ଗୁଆହାଟି,୧୫।୪: ଲୋକ ସଭା ନିର୍ବାଚନ ୨୦୨୪ରେ ପ୍ରଥମ ପର୍ଯ୍ୟାୟ ଭୋଟ ପାଇଁ ଆଉ କିଛି ଦିନ ବାକି ଅଛି। ଏହି ସମୟରେ ଆସାମରେ ଏକ ପରିବାର ଦେଖିବାକୁ ମିଳିଛି ଯେଉଁଠାରେ ୩୫୦ ଭୋଟର ଅଛନ୍ତି। ଏହି ପରିବାର ସେମାନଙ୍କର ମତାଧିକାର ସାବ୍ୟସ୍ତ କରିବା ଲାଗି ସବୁଠାରୁ ବଡ ପରିବାର ମଧ୍ୟରୁ ଅନ୍ୟତମ। ଏଥର ଆସାମର ସୋନୀତପୁର ଜିଲାର ସ୍ବର୍ଗତ ରନ ବାହାଦୂର ଥାପାଙ୍କ ପରିବାର ଏପ୍ରିଲ ୧୯ରେ ଲୋକ ସଭା ନିର୍ବାଚନର ପ୍ରଥମ ପର୍ଯ୍ୟାୟରେ ଭୋଟ ଦେବେ।
ରନ ବାହାଦୂର ଥାପାଙ୍କର ୧୨ ପୁଅ ଏବଂ ୯ ଝିଅ ଅଛନ୍ତି । ନ୍ୟୁଜ ଏଜେନ୍ସି ଏଏନଆଇ ଅନୁଯାୟୀ ତାଙ୍କର ପାଞ୍ଚ ଜଣ ପତ୍ନୀ ଥିଲେ। ମୋଟ ଉପରେ, ପ୍ରାୟ ୧୨୦୦ ସଦସ୍ୟଙ୍କ ଏହି ପରିବାରରେ, ପ୍ରାୟ ୩୫୦ ସଦସ୍ୟଙ୍କୁ ଆଗାମୀ ଲୋକ ସଭା ନିର୍ବାଚନରେ ସେମାନଙ୍କ ମତଦାନ ସାବ୍ୟସ୍ତ କରିବାକୁ ପଡିବ।
ଖବର ଅନୁଯାୟୀ, ରନ ବାହାଦୂରଙ୍କ ୧୫୦ ରୁ ଅଧିକ ନାତି ଅଛନ୍ତି। ନେପାଳୀ ପଦ୍ମ ଗାଁର ମୁଖ୍ୟ ତଥା ସ୍ବର୍ଗତ ରୋନ ବାହାଦୂରଙ୍କ ପୁଅ ତିଲ ବାହାଦୂର ଥାପା ଏଏନଆଇ କୁ କହିଛନ୍ତି ଯେ ତାଙ୍କ ପରିବାରରେ ପ୍ରାୟ ୩୫୦ ଲୋକ ଅଛନ୍ତି ଯେଉଁମାନେ ଭୋଟ ଦେବାକୁ ଯୋଗ୍ୟ ଅଟନ୍ତି।
ସେ କହିଥିଲେ ଯେ ୧୯୬୪ରେ ମୋ ବାପା ମୋ ଜେଜେବାପାଙ୍କ ସହ ଏଠାକୁ ଆସିଥିଲେ ଏବଂ ପରେ ଏଠାରେ ସ୍ଥାୟୀ ବାସିନ୍ଦା ହୋଇଥିଲେ। ମୋ ବାପାଙ୍କର ପାଞ୍ଚ ପତ୍ନୀ ଥିଲେ ଏବଂ ଆମର ୧୨ଭାଇ ଏବଂ ୯ ଭଉଣୀ ଅଛନ୍ତି। ଯଦି ଆମେ ସମସ୍ତ ପିଲାଙ୍କୁ ଗଣନା କରୁ, ଆମ ପରିବାରରେ ସମୁଦାୟ ୧୨୦୦ ରୁ ଅଧିକ ସଦସ୍ୟ ରହିବେ।
ତେବେ ସେ ଦୁଃଖ ପ୍ରକାଶ କରିଛନ୍ତି ଯେ ତାଙ୍କ ପରିବାର ରାଜ୍ୟ ତଥା କେନ୍ଦ୍ର ସରକାରଙ୍କ ବିଭିନ୍ନ ପ୍ରକାର କଲ୍ୟାଣ ଯୋଜନାର ଫାଇଦା ଉଠାଇ ପାରି ନାହାଁନ୍ତି। ତିଲ ବାହାଦୂର କହିଛନ୍ତି, ଆମ ପିଲାମାନେ ଉଚ୍ଚଶିକ୍ଷା ପାଇଥିଲେ ମଧ୍ୟ କୌଣସି ସରକାରୀ ଚାକିରି ପାଇନାହାଁନ୍ତି। ଆମ ପରିବାରର କିଛି ସଦସ୍ୟ ବେଙ୍ଗାଲୁରୁ ଯାଇ ବେସରକାରୀ ଚାକିରି କରୁଛନ୍ତି। କେତେକ ମଧ୍ୟ ଦୈନିକ ମଜୁରୀ ଶ୍ରମିକ ଭାବେ କାମ କରୁଛନ୍ତି। ମୁଁ ଜଣେ ଶ୍ରମିକ ଭାବେ କାମ କରୁଛି। ୧୯୮୯ ଠାରୁ ଗାଁ ମୁଖିଆ ଭାବରେ କାର୍ଯ୍ୟ କରେ ମୋର ୮ ପୁଅ ଏବଂ ୩ ଝିଅ ଅଛନ୍ତି।
ରୋନ ବାହାଦୂରର ଅନ୍ୟ ଜଣେ ପୁଅ ସରକି ବାହାଦୁର ଥାପା କହିଛନ୍ତି ଯେ ଆମେ ଏକ ବଡ ପରିବାର, ପାଖାପାଖି ୩୫ହ ସଦସ୍ୟ ଯେଉଁମାନେ ଭୋଟ ଦେବାକୁ ଯୋଗ୍ୟ ଅଟନ୍ତି। ପରିବାର ସଦସ୍ୟଙ୍କ ଅନୁଯାୟୀ, ରନ ବାହାଦୂରଙ୍କର ୧୯୯୭ରେ ମୃତ୍ୟୁ ହୋଇଛି। ସରକି ମଧ୍ୟ ୬୪ ବର୍ଷ ଏବଂ ତାଙ୍କର ତିନି ପତ୍ନୀ ଏବଂ ୧୨ ସନ୍ତାନ ଅଛନ୍ତି । ଆସାମରେ ୧୪ ଟି ଲୋକ ସଭା ଆସନ ପାଇଁ ନିର୍ବାଚନ ତିନିଟି ପର୍ଯ୍ୟାୟରେ ଅନୁଷ୍ଠିତ ହେବ। ଏଠାରେ ପ୍ରଥମ ପର୍ଯ୍ୟାୟ ଭୋଟ ୧୯ ଏପ୍ରିଲରେ, ଦ୍ୱିତୀୟ ପର୍ଯ୍ୟାୟ ୨୬ ଏପ୍ରିଲରେ ଏବଂ ତୃତୀୟ ପର୍ଯ୍ୟାୟ ୭ମେ’ରେ ଅନୁଷ୍ଠିତ ହେବ।
