ବିଷାକ୍ତ ହୋଇନି ବାୟୁ

ଅମିତ କୁମାର ସାମଲ
ଅନୁଗୋଳ ଅଫିସ, ୧୪ା୧୧ – ଅନୁଗୋଳ ଜିଲାରେ ବାୟୁ ପ୍ରଦୂଷଣ ସ୍ଥିତି ସୁଧୁରିଛି। ବିଶେଷକରି କରୋନା ପରଠାରୁ ଲଗାଯାଇଥିବା ଲକ୍‌ଡାଉନ୍‌ ଓ ଶଟ୍‌ଡାଉନ ଏଥିରେ ସହାୟ ହୋଇଛି। ଜିଲାର ତାଳଚେର ଓ ନାଲ୍‌କୋ ଅଞ୍ଚଳରେ କେବେ କେମିତି ପ୍ରଦୂଷଣର ମାତ୍ରା ଜଣାପଡ଼ୁଥିଲେ ହେଁ ଏହା ସେତେଟା ବିଷାକ୍ତ ନୁହେଁ। ତେବେ ଯାନବାହନ ଜନିତ ପ୍ରଦୂଷଣ ପୂର୍ବାପେକ୍ଷା ବଢ଼ୁଥିବାରୁ ଏହାକୁ ରୋକାଯିବା ଜରୁରୀ ହୋଇପଡ଼ିଛି। ତାଳଚେର ସହର ପାଇଁ ଏକ ମାଷ୍ଟରପ୍ଲାନ କରାଯାଉଥିବାରୁ ଆଗାମୀ ଦିନରେ ପ୍ରଦୂଷଣ ସ୍ତର ଆହୁରି ତଳକୁ ଆସିବାର ସମ୍ଭାବନା ରହିଛି।
ପୂର୍ବରୁ ଶିଳ୍ପ ସମୃଦ୍ଧ ଅନୁଗୋଳ ଜିଲା ପ୍ରଦୂଷଣ ତାଲିକାର ଆଗୁଆ ସ୍ଥାନରେ ରହୁଥିଲା। କିନ୍ତୁ ଲକ୍‌ଡାଉନ ଓ ଶଟ୍‌ଡାଉନ୍‌ ପାଇଁ ଜିଲାରେ କଳକାରଖାନା ବନ୍ଦ ରହିବାରୁ ପ୍ରଦୂଷଣ ସ୍ତର ଢେର ତଳକୁ ଚାଲି ଆସିଛି। ଅନ୍‌ଲକ୍‌ ଘୋଷଣା ପରେ ଖଣି ଖାଦାନ ପୁନଃ କାର୍ଯ୍ୟକ୍ଷମ ହୋଇଥିଲେ ମଧ୍ୟ ବାୟୁମଣ୍ଡଳରେ ପ୍ରଦୂଷଣ ସ୍ତର ପିଏମ୍‌-୧୦ ଓ ପିଏମ୍‌ ୨.୫ ନିର୍ଦ୍ଧାରିତ ମାତ୍ରାଠାରୁ ନିମ୍ନରେ ରହିଛି। ପିଏମ୍‌-୧୦ର ପରିମାଣ ୧୦୦ରୁ ତଳକୁ ରହୁଥିବା ବେଳେ ପିଏମ୍‌ ୨.୫ ୬୦ରୁ କମ୍‌ ରହୁଥିବା ଦେଖାଯାଉଛି। କେବେ କେମିତି ବାୟୁମଣ୍ଡଳରେ ଏହି ସ୍ତର ସାମାନ୍ୟ ଉପରକୁ ଯାଉଥିଲେ ବି ପରବର୍ତ୍ତୀ ସମୟରେ ତଳକୁ ଚାଲିଆସୁଛି। ତେବେ ଜିଲାରେ ଯାନବାହନ ସଂଖ୍ୟା ବଢ଼ୁଥିବାରୁ ବାୟୁମଣ୍ଡଳରେ ସଲ୍‌ଫର ଡାଇଅକ୍ସସାଇଡ, ନାଇଟ୍ରୋଜେନ୍‌ ଅକ୍ସସାଇଡ ଓ ନାଇଟ୍ରୋଜେନ୍‌ ମନୋଅକ୍ସସାଇଡ୍‌ ପରିମାଣରେ ବୃଦ୍ଧି ପରିଲକ୍ଷିତ ହେଉଛି। ସେଥିପାଇଁ ବିଏସ୍‌-୬ ମାନର ଗାଡ଼ି ଚଳାଚଳ ଉପରେ ସରକାରଙ୍କ ପକ୍ଷରୁ ଗୁରୁତ୍ୱ ଦିଆଯାଉଛି। ସେହିପରି ଜିଲାରେ ଥିବା ବିଭିନ୍ନ ଶିଳ୍ପ ସଂସ୍ଥାକୁ ପ୍ରଦୂଷଣ ନିୟମ ଉଲ୍ଲଂଘନ ପାଇଁ ନୋଟିସ୍‌ କରାଯାଉଛି। ତେବେ ଜିଲାର ତାଳଚେର ସବୁଠୁ ଅଧିକ ପ୍ରଭାବିତ ହେଉଥିବାରୁ ସେଠାରେ ପ୍ରଦୂଷଣ ରୋକିବା ପାଇଁ ଏକ ମାଷ୍ଟରପ୍ଲାନ୍‌ ପ୍ରସ୍ତୁତ କରାଯାଇଛି। ବିଶେଷକରି