ନୂଆଦିଲ୍ଲୀ,୨୯।୧୨:ଭଗବଦ୍ ଗୀତାର ଏକ ‘ଶ୍ଲୋକ’ର ଭୁଲ ଅନୁବାଦ ପାଇଁ ଆସାମ ମୁଖ୍ୟମନ୍ତ୍ରୀ ହିମାଂଶ ବିଶ୍ୱ ସରମା କ୍ଷମା ମାଗିଛନ୍ତି। ଭୁଲ ଅନୁବାଦକୁ ନେଇ ବିବାଦ ଉପୁଜିବାରୁ ସେ କ୍ଷମା ମାଗିଛନ୍ତି। ଅନେକ ନେତା ତାଙ୍କୁ ଜାତି ବିଭାଜନକୁ ପ୍ରୋତ୍ସାହନ ଦେଉଥିବା ଅଭିଯୋଗ କରିଥିଲେ।
ହିମନ୍ତ ବିଶ୍ବ ସରମା କହିଛନ୍ତି, ନିୟମିତ ଭାବେ, ପ୍ରତିଦିନ ସକାଳେ ମୁଁ ମୋର ସୋସିଆଲ ମିଡିଆ ହ୍ୟାଣ୍ଡେଲରେ ଭଗବଦ୍ ଗୀତାର ଏକ ଶ୍ଲୋକ ଅପଲୋଡ କରେ । ବର୍ତ୍ତମାନ ପର୍ଯ୍ୟନ୍ତ, ମୁଁ ୬୬୮ ଶ୍ଲୋକ ପୋଷ୍ଟ କରିଛି। ସମ୍ପ୍ରତି ମୋ ଦଳର ଜଣେ ସଦସ୍ୟ ଭୁଲ ଅନୁବାଦ ସହିତ ଅଧ୍ୟାୟ ୧୮ ଶ୍ଲୋକ ୪୪ରୁ ଭୁଲ ଅନୁବାଦ କରି ପୋଷ୍ଟ କରିଛନ୍ତି। ଭୁଲ ବୁଝିବା ମାତ୍ରେ ମୁଁ ତୁରନ୍ତ ଏହି ପୋଷ୍ଟକୁ ହଟାଇ ଦେଇଛି। ଯଦି ହଟାଯାଇଥିବା ପୋଷ୍ଟ ଦ୍ୱାରା ଯଦି କେହି ଆହତ ହୋଇଛନ୍ତି, ମୁଁ ଆନ୍ତରିକତାର ସହ କ୍ଷମା ପ୍ରାର୍ଥନା କରୁଛି।
ହିମନ୍ତ ସରମାଙ୍କ ପୋଷ୍ଟରେ ସେ ଏକ ନିର୍ଦ୍ଦିଷ୍ଟ ଜାତି ବିଷୟରେ ଭୁଲ ଭାବରେ ଉଲ୍ଲେଖ କରିଥିଲେ। ଗୀତା ଶ୍ଲୋକ ବିଷୟରେ ଅଲ ଇଣ୍ଡିଆ ମଜଲିସ-ଇ-ଇଥାହାଦୁଲ ମୁସଲିମ ନେତା ତଥା ଲୋକ ସଭା ଏମ୍ପି ଅସଦୁଦ୍ଦିନ ଓୱାଇସି ହିମନ୍ତ ବିଶ୍ୱ ସରମାଙ୍କ ଉପରେ ଆକ୍ରମଣ କରି କହିଛନ୍ତି ଯେ, ସେ ପ୍ରତ୍ୟେକ ଭାରତୀୟ ନାଗରିକଙ୍କୁ ସମାନ ବ୍ୟବହାର କରିବାର ଶପଥ ପୂରଣ କରୁନାହାଁନ୍ତି। ସାମ୍ବିଧାନିକ ପଦବୀରେ ଅବସ୍ଥାପିତ ଥିବାବେଳେ ତୁମର ଶପଥ ହେଉଛି ପ୍ରତ୍ୟେକ ନାଗରିକଙ୍କୁ ସମାନ ବ୍ୟବହାର କରିବା। ଏହା ତାଙ୍କ ଦୁର୍ଭାଗ୍ୟପୂର୍ଣ୍ଣ କ୍ରୁରତା, ଯାହା ଗତ କିଛି ବର୍ଷ ମଧ୍ୟରେ ଆସାମ ମୁସଲମାନମାନେ ସମ୍ମୁଖୀନ ହେଉଛନ୍ତି।
As a routine I upload one sloka of Bhagavad Gita every morning on my social media handles. Till date, I have posted 668 slokas.
Recently one of my team members posted a sloka from Chapter 18 verse 44 with an incorrect translation.
As soon as I noticed the mistake, I promptly…
— Himanta Biswa Sarma (@himantabiswa) December 28, 2023
