ଦୋହଲିଯାଇଛି ଅନୁଗୋଳ ପର୍ଯ୍ୟଟନ ଶିଳ୍ପ

ଅନୁଗୋଳ ଅଫିସ, ୧୬ା୭:  କରୋନା ସଂକ୍ରମଣ ରୋକିହେଉନି କି ଲକ୍‌ଡାଉନ୍‌, ଶଟ୍‌ଡାଉନରେ ବ୍ରେକ୍‌ ଲାଗୁନି। ଫଳରେ ଟ୍ରାକ୍‌କୁ ଫେରିପାରୁନି ସାଧାରଣ ଜୀବନଯାତ୍ରା। ମହାମାରୀ ଚେନ୍‌ ଭାଙ୍ଗିବାକୁ ପ୍ରତିଟି କ୍ଷେତ୍ରରେ କଟକଣା ଲାଗିଥିବା ବେଳେ ୪ ମାସ ହେଲା ଧର୍ମାନୁଷ୍ଠାନ, ପର୍ଯ୍ୟଟନସ୍ଥଳୀ ଆଦି ଖୋଲିପାରୁ ନାହିଁ। ପର୍ଯ୍ୟଟନର ବିପୁଳ ସମ୍ଭାବନାକୁ ଦୃଷ୍ଟିରେ ଦେଖି ଅନୁଗୋଳ ଜିଲାର ବିଭିନ୍ନ ପର୍ଯ୍ୟଟନସ୍ଥଳୀର ବିକାଶ କରାଯାଇଥିବା ବେଳେ ବର୍ତ୍ତମାନର ପରିସ୍ଥିତି ଏହି ଶିଳ୍ପକୁ ଦୋହଲାଇ ଦେଇଛି। ଏହା ଉପରେ ନିର୍ଭର କରୁଥିବା ହୋଟେଲ, ରେଷ୍ଟୁରାଣ୍ଟ ଓ ଟ୍ରାଭେଲ ଏଜେନ୍ସିଗୁଡ଼ିକର ଅବସ୍ଥା ମଧ୍ୟ ଶୋଚନୀୟ ହୋଇପଡ଼ିଛି।
ରାଜ୍ୟ ପର୍ଯ୍ୟଟନ କ୍ଷେତ୍ରରେ ବିଶେଷ ଗୁରୁତ୍ୱ ବହନ କରିଥାଏ ଅନୁଗୋଳ ଜିଲା। ଶିଳ୍ପରେ ପରିପୂର୍ଣ୍ଣ ଏହି ଜିଲାରେ ସାତକୋଶିଆ ଅଭୟାରଣ୍ୟ, ରେଙ୍ଗାଳି, ଡେରଜାଙ୍ଗ ଜଳଭଣ୍ଡାର, ତାଳଚେରର ଅଗ୍ନିରୂପା ମା’ ହିଙ୍ଗୁଳା, ଆଠମଲ୍ଲିକର ଦେଉଳଝରୀ, ବିନିକେୟୀ, ଅନୁଗୋଳର ଶୈଳଶ୍ରୀକ୍ଷେତ୍ର, ମନ୍ଦରଗିରି ଆଦି ୧୩ଟି ସ୍ବୀକୃତିପ୍ରାପ୍ତ ପର୍ଯ୍ୟଟନସ୍ଥଳୀ ସହ ଅନେକ ଅଣସ୍ବୀକୃତ ଦର୍ଶନୀୟ ସ୍ଥାନ ରହିଛି। ୨୦୧୬ ମସିହାରେ ଅନୁଗୋଳ ଜିଲାକୁ ମୋଟ୍‌ ୮ ଲକ୍ଷ ୩୬ ହଜାର ୮୩୪ ପର୍ଯ୍ୟଟକ ଆସିଥିବାବେଳେ ୨୦୧୭ରେ ୯ ଲକ୍ଷ ୧୦ ହଜାର ୩୯୫ ଜଣ, ୨୦୧୮ରେ ୯ ଲକ୍ଷ ୮୮ ହଜାର ୬୯୯ ଜଣ ଓ ୨୦୧୯ ମସିହାରେ ପ୍ରାୟ ୧୦ ଲକ୍ଷ ପର୍ଯ୍ୟଟକ ଆସିଥିବା ସୂଚନା ମିଳିଛି। ଜିଲାର ପର୍ଯ୍ୟଟନ ଶିଳ୍ପକୁ ଆହୁରି ଆକର୍ଷଣୀୟ କରିବାକୁ ବଭିନ୍ନ ପ୍ରକାର ଭିତ୍ତିଭୂମି ତଥା ଆନୁଷଙ୍ଗିକ ବ୍ୟବସ୍ଥାର ବିକାଶ କରାଯାଉଛି। ଖୁଲୁଡ଼ିରେ ସୁଉଚ୍ଚ ତୋରଣ ନିର୍ମାଣ ସହ ଅନେକ ସ୍ଥାନରେ ପର୍ଯ୍ୟଟକ ସୁବିଧା କେନ୍ଦ୍ର, ଶୌଚାଳୟ ଓ ଦୋକାନ ଘର ଆଦି ନିର୍ମାଣ କରାଯାଇଛି। ମାତ୍ର ଚଳିତବର୍ଷ ଆରମ୍ଭରୁ ମହାମାରୀ କରୋନା ଯୋଗୁ ପର୍ଯ୍ୟଟନ ଶିଳ୍ପ ଆଗକୁ ବଢ଼ିପାରି ନାହିଁ। ଜିଲା ପର୍ଯ୍ୟଟନ ଅଧିକାରୀ ଜଗଦୀଶ ରାୟଙ୍କ କହିବା ମୁତାବକ, ଅନୁଗୋଳ ଜିଲାରେ ପର୍ଯ୍ୟଟନର ଅପୂର୍ବ ସୁଯୋଗ ରହିଛି। ମାତ୍ର ଗମନାଗମନର ବହୁ ଅସୁବିଧା ଥିଲା। ବିକାଶ ଦିଗରେ ବହୁ ପଦକ୍ଷେପ ହାତକୁ ନିଆଯାଇଛି। କରୋନା ସଙ୍କଟ ନ ଟଳିବା ପର୍ଯ୍ୟନ୍ତ କିଛି କରିହେବ ନାହିଁ। ବର୍ତ୍ତମାନ ସରକାରୀ ଅନୁଦାନ ବନ୍ଦ ହୋଇଯାଇଥିବା ପର୍ଯ୍ୟଟନ ଅଧିକାରୀ ରାୟ ପ୍ରକାଶ କରିଛନ୍ତି।