କୋଲ୍‌ କରିଡର ରାସ୍ତା ୨୦୨୧ ମାର୍ଚ୍ଚ ସୁଦ୍ଧା ଶେଷ କରିବାକୁ ଲକ୍ଷ୍ୟ ରଖାଯାଇଛି। ଏଥିସହ ଉକ୍ତ ରାସ୍ତା ପାର୍ଶ୍ୱରେ ବୃକ୍ଷ ରୋପଣ ଓ ଖଣିରୁ ବାହାରୁଥିବା ଟ୍ରକ୍‌ଗୁଡ଼ିକର ଚକା ଧୋଇବା (ହୁଇଲ ୱାସିଂ ସିଷ୍ଟମ) ନେଇ ଯୋଜନା ରହିଛି। ଫଳରେ ଖଣିରୁ କୋଇଲା ଗୁଣ୍ଡ ଆଉ ଗାଡ଼ି ଚକ ମାଧ୍ୟମରେ ରାସ୍ତାକୁ ଆସିବ ନାହିଁ କି ବାୟୁମଣ୍ଡଳରେ ପ୍ରଦୂଷଣ ମାତ୍ରା ବୃଦ୍ଧି କରିବ ନାହିଁ। ଏହାଛଡ଼ା ରାସ୍ତା ସଫେଇ ନିମନ୍ତେ ଦୁଇଟି ସ୍ବତନ୍ତ୍ର ଗାଡ଼ି ଅଣାଯାଇଛି ବୋଲି ଆଞ୍ଚଳିକ ପ୍ରଦୂଷଣ ନିୟନ୍ତ୍ରଣ ବୋର୍ଡ ପକ୍ଷରୁ ସୂଚନା ପ୍ରଦାନ କରାଯାଇଛି।
ସଚେତନ ହେଲେ ସ୍ଥିତି ସୁଧୁରିବ
ଖଣି ଖାଦାନ ଜନିତ ପ୍ରଦୂଷଣ ହ୍ରାସ ପାଇଥିଲେ ମଧ୍ୟ ଅଧିକ ଯାନବାହନ ଚଳାଚଳ ଯୋଗୁ ସ୍ଥିତି ବିଗିଡ଼ିଯାଉଛି। ଅନେକ ସମୟରେ ଆବଶ୍ୟକତା ନ ଥାଇ ଲୋକେ ଅଯଥାରେ ଗାଡ଼ି ବ୍ୟବହାର କରୁଛନ୍ତି। ତେଣୁ ଟ୍ରାଫିକ ବ୍ୟବସ୍ଥାରେ ସୁଧାର ଅଣାଗଲେ ପ୍ରଦୂଷଣକୁ ଅନେକାଂଶରେ ରୋକାଯାଇପାରିବ।
-ସ୍ବପ୍ନା ଷଡ଼ଙ୍ଗୀ, ପରିବେଶବିତ୍‌, ଅନୁଗୋଳ
ବ୍ୟାପକ ବନୀକରଣ କରାଯାଉ
ଶିଳ୍ପ ପାଇଁ ଜିଲାରୁ ହଜାର ହଜାର ଗଛ କଟାଯାଉଛି। କିନ୍ତୁ ଶିଳ୍ପ ସଂସ୍ଥାଗୁଡ଼ିକ ନିୟମ ଅନୁଯାୟୀ ବନୀକରଣ କରୁନାହାନ୍ତି। ସେଥିପାଇଁ ଜିଲାରେ ବାୟୁ ପ୍ରଦୂଷଣର ମାତ୍ରା ବଢ଼ୁଛି। ଏଥିପ୍ରତି ପ୍ରଶାସନ ଆବଶ୍ୟକ ଦୃଷ୍ଟି ଦେଇ ନିୟମ କଡ଼ାକଡ଼ି କରିବା ସହ ବ୍ୟାପକ ବୃକ୍ଷରୋପଣ ପାଇଁ ପଦକ୍ଷେପ ନେବା ଉଚିତ।
-ଅଶୋକ କୁମାର ଶତପଥୀ, ପରିବେଶବିତ୍‌, ଅନୁଗୋଳ
ଖଣି ଖାଦାନ ପାଇଁ ସମସ୍ୟା
ଅନୁଗୋଳ ଜିଲାରେ ଶତାଧିକ ଶିଳ୍ପ ରହିଛି। ବିଶେଷକରି ତାଳଚେର ଅଞ୍ଚଳରେ ବହୁ କୋଇଲା ଖଣିରୁ ଦୈନିକ ହଜାର ହଜାର ଟନ୍‌ କୋଇଲା ଉତ୍ତୋଳନ କରାଯାଇ ଟ୍ରକ୍‌ ଯୋଗେ ପରିବହନ କରାଯାଉଛି। କିନ୍ତୁ ପ୍ରଦୂଷଣ ରୋକିବାକୁ ଆବଶ୍ୟକ ପାଣି ସିଞ୍ଚନ କି ବୃକ୍ଷ ରୋପଣ ଉପରେ ଗୁରୁତ୍ୱ ଦିଆଯାଉ ନାହିଁ।
-ଭୁପେଶ ପ୍ରଧାନ, ବୁଦ୍ଧିଜୀବୀ, ଅନୁଗୋଳ
୫୦ ପ୍ରତିଶତ ହ୍ରାସ
ଅନୁଗୋଳ ଜିଲାରେ ପ୍ରଦୂଷଣର ମାତ୍ରା ହ୍ରାସ ପାଇଛି। କରୋନା ପାