‘ସିଟିଜ୍‌ ପ୍ରକଳ୍ପ’ରେ ବଦଳିବ ସହର ନକ୍ସା

ଭୁବନେଶ୍ୱର, ୨୪।୩ (ବ୍ୟୁରୋ):ସ୍ମାର୍ଟସିଟି ଭୁବନେଶ୍ୱରର ଚେହେରା ଧୀରେ ଧୀରେ ବଦଳିବାକୁ ଲାଗିଛି। ସହରକୁ ଆହୁରି ସୁନ୍ଦର କରି ଗଢ଼ିତୋଳିବା ସହ ପୂର୍ଣ୍ଣାଙ୍ଗ ସ୍ମାର୍ଟସିଟିରେ ପରିଣତ କରିବା ପାଇଁ ଗୋଟିଏ ପରେ ଗୋଟିଏ ପ୍ରକଳ୍ପ କାର୍ଯ୍ୟକାରୀ ହେଉଛି। ଏହି କ୍ରମରେ ସ୍ମାର୍ଟସିଟି ମିଶନ ଅନ୍ତର୍ଗତ ‘ସିଟିଜ୍‌ ପ୍ରକଳ୍ପ’ ଜରିଆରେ ବିଭିନ୍ନ ଯୋଜନା ହାତକୁ ନିଆଯାଉଛି। ସ୍ମାର୍ଟସିଟି ମିଶନରେ ସହରର କିଛି ନିର୍ଦ୍ଦିଷ୍ଟ ଅଞ୍ଚଳକୁ ଗୁରୁତ୍ୱ ଦିଆଯାଉଥିବାବେଳେ ଏହି ପ୍ରକଳ୍ପରେ ସହରର ବିଭିନ୍ନ ସ୍ଥାନର ବିକାଶ କରାଯାଉଛି। ସର୍ବସାଧାରଣଙ୍କ ପାଇଁ ସହରର ବିଭିନ୍ନ ସ୍ଥାନରେ ପାର୍କଗୁଡିକର ବିକାଶ କରାଯିବ। ସେଥିମଧ୍ୟରୁ ୪ଟି ପାର୍କର ନବୀକରଣ କରାଯିବାକୁ ଥିବାବେଳେ ଆଉ ୪ଟି ନୂତନ ପାର୍କ ନିର୍ମାଣ ହେବ। ସୂର୍ଯ୍ୟନଗରରେ ଥିବା ମମ୍‌ତାଜ ଅଲ୍ଲୀ ପାର୍କ, ଖାରବେଳ ନଗରରେ ଥିବା ପାର୍କ, ବିଏସ୍‌ଏନ୍‌ଏଲ୍‌ କଲୋନୀ ଭୋଇ ନଗର ଏବଂ ଏଜି କଲୋନୀରେ ଥିବା ଚିଲ୍‌ଡ୍ରେନ୍‌ ପାର୍କର ନବୀକରଣ କରାଯିବ। ସେହିପରି ପୁରୁଣା ଏଜି କଲୋନୀରେ ୨ଟି, କଳିଙ୍ଗନଗର-୩ ବି, ଏବଂ କଳିଙ୍ଗନଗର-୯ ଏ ରେ ନୂତନ ପାର୍କ ନିର୍ମାଣ କରାଯିବ। ପୂର୍ବରୁ ଭୋଇନଗରରେ ୨ଟି ପାର୍କ ହେବାର ଯୋଜନା ରହିଥିଲା। ମାତ୍ର ଜିଏ ବିଭାଗରୁ ଅନୁମତି ନ ମିଳିବାରୁ ଏହାକୁ କଳିଙ୍ଗନଗର-୩ ଏବଂ କଳିଙ୍ଗନଗର-୯ରେ ନିର୍ମାଣ କରାଯିବ। ଭିନ୍ନ ଭିନ୍ନ ଥିମ୍‌କୁ ନେଇ ପ୍ରତ୍ୟେକ ପାର୍କ ପ୍ରସ୍ତୁତ କରାଯିବ। ଯେପରିକି ମମ୍‌ତାଜ୍‌ଅଲ୍ଲୀ ପାର୍କରେ ହେଲ୍‌ଥ ଏବଂ ଫିଟ୍‌ନେସ୍‌ ଥିମ୍‌, ଏଜି କେଲାନୀରେ ଜଙ୍ଗଲଥିମ୍‌ ସାଇକେଲ ପାର୍କ, ଖାରବେଳନଗରରେ ଥିବା ପାର୍କ ୩ବି (ବାର୍ଡ, ବି, ବଟରଫ୍ଲାଏ) ଥିମ୍‌, ପ୍ରସ୍ତୁତ କରାଯାଉଛି। ସେହିପରି ବିଏସ୍‌ଏନ୍‌ଏଲ୍‌ କଲୋନୀ ପାର୍କ ସବୁ ବର୍ଗର ଲୋକଙ୍କ ପାଇଁ ଏବଂ କଳିଙ୍ଗନଗରରେ ୯ବର୍ଗ ପ୍ଲାଜା, ସ୍ପଞ୍ଜ ପାର୍କ ଆଦି ବିଭିନ୍ନ ଥିମ୍‌ରେ ପାର୍କ ନିର୍ମାଣ କରାଯିବାକୁ ଯୋଜନା ରହିଛି। ଖାରବେଳନଗରରେ ଥିବା ୩ବି ପାର୍କର ନବୀକରଣ କାର୍ଯ୍ୟ ସରିଥିବାବେଳେ ଅନ୍ୟ ୫ଟି ପାର୍କର କାମ ଚାଲିଛି। ସେହିପରି ଆଉ ୨ଟି ପାର୍କ ପାଇଁ ଟେଣ୍ଡର ପ୍ରକ୍ରିୟା ଜାରି ରହିଥିବା ସୂଚନା ଦିଆଯାଇଛି। ଏଥିପାଇଁ ମୋଟ୍‌ ୭.୫ କୋଟି ଟଙ୍କା ବ୍ୟୟ ଅଟକଳ ରଖାଯାଇଛି।
ସେହିପରି ସହରର ୫ଟି ଭିନ୍ନ ଭିନ୍ନ ସ୍ଥାନରେ ପ୍ଲେସ୍‌ମେକିଂ କରାଯିବା ପାଇଁ ମଧ୍ୟ ଧାର୍ଯ୍ୟ କରାଯାଇଛି। ହକି ବିଶ୍ୱକପ୍‌ ସମୟରେ ରାଜଧାନୀର ୨୭ଟି ସ୍ଥାନରେ ବିଏମ୍‌ସି ଏବଂ ବିଡିଏ ପକ୍ଷରୁ ପ୍ଲେସ୍‌ମେକିଂ କରାଯାଇଥିଲା। ମାତ୍ର ଏବେ ସ୍ମାର୍ଟସିଟି ପ୍ଲେସ୍‌ମେକିଂ ଦାୟିତ୍ୱ ନେଇଛି। ଏହି କ୍ରମରେ ସଚିବାଳୟ ମାର୍ଗରେ ଥିବା ଓପିଟିସିଏଲ୍‌ କଲୋନୀ ସ୍ଥିତ ‘ଚା ବିସ୍କୁଟ ସେଣ୍ଟର’, ଓପିଟିସିଏଲ୍‌ କଲୋନୀ ନିକଟସ୍ଥ ଆନନ୍ଦ ବଜାର, ରବିନ୍ଦ୍ର ମଣ୍ଡପ ସମ୍ମୁଖ, ୟୁନିଟ-୨ ମାର୍କେଟ ବିଲ୍ଡିଂ ସମ୍ମୁଖ ଏବଂ ରୂପାଲି ନିକଟସ୍ଥ ପଞ୍ଚଦେବୀ ଭବନର ନକ୍ସା ବଦଳିବ। ସମ୍ପୃକ୍ତ ସ୍ଥାନଗୁଡିକରେ ପେଭର ବ୍ଲକ ପଡିବା ସହ ଲୋକମାନଙ୍କ ବସିବା ପାଇଁ ଚେୟାର ପକାଯିବ। ସେହିପରି ମୋଟ୍‌ ୫ଟି ସ୍ଥାନରେ ହେବାକୁ ଥିବା ଏହି ନବକଳେବର ପାଇଁ ୯୦ଲକ୍ଷ ଟଙ୍କା ବଜେଟ୍‌ ରଖାଯାଇଛି। ଏବେ ସୁଦ୍ଧା ଆନନ୍ଦ ବଜାର ଏବଂ ପଞ୍ଚଦେବୀ ଭବନଠାରେ କାମ ଆରମ୍ଭ ହୋଇ ଗଲାଣି। ଚଳିତ ଜୁନ୍‌ ମାସ ସୁଦ୍ଧା ଏ ସମସ୍ତ କାର୍ଯ୍ୟ ସାରିବାକୁ ସ୍ମାର୍ଟସିଟି ଲକ୍ଷ୍ୟ ରଖିଛି। ସ୍ମାର୍ଟସିଟି ଏହାର ନକ୍ସା ପ୍ରସ୍ତୁତ କରିଥିବାବେଳେ ପ୍ଲେସ୍‌ମେକିଂର ଦାୟିତ୍ୱ ବିଡିଏକୁ ହସ୍ତାନ୍ତର କରାଯାଇଛି। ତେବେ ସିଟିଜ୍‌ ପ୍ରକଳ୍ପ ଜରିଆରେ ସ୍ମାର୍ଟସିଟି ଏ ସମସ୍ତ ପ୍ରକଳ୍ପର ଖର୍ଚ୍ଚ ବହନ କରିବ ବୋଲି ସୂଚନା ରହିଛି।