ବିଦ୍ୟୁତ୍‌ ବିଲ୍‌ ଦେଇହେଉନି

କେବଳ ପର୍ଯ୍ୟଟନ ଋତୁ ନୁହେଁ ପ୍ରତିବର୍ଷ ମାର୍ଚ୍ଚରୁ ଜୁଲାଇ ଯାଏ ଅନୁଗୋଳରେ ହୋଟେଲ ବ୍ୟବସାୟ ଭଲ ଚାଲିଥାଏ। ଖରାଦିନିଆ ଛୁଟିରେ ବୁଲାବୁଲି କରିବାକୁ ବହୁ ଲୋକ ଆସିଥାନ୍ତି। ଶିଳ୍ପସଂସ୍ଥା ସହ ଜଡ଼ିତ ଅନେକ ବ୍ୟକ୍ତି ଦେଶ ବିଦେଶରୁ ଆସି ଏଠାକାର ବିଭିନ୍ନ ହୋଟେଲରେ ରହଣି କରିଥାନ୍ତି। ପୁରୀ ରଥଯାତ୍ରା ଦେଖିବାକୁ ବାହାର ରାଜ୍ୟରୁ ଆସୁଥିବା ଲୋକେ ଅନୁଗୋଳର ହୋଟେଲଗୁଡ଼ିକରେ ବିଶ୍ରାମ ନେଇଥାନ୍ତି। କିନ୍ତୁ ଚଳିତବର୍ଷ କରୋନା ପାଇଁ ବ୍ୟବସାୟ ସମ୍ପୂର୍ଣ୍ଣ ବାଧାପ୍ରାପ୍ତ ହୋଇଛି। ଏପରି କି ଗୋଟିଏ କି ଦୁଇଟି ରୁମ୍‌ ବୁକ୍‌ କରିବା ମଧ୍ୟ କଷ୍ଟକର ହୋଇଯାଉଛି। ବ୍ୟବସାୟ ହେଉ ନ ଥିବାରୁ କର୍ମଚାରୀ, ମେଣ୍ଟନାନ୍ସ ଓ ବିଦ୍ୟୁତ୍‌ ବିଲ୍‌ ବାବଦ ଅର୍ଥ ପଇଠ କରିବା କାଠିକର ପାଠ ହୋଇଯାଇଛି।

