ଯାହାକୁ ଆପଣ ହୃଦୟ ଦେଇ ଭଲ ପାଇଥିବେ ଯଦି ସେ ଆପଣଙ୍କଠାରୁ ଦୂରେଇ ଯିବେ ତେବେ ନିଶ୍ଚିତ କଷ୍ଟ ଲାଗିବ। ଏହା ପରେ କିଏ କେତେ କ’ଣ କାଣ୍ଡ ଘଟାଇଥାନ୍ତି। ମାତ୍ର କିଛି ଲୋକ ଅଛନ୍ତି, ପ୍ରଥମ ପ୍ରେମକୁ ଭୁଲି ପାରନ୍ତି ନାହିଁ। ଥରେ ଧୋକ୍କା ପାଇବା ପରେ ଆଉ କାହାକୁ ପ୍ରେମ କରିବା ଅପେକ୍ଷା ନିଜକୁ ବେଶି ଭଲ ପାଇବସନ୍ତି। ଏମିତି ଏକ ଘଟଣା ଦେଖିବାକୁ ମିଳିଛି ବ୍ରାଜିଲ୍ରେ।
ବ୍ରାଜିଲର ଜଣେ ଯୁବକ ପ୍ରେମିକାଙ୍କଠାରୁ ବ୍ରେକ୍ଅପ୍ ହେବା ପରେ ନିଜକୁ ନିଜେ ବିବାହ କରିଛନ୍ତି। ଯାହାଙ୍କ ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
ଏକ ରିପୋର୍ଟ ଅନୁଯାୟୀ, ଡକ୍ଟର ଡିଓଗୋ ରବେଲୋଙ୍କ ତାଙ୍କ ପ୍ରେମିକା ବିଟୋର ୟୁନୋଙ୍କ ସହ ଗତବର୍ଷ ନଭେମ୍ବରରେ ନିର୍ବନ୍ଧ ହୋଇଥିଲା। ଚଳିତବର୍ଷ ତାଙ୍କର ବିବାହ ହୋଇଥାନ୍ତା। ମାତ୍ର ଏହା ପୂର୍ବରୁ ତାଙ୍କର ବ୍ରେକ୍ଅପ୍ ହୋଇଗଲା। ତେଣୁ ଡକ୍ଟର ଡିଓଗୋଙ୍କ ମନରେ ଏହାକୁ ନେଇ ଆଉ କିଛି ଚାଲିଲା। ସେ ନିଷ୍ପତ୍ତି ନେଲେ ନିଜ ମନ ମୁତାବକ ବିବାହ କରିବେ ଏବଂ କୌଣସି ପାର୍ଟି ବନ୍ଦ ହେବ ନାହିଁ। ଏହା ପରେ ସେ ନିଜେ ନିଜକୁ ବିବାହ କରିବା ପାଇଁ ନିଷ୍ପତ୍ତି ନେଲେ। ଏଥିପାଇଁ ଉତ୍ତରପୂର୍ବ ରାଜ୍ୟର ଇଟାକାରେର ଏକ ରିସୋର୍ଟରେ ବିବାହ ପାର୍ଟିର ଆୟୋଜନ କରିଥିଲେ। କରୋନା ଭାଇରସ ଯୋଗୁ ଏହି ସମାରୋହରେ କେବଳ ୪୦ ଲୋକ ସାମିଲ ହୋଇଥିଲେ। ଡିଓଗୋ ନିଜ ସହ ବିବାହ ବନ୍ଧନରେ ବାନ୍ଧି ହୋଇଥିଲେ। ସେ କହିଥିଲେ, ଆଜି ମୋ’ ଜୀବନର ସବୁଠୁ ଖୁସିର ଦିନ। କାରଣ ଜୀବନରେ ମୁଁ ଏହି ଲୋକଙ୍କ ସହିତ ଅଛି, ଯାହାଙ୍କୁ ମୁଁ ଅଧିକ ଭଲ ପାଏ।
ଏଥିସହିତ ସେ ସମସ୍ତ ଲୋକଙ୍କୁ ଧନ୍ୟବାଦ ଦେଇଛନ୍ତି। ଯାହାଙ୍କ ସମର୍ଥନରେ ନିଜ ଜୀବନରେ ଅନେକ ପ୍ରେମ ମିଳିଛି। ସେ ତାଙ୍କ ପୂର୍ବତନ ପ୍ରେମିକାଙ୍କୁ ଧନ୍ୟବାଦ ମଧ୍ୟ ଦେଇଛନ୍ତି। ତାଙ୍କର ଶୁଭକାମନା କରିଛନ୍ତି। ସେ ଲେଖିଛନ୍ତି, ତୁମକୁ ମୁଁ ବହୁତ ସମ୍ମାନ କରେ। ମୁଁ ଚାହେଁ ତୁମେ ଆଜିଠାରୁ ସ୍ବତନ୍ତ୍ର ରୁହ ଆଉ ଯେଉଁଠି ଚାହୁଁଛି ସେଠି ଭଲରେ ରୁହ। ପ୍ରେମିକାଙ୍କ ଡିଓଗୋଙ୍କ ଏହି ବାର୍ତ୍ତା ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି।
