୭୦ ବର୍ଷରେ ଜଣେ ଲେଖିକାଙ୍କୁ ପ୍ରେମ କରି ବିବାହ କରିଥିଲେ ଏହି ମୁଖ୍ୟମନ୍ତ୍ରୀ

ଆନ୍ଧ୍ରପ୍ରଦେଶର ପୂର୍ବତନ ମୁଖମନ୍ତ୍ରୀ ଏନ୍‌ଟି ରାମାରାଓ ଜୀବନୀ ବେଶ୍‌ ରୋଚକ ଥିଲା। ୨୮ ୧୯୨୩ରେ ମାଡ୍ରାସରେ ଜନ୍ମଗ୍ରହଣ କରିଥିବା ଏନଟି ରାମା ରାଓ ୧୯୪୯ ମସିହାରେ ଚଳଚ୍ଚିତ୍ର ଜଗତରେ ପ୍ରବେଶ କରିଥିଲେ ଏବଂ ଅନେକ ହିଟ୍‌ ଚଳଚ୍ଚିତ୍ର ଦେଇଥିଲେ। ଧୀରେ ଧୀରେ ସେ ରାଜନୀତିରେ ଆଡକୁ ଢଳିଲେ। ୧୯୮୨ ମାର୍ଚ୍ଚ ୨୯ରେ ହାଇଦ୍ରାବାଦରେ ସେ ତେଲୁଗୁ ଦେଶମ ପାର୍ଟି (ଟିଡିପି) ନାମକ ଦଳ ଗଠନ କଲେ। ଏହାପରେ ତାଙ୍କର ଚଳଚ୍ଚିତ୍ର କ୍ୟାରିୟର ଶେଷ ହୋଇଥିଲା ଏବଂ ସେ ସମ୍ପୂର୍ଣ୍ଣ ରାଜନୀତିରେ ପ୍ରବେଶ କରିଥିଲେ। ୧୯୮୩ ମସିହାରେ ସେ ପ୍ରଥମ ଥର ପାଇଁ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ହୋଇଥିଲେ ଏବଂ ଲଗାତାର ତିନିଥର ପାଇଁ ଏହି ପଦବୀରେ ରହିଥିଲେ। ତାଙ୍କର ପ୍ରଥମ ସ୍ତ୍ରୀ ୧୯୮୫ରେ କର୍କଟ ରୋଗରେ ମୃତ୍ୟୁ ବରଣ କରିଥିଲେ ଏବଂ ପରେ ତେଲଗୁ ଲେଖିକା ଲକ୍ଷ୍ମୀ ପାର୍ବତୀ ତାଙ୍କ ଜୀବନରେ ଆସିଥିଲେ। ସେ ତାଙ୍କ ଜୀବନୀ ଲେଖିବା ସଂପର୍କରେ ଏନଟି ରାମା ରାଓଙ୍କୁ ଭେଟିଥିଲେ ଏବଂ ପରେ ଦୁହେଁ ପ୍ରେମରେ ପଡିଥିଲେ । ଏହା ପରେ, ୧୯୯୩ ରେ, ୩୮ବର୍ଷିୟ ଲକ୍ଷ୍ମୀ ପାର୍ବତୀ ୭୦ ବର୍ଷୀୟ ବୃଦ୍ଧ ଏନଟି ରାମା ରାଓ ବିବାହ କରିଥିଲେ। ଏହାପରଠାରୁ ରାମା ରାଓଙ୍କ ପରିବାରରେ ଉତ୍ତେଜନା ଆରମ୍ଭ ହୋଇଥିଲା।

ଲକ୍ଷ୍ମୀ ପାର୍ବତୀଙ୍କୁ ବିବାହ କରିବାକୁ ଏନଟି ରାମା ରାଓଙ୍କ ନିଷ୍ପତ୍ତି ତାଙ୍କ ୭ ପୁଅ ଏବଂ ୩ ଝିଅ ଏବଂ ଜ୍ବାଇଁଙ୍କୁ ମଧ୍ୟ ପସନ୍ଦ ନ ଥିଲା। ୧୯୯୪ ବିଧାନସଭା ନିର୍ବାଚନରେ ଲକ୍ଷ୍ମୀ ପାର୍ବତୀ ସର୍ବଦା ରାମ ରାଓଙ୍କ ସହ ଥିଲେ। ଯେତେବେଳେ ଦଳ ୨୯୪ରୁ ୨୧୪ଟି ସିଟ ଜିତିଥିଲା ସେତେବେଳେ ଲକ୍ଷ୍ମୀ ମଧ୍ୟ ଏଥିପାଇଁ ଶ୍ରେୟ ପାଇଥିଲେ। ଗୋଟିଏ ପଟେ ଲକ୍ଷ୍ମୀ ଭାବୁଥିଲେ ଯେ ବର୍ତ୍ତମାନ ସେ ରାଜନୀତିରେ ମଧ୍ୟ ସକ୍ରିୟ ଭୂମିକା ଗ୍ରହଣ କରିପାରନ୍ତି। ଅନ୍ୟ ପଟେ ପକ୍ଷାଘାତ କାରଣରୁ ରାମା ରାଓ ତାଙ୍କ ସ୍ତ୍ରୀଙ୍କ ଉପରେ ନିର୍ଭରଶୀଳ ହୋଇଥିଲେ। ନିର୍ବାଚନରେ ପାରମ୍ପରିକ ଆସନ ‘ତେକାଲି’ ଖାଲି ପଡିଥିଲା। ଯେଉଁଥିରେ ଲକ୍ଷ୍ମୀ ପ୍ରତିଦ୍ୱନ୍ଦ୍ୱିତା କରିବାକୁ ଚାହୁଁଥିଲେ, ରାମା ରାଓଙ୍କ ପୁଅ ହରିକୃଷ୍ଣ ମଧ୍ୟ ସେହି ଆସନରେ ନିଜର ଦାବି ରଖିଥିଲେ। ଏହାଦ୍ୱାରା ଘରେ ଭିତରେ କଳି ଆରମ୍ଭ ହୋଇଗଲା। ପରିଶେଷରେ, ଏନଟିଆର୍‌ ସେହି ଆସନରୁ ଏକ ତୃତୀୟ ବ୍ୟକ୍ତି ଛିଡା କରିବାର ନିଷ୍ପତ୍ତି ନେଇଥିଲେ।