-ରାଜୀବ ପାଣି, ନିର୍ଦ୍ଦେଶକ, ପ୍ରଶାନ୍ତି ହୋଟେଲ

ଅଲୋଡ଼ା ହୋଇଯାଇଛି ଟ୍ରାଭେଲ ଏଜେନ୍ସି
ଅନୁଗୋଳରେ ଥିବା ହୋଟେଲଗୁଡ଼ିକ ଉପରେ ବହୁ ଟ୍ରାଭେଲ ଏଜେନ୍ସି ନିର୍ଭର କରିଥାନ୍ତି। କିନ୍ତୁ ହୋଟେଲ ଶିଳ୍ପ ମାନ୍ଦାବସ୍ଥା ଦେଇ ଗତି କରୁଥିବାରୁ ଏଜେନ୍ସିରୁ ଭଡ଼ାରେ କେହି ଗାଡ଼ି ନେବାର ପ୍ରଶ୍ନ ଉଠୁନି। ଏପରି କି କଟକ, ଭୁବନେଶ୍ୱର, ପୁରୀ କିମ୍ବା ଅନ୍ୟ ଜିଲାକୁ ମଧ୍ୟ ଗାଡ଼ି ବୁକ୍‌ କରିବାକୁ ଫୋନ ଆସୁନାହିଁ। କେବଳ ମେଡିକାଲ କେସ୍‌କୁ ଛାଡ଼ିଦେଲେ ଟ୍ରାଭେଲ ଏଜେନ୍ସି ଏକପ୍ରକାର ଅଲୋଡ଼ା ହୋଇଯାଇଛି। ତେଣୁ ବ୍ୟାଙ୍କ ଋଣ ଶୁଝିହେଉନି କି ଚାଳକଙ୍କ ଦରମା ଦେଇହେଉନି।
-ରଜନୀକାନ୍ତ ନାଏକ, ଟ୍ରାଭେଲ ଏଜେନ୍ସି ଓନର

 


Enter your email to get our daily news in your inbox.

All Right Reserved By Dharitri.Com

ସ୍କୁଲରେ ନାମଲେଖା ପାଇଁ ନିର୍ଦ୍ଦେଶ

ଭୁବନେଶ୍ୱର, ୫।୬(ବ୍ୟୁରୋ)- ୨୦୨୦-୨୧ ଶିକ୍ଷାବର୍ଷ ପାଇଁ ପ୍ରାଥମିକ ଓ ମାଧ୍ୟମିକ ଶ୍ରେଣୀରେ ନାମଲେଖା ଆରମ୍ଭ କରିବାକୁ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଛି।...

ଡାହୁକା ନଦୀରେ ନାହିଁ ଗାର୍ଡଓ୍ବାଲ୍‌ : ୧୦୦ରୁ ଊର୍ଦ୍ଧ୍ୱ ଘର ଭାସିଯିବା ଆଶଙ୍କା

ନୂଆଗାଁ,୭।୮(ଡି.ଏନ.ଏ.)-ନୟାଗଡ଼ ଜିଲା ନୂଆଗାଁ ବ୍ଲକ ପାରାଢିପି ପଞ୍ଚାୟତସ୍ଥ ଏହି ଗ୍ରାମକୁ ଲାଗି ପ୍ରବାହିତ ହେଉଛି ଡାହୁକା ନଦୀ। ତେବେ ଏହି ନଦୀରେ ଗାର୍ଡଓ୍ବାଲ ନ ଥିବାରୁ...

