମା’ କତ୍ୟାୟିନୀଙ୍କ ବିଗ୍ରହ ମଧ୍ୟ ପ୍ରତିଷ୍ଠା ହୋଇଥିଲା। ପଣ୍ଡିତ ବିଭୂତି ଭୂଷଣ ତ୍ରିପାଠୀ ଓ ପ୍ରକାଶ ଚନ୍ଦ୍ର ଶତପଥୀଙ୍କ ଶିବ କାଳୀ ବେଦ ମନ୍ତ୍ର ଧ୍ୱନିରେ ଦିନ ତମାମ ସହର ପ୍ରକମ୍ପିତ ହୋଇଥିଲା। ପୁରୋହିତ ତନ୍ମୟ ଷଢଙ୍ଗୀ, କେଦାର ପଣ୍ଡା ଓ ମଣ୍ଟୁ ପଣ୍ଡା ପ୍ରମୁଖ ହୋମ ଓ ଘୃତ ଯଜ୍ଞରେ ମନ୍ତ୍ର ପାଠ କରିଥିଲେ। ମା’ ସାତ ଭଉଣୀ ମନ୍ଦିର ପୂଜକ ଡମ୍ବୁରୁ ରାଉଳ ପଣ୍ଡିତମାନଙ୍କୁ ଯଜ୍ଞସ୍ଥଳରେ ସହଯୋଗ କରିଥିଲେ। କୈବର୍ତ୍ତ ସାହି ବାସିନ୍ଦା ରମେଶ ଚନ୍ଦ୍ର ବେହେରା ଓ ତାଙ୍କ ଧର୍ମ ପତ୍ନୀଙ୍କ ଦ୍ୱାରା ହୋମ କାର୍ଯ୍ୟ ସମ୍ପର୍ଣ ହୋଇଥିଲା। ଏହି ପ୍ରତିଷ୍ଠା ଉତ୍ସବରେ ସମସ୍ତ ସାହି ବାସିନ୍ଦାଙ୍କ ସମେତ ରମେଶ ଚନ୍ଦ୍ର ମହାପାତ୍ର, ସନା ବେହେରା, କାଙ୍ଗାଳି ବେହେରା, ବ୍ରଜ ସୁନ୍ଦର ବେହେରା ପ୍ରମୁଖ ସହଯୋଗ ପରିଚାଳନା କରିଥିଲେ।
