ନୂଆଦିଲ୍ଲୀ,୨୩।୧୧: ବ୍ୟାଙ୍କ ମନମାନି କରିବା ସାଧାରଣ କଥା। କାରଣ ପ୍ରତ୍ୟେହ ସୋସିଆଲ ମିଡିଆରେ ହଜାର ହଜାର ଅଭିଯୋଗ ଦେଖଇବାକୁ ମିଳିଥାଏ। ଯେପରିକି ବ୍ୟାଙ୍କ ଲୋକଙ୍କ କଥା ଶୁଣୁନାହିଁ। ଯେଉଁ କାମ ଆଜି ହୋଇପାରୁଥିଲା, ତାକୁ କାଲିକୁ ଘୁଞ୍ଚାଇ ଦିଆଯାଉଛି। ଅଯଥା ଚାର୍ଜ କାଟି ଦିଆଯାଉଛି। ଅନେକ କ୍ଷେତ୍ରରେ ଯେଉଁ ସେବା ମାଗଣାରେ ମିଳିବା କଥା, ସେଥିଲାଗି ଟଙ୍କା ଆଦାୟ କରାଯାଉଛି।
ଯଦି ଆପଣ ମଧ୍ୟ ଏଭଳି ସମସ୍ୟାରେ ପଡ଼ୁଛନ୍ତି, ତେବେ ଏହି ଖବର ଆପଣଙ୍କ ପାଇଁ ବହୁତ କାମରେ ଲାଗିବ। ଏବେ ଆପଣ ସିଧାସଳଖ ଭାରତୀୟ ରିଜର୍ଭ ବ୍ୟାଙ୍କ (RBI) ନିକଟରେ ଶିକାୟତ୍ କରି ନିଜର ଅଧିକାର ରକ୍ଷା କରିପାରିବେ।RBI ନିକଟରେ ଶିକାୟତ୍ କରିବାର ସହଜ ଉପାୟRBI ଗ୍ରାହକମାନଙ୍କ ପାଇଁ ଏକ ବିଶେଷ ଅନଲାଇନ୍ ପୋର୍ଟାଲ୍ ତିଆରି କରିଛି – https://cms.rbi.org.in। ଏଠାରେ ବ୍ୟାଙ୍କ୍ ସମ୍ପର୍କିତ ଯେ କୌଣସି ଅଭିଯୋଗ ଅତି ସହଜରେ ଦାଖଲ କରାଯାଇପାରିବ। ବ୍ୟାଙ୍କ୍ ଯଦି ଆପଣଙ୍କ ଅଭିଯୋଗ ଶୁଣୁନାହିଁ କିମ୍ବା ମନମାନି ଚାର୍ଜ କାଟୁଛି, ତେବେ RBI ହସ୍ତକ୍ଷେପ କରି ଆପଣଙ୍କ ସମସ୍ୟାର ସମାଧାନ କରିଥାଏ।ଅନଲାଇନ୍ରେ ଅଭିଯୋଗ କରିବାର ଷ୍ଟେପ୍-ବାଇ-ଷ୍ଟେପ୍ ପ୍ରକ୍ରିୟା
- ଯାଆନ୍ତୁ https://cms.rbi.org.in
- “File a Complaint” ଉପରେ କ୍ଲିକ୍ କରନ୍ତୁ
- ଦେଖାଇଥିବା କ୍ୟାପ୍ଚା ଭରନ୍ତୁ
- ନିଜର ନାମ ଓ ମୋବାଇଲ୍ ନମ୍ବର ଦିଅନ୍ତୁ, OTP ଭରନ୍ତୁ
- ଯେଉଁ ବ୍ୟାଙ୍କ୍ ବିରୁଦ୍ଧରେ ଅଭିଯୋଗ, ତା’ର ନାମ ଓ ପୁରା ବିବରଣୀ ଲେଖନ୍ତୁ
- ଦରକାର ପଡ଼ିଲେ କ୍ଷତିପୂରଣ (compensation) ମଧ୍ୟ ଦାବି କରିପାରିବେ
- “Review and Submit” କ୍ଲିକ୍ କରନ୍ତୁ
- ସବମିଟ୍ ପରେ ଆପଣଙ୍କୁ ଏକ କମ୍ପ୍ଲେଣ୍ଟ ନମ୍ବର ମିଳିବ, ଯାହାଦ୍ୱାରା ଷ୍ଟାଟସ୍ ଟ୍ରାକ୍ କରିହେବ
ଅଫଲାଇନ୍ରେ ଅଭିଯୋଗ କରିବାକୁ ଚାହୁଁଛନ୍ତି?
ଅଭିଯୋଗ ଏକ ଚିଠିରେ ଲେଖି, ସବୁ ବିବରଣୀ ଓ ନିଜ ଦସ୍ତଖତ ସହ ନିମ୍ନଲିଖିତ ଠିକଣାକୁ ପଠାନ୍ତୁ : Centralised Receipt and Processing Centre
Reserve Bank of India
4th Floor, Sector 17
Chandigarh – 160017 ଏବେ ଆଉ ବ୍ୟାଙ୍କ୍ର ମନମାନି ସହିବାକୁ ପଡ଼ିବ ନାହିଁ। ସିଧା RBI ନିକଟରେ ଅଭିଯୋଗ କରନ୍ତୁ ଏବଂ ନିଜର ଅଧିକାର ଓ ଟଙ୍କା ଫେରସ୍ତ ପାଆନ୍ତୁ!