Enter your email to get our daily news in your inbox.

All Right Reserved By Dharitri.Com

ଧରିତ୍ରୀ ୟୁଥ୍‌ କନ୍‌କ୍ଲେଭ୍‌-୨୦୨୬: ଗଛ ଲଗାଇବା ପ୍ରତି ଅଧିକ ଧ୍ୟାନଦେବା, ନିୟମ ମାନି ଚଳିଲେ…

ଭୁବନେଶ୍ୱର,୧୬।୧୧: ବର୍ତ୍ତମାନ ବହୁତ ପରିମାଣରେ ଗଛ କଟାଯାଉଛି। କମ୍ପାନୀ, ବଡ଼ ବଡ଼ ଅଟ୍ଟାଳିକା ପାଇଁ ଆମକୁ ଗଛ କାଟିବାକୁ ପଡ଼ୁଛି। ସେଥିପାଇଁ ଜଳବାୟୁ ପରିବର୍ତ୍ତନ ହେଉଛି। ଖରାଦିନେ…

ବୈଭବ ସୂର୍ଯ୍ୟବଂଶୀଙ୍କ ଉପରେ ଅତ୍ୟଧିକ ଚାପ ପକାଯାଉଛି; ସୟଦ ମୁସ୍ତାକ ଅଲି ଟ୍ରଫିରେ ଅଧିନାୟକ ଦାୟିତ୍ୱ ଦେବା ଏକ ଅତ୍ୟନ୍ତ ଖରାପ ନିଷ୍ପତ୍ତି

ନୂଆଦିଲ୍ଲୀ,୧୬।୧୧: ସୟଦ ମୁସ୍ତାକ ଅଲି ଟ୍ରଫି ପାଇଁ ବିହାର ଦଳର ଅଧିନାୟକ ଭାବରେ ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀଙ୍କୁ ନିଯୁକ୍ତ କରିବାର ନିଷ୍ପତ୍ତି ଅତ୍ୟନ୍ତ ଅପରିପକ୍ୱ ଏବଂ…

ଡେବ୍ୟୁ କରିବାକୁ ଥିବା ଯଶ ଠାକୁରଙ୍କ ନାଁରେ ଏମିତି ରେକର୍ଡ, ସଚିନ ତେନ୍ଦୁଲକର-ଏମ.ଏସ. ଧୋନଙ୍କ ଲିଷ୍ଟରେ ସାମିଲ

ନୂଆଦିଲ୍ଲୀ,୧୬।୧୧: ରବିବାର ନ୍ୟୁଜିଲ୍ୟାଣ୍ଡ ବିପକ୍ଷ ପଞ୍ଚମ ତଥା ଅନ୍ତିମ ଦିନିକିଆ (ODI) ମ୍ୟାଚରେ ଭାରତୀୟ କ୍ରିକେଟ ଦଳ ବିଜୟୀ ହୋଇଛି ଏବଂ ଏହି ସିରିଜକୁ ୩-୧ ବ୍ୟବଧାନରେ…

ଭୁବନେଶ୍ବରରେ ପହଞ୍ଚିଲେ ଉପରାଷ୍ଟ୍ରପତି ସିପି ରାଧାକ୍ରିଷ୍ଣନ

ଭୁବନେଶ୍ୱର,୧୬।୧୧: ଉପରାଷ୍ଟ୍ରପତି ସିପି ରାଧାକ୍ରିଷ୍ଣନ ସୋମବାର ସକାଳେ ଭୁବନେଶ୍ବରରେ ପହଞ୍ଚିଛନ୍ତି। ବିମାନ ବନ୍ଦରରେ ପହଞ୍ଚିବା ପରେ ସେଠାର ତାଙ୍କୁ ଭବ୍ୟ ସ୍ବାଗତ ଜଣାଇଛନ୍ତି ରାଜ୍ୟପାଳ ଓ ମୁଖ୍ୟମନ୍ତ୍ରୀ।…

Nvidia ଜେନସେନ ହୁଆଙ୍ଗଙ୍କୁ ପୁଣିଥରେ CEO ଭାବେ ନିଯୁକ୍ତ କରିବ? ଏଲନ ମସ୍କ ଦେଇଛନ୍ତି ପରାମର୍ଶ

ଓ୍ବାଶିଂଟନ,୧୬।୧୧: ବିଶ୍ୱର ଅନ୍ୟତମ ବୃହତ ଚିପ କମ୍ପାନୀ ‘ଏନଭିଡିଆ’ (Nvidia) ପୁଣି ଥରେ ଜେନସେନ ହୁଆଙ୍ଗଙ୍କୁ ନିଜର ସିଇଓ (CEO) ଭାବରେ ନିଯୁକ୍ତ କରିପାରେ। ଯଦିଓ ହୁଆଙ୍ଗ…

ତ୍ରିରଙ୍ଗା ପ୍ରତି ଅପମାନ ଦେଖି ତୁରନ୍ତ ସୁରକ୍ଷା ଅଧିକାରୀଙ୍କ ନିକଟକୁ ଗଲେ ମହମ୍ମଦ ସିରାଜ; ୫ମ ଦିନିକିଆ ମ୍ୟାଚର ଭିଡିଓ ହେଉଛି ଭାଇରାଲ

ନୂଆଦିଲ୍ଲୀ,୧୬।୧୧: ନ୍ୟୁଜିଲ୍ୟାଣ୍ଡ ବିପକ୍ଷ ପଞ୍ଚମ ଦିନିକିଆ ମ୍ୟାଚରେ ମହମ୍ମଦ ସିରାଜଙ୍କୁ ଚୂଡ଼ାନ୍ତ ଏକାଦଶରେ ସାମିଲ କରାଯାଇଥିଲା। ଏହି ମ୍ୟାଚରେ ସେ ଦୁଇଟି ୱିକେଟ ନେଇ ଦଳର ବିଜୟରେ…

ଆଜି ଓଡ଼ିଶା ଆସିବେ ଉପରାଷ୍ଟ୍ରପତି

ଭୁବନେଶ୍ୱର,୧୬।୧୧ (ରବିନାରାୟଣ ଜେନା): ଉପରାଷ୍ଟ୍ରପତି ସି. ପି. ରାଧାକ୍ରିଷ୍ଣନ ସୋମବାର ବିଧାନସଭାରେ ଗୃହର ସଦସ୍ୟମାନଙ୍କ ପାଇଁ ହେବାକୁ ଥିବା ଦିନିକିଆ ଓରିଏଣ୍ଟେଶନ କାର୍ଯ୍ୟକ୍ରମକୁ ଉଦ୍‌ଘାଟନ କରିବେ। ଏଥିପାଇଁ…

ଆସିଆନ (ASEAN) ଶିଖର ସମ୍ମିଳନୀ ପାଇଁ ମନିଲାରେ ଏକତ୍ରିତ ହେବେ ବହୁ ନେତା, ଆଜି ଯାତ୍ରା କରିବେ ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ/ମନିଲା,୧୬।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତିନି ଦିନିଆ ଗସ୍ତରେ ସୋମବାର (ନଭେମ୍ବର ୧୬) ଫିଲିପାଇନ୍ସର ରାଜଧାନୀ ମନିଲାରେ ପହଞ୍ଚିବେ। ନିଜ ଗସ୍ତ ସମୟରେ ସେ ବାର୍ଷିକ ଭାରତ-ଆସିଆନ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?