କୋରିୟର ପେଟିରୁ ବାହାରିଲା ୬ ଫୁଟର ନାଗସାପ

ବାରିପଦା ଅଫିସ,୨୫।୮: ମୟୂରଭଞ୍ଜ ଜିଲା ରାଇରଙ୍ଗପୁର ସହରର ୫ନଂ. ୱାର୍ଡର ମୃତ୍ୟୁକୁମାର ନାମକ ଜଣେ ବ୍ୟକ୍ତିଙ୍କ ନିକଟକୁ ରବିବାର ଆସିଥିବା ଏକ ପେଟିରୁ ନାଗ ସାପ...

ଧାନ ଉଠାଣ ଦାବିରେ ଜିଲାପାଳଙ୍କ ଅଫିସରେ ଗର୍ଜିଲେ ଚାଷୀ

ବରଗଡ଼ ଅଫିସ,୨୫।୬: ରାଜ୍ୟର ଭାତହାଣ୍ଡି କୁହାଯାଉଥିବା ବରଗଡ଼ ଜିଲାରେ ଧାନବିକ୍ରି ସମସ୍ୟା ଏକ ନିତିଦିନିଆ ଘଟଣାରେ ପରିଣତ ହୋଇଛି। ବିଭିନ୍ନ ଅବ୍ୟବସ୍ଥା ଯୋଗୁଁ ଏପର୍ଯ୍ୟନ୍ତ ଜିଲାର...

ଆମ୍‌ ଚାଷ୍‌ ଦେଇଛେ ଜୀବ୍‌କା : ପୋରଛାହନ୍‌ ଅଭାବ, ତଥାପି ସଫଲ

ପଦ୍ମପୁର, ୯।୬ (ଡି.ଏନ.ଏ):  ଫଲ ଭିତରେ ରଜା ହେଉଛେ ଆମ୍‌। ସାରା ବିଶ୍ୱରେ ଅମ୍‌ର ଚାହିଦା କାହିଁରେ କେତେ। ଆଘ ଗଁ।ଗଁଲିମାନକେ ଅନେକ କିସମର ଆମ୍‌...

ଆଜି ଭୁବନେଶ୍ୱରରେ ପୁଣି ୯ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ଆଉ ୧୦

ଭୁବନେଶ୍ୱର,୨୭ା୬(ବ୍ୟୁରୋ) : ଶନିବାର ରାଜଧାନୀ ଭୁବନେଶ୍ୱରରେ ଆଉ ୯ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ  ୮ ଜଣ ସ୍ଥାନୀୟ ଅଞ୍ଚଳରୁ ସଂକ୍ରମିତ ହୋଇଥିବା...

୩ ଜିଲାରେ ବର୍ଷା ସମ୍ଭାବନା

ଭୁବନେଶ୍ୱର,୩।୩(ବ୍ୟୁରୋ): ଓଡ଼ିଶାର ୩ ଜିଲାରେ ମଙ୍ଗଳବାର ଝଡ଼ ତୋଫାନ ଓ ସ୍ବଳ୍ପ ବର୍ଷା ସହ ବଜ୍ରପାତ ହେବାର ସମ୍ଭାବନା ରହିଛି। ବାାଲେଶ୍ୱର, ମୟୂରଭଞ୍ଜ ଓ କେନ୍ଦୁଝର...

ହାତ ପାହାନ୍ତାରେ ସେବା ଦେବ ସଚେତକ ଆପ୍‌

ଭୁବନେଶ୍ୱର, ୫ା୬(ବ୍ୟୁରୋ)-ବର୍ତ୍ତମାନ ସମୟରେ ବୟୋଜ୍ୟଷ୍ଠ ବ୍ୟକ୍ତିଙ୍କ ଧ୍ୟାନ ନେବା ନିହାତି ଆବଶ୍ୟକ। ଲକ୍‌ଡାଉନ୍‌ ସମୟରେ କିପରି ଘରେ ରହି ସମସ୍ତ ସେବା ହାତ ପାହାନ୍ତାରେ ଉପଲବ୍ଧ...

Coronavirus Update


Archives

Model This Week

Why Dharitri