୧୯୯୯ ମସିହାରେ ମୁକ୍ତିଲାଭ କରିଥିବା ‘ସୂର୍ଯ୍ୟବଂଶମ’ ଫିଲ୍ମରେ ଅମିତାଭ ବଚ୍ଚନଙ୍କ ନାୟିକା ଭୂମିକାରେ ଅଭିନୟ କରିଥିବା ଅଭିନେତ୍ରୀ ସୌନ୍ଦର୍ଯ୍ୟାଙ୍କୁ ଦର୍ଶକ ଖୁବ ପସନ୍ଦ କରିଥିଲେ। ସୌନ୍ଦର୍ଯ୍ୟା ଏହି ଚଳଚ୍ଚିତ୍ର ସହିତ ବଲିଉଡ୍ରେ ଡେବ୍ୟୁ କରିଥିଲେ। ପରେ ସେ ଅନ୍ୟ କୌଣସି ବଲିଉଡ ଫିଲ୍ମରେ ଅଭିନୟ କରି ନ ଥିଲେ। ୩୨ ବର୍ଷ ବୟସ ତାଙ୍କର ମୃତ୍ୟୁ ଘଟିଥିଲା। ୨୭ ଏପ୍ରିଲ ୨୦୦୩ରେ ସେ ସଫ୍ଟୱେୟାର ଇଞ୍ଜିନିୟର ଜିଏସ୍ ରଘୁଙ୍କୁ ବିବାହ କରିଥିଲେ। ତାଙ୍କ ପ୍ରକୃତ ନାମ ଥିଲା ସୋମିଆ ସତ୍ୟନାରାୟଣ । ତାଙ୍କ କ୍ୟାରିୟରର ପ୍ରାରମ୍ଭିକ ପର୍ଯ୍ୟାୟରେ, ସୌନ୍ଦର୍ଯ୍ୟା ଅନେକ ସୁପରଷ୍ଟାରଙ୍କ ସହ କାମ କରିଥିଲେ ଏବଂ ଗୋଟିଏ ପରେ ଗୋଟିଏ ହିଟ୍ ଦେଇଥିଲେ।
୧୯୯୨ ମସିହାରେ, କନ୍ନଡ ଚଳଚ୍ଚିତ୍ର ‘ଗାନ୍ଧର୍ଭ’ ସହିତ ସୌନ୍ଦର୍ଯ୍ୟା ବଡ ପରଦାରେ ଡେବ୍ୟୁ କରିଥିଲେ। ୧୨ ବର୍ଷର କ୍ୟାରିଅରରେ ସେ ୧୦୦ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଥିଲେ। ଏହି ସମୟରେ ତାମିଲ, ମାଲାୟାଲମ, ତେଲୁଗୁ, କନ୍ନଡ ଏବଂ ହିନ୍ଦୀ ଚଳଚ୍ଚିତ୍ରରେ ଅଭିନୟ କରିଥିଲେ।
ଚଳଚ୍ଚିତ୍ର ସାହାଯ୍ୟରେ ଦର୍ଶକଙ୍କ ହୃଦୟ ଜିତିବା ପରେ ୨୦୦୪ ମସିହାରେ ସୌନ୍ଦର୍ଯ୍ୟା ଭାରତୀୟ ଜନତା ପାର୍ଟିରେ ଯୋଗ ଦେଇଥିଲେ। ଏପ୍ରିଲ ୧୭, ୨୦୦୪ ରେ, ସେ କରିମନଗରରେ ଭାଜପା ପ୍ରାର୍ଥୀ ପାଇଁ ପ୍ରଚାର କରିବାକୁ ଯାଉଥିଲେ। ବେଙ୍ଗାଲୁର ଜାକ୍କୁର ଏୟାରଫିଲ୍ଡରୁ ବିମାନ ଉଡ଼ାଣ ସମୟରେ ୧୦୦ ଫୁଟରେ ପହଞ୍ଚିବା ପରେ ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହୋଇଥିଲା। ଏହି ଦୁର୍ଘଟଣାରେ ସୌନ୍ଦର୍ଯ୍ୟା, ତାଙ୍କ ଭାଇ ଏବଂ ଅନ୍ୟ ଦୁଇଜଣଙ୍କର ମୃତ୍ୟୁ ଘଟିଥିଲା।
କୁହାଯାଏ ଯେ, ସୌନ୍ଦର୍ଯ୍ୟାଙ୍କ ପିଲାଦିନରେ ଜଣେ ଜ୍ୟୋତିଷ ତାଙ୍କ ଆକସ୍ମିକ ମୃତ୍ୟୁ ବିଷୟରେ ଭବିଷ୍ୟବାଣୀ କରିଥିଲେ। ପ୍ରତ୍ୟେକ ପିତାମାତାଙ୍କ ପରି ସେମାନଙ୍କ ମା’ବାପା ମଧ୍ୟ ପୂଜା କରିଥିଲେ। ଏ ନେଇ ତାଙ୍କୁ ଡ୍ରାଇଭିଂ ଶିଖିବାକୁ ମଧ୍ୟ ଅନୁମତି ଦିଆଯାଇ ନ ଥିଲା। ସବୁବେଳେ ତାଙ୍କ ସହିତ ଜଣେ ସୁରକ୍ଷାକର୍ମୀ ରହୁଥିଲେ। ଆହୁରି ମଧ୍ୟ ଯେତେବେଳେ ସୌନ୍ଦର୍ଯ୍ୟା ଅମିତାଭ ବଚ୍ଚନଙ୍କ ସହ ‘ସୂର୍ଯ୍ୟବଂଶମ’ ଫିଲ୍ମରେ କାମ କରିବାକୁ ଏକ ଅଫର୍ ପାଇଲେ, ଜ୍ୟୋତିଷ ତାଙ୍କୁ ଏହା ମଧ୍ୟ କହିଥିଲେ ଯେ, ଏହା ତୁମ ଜୀବନର ଶେଷ ଫିଲ୍ମ ହେବ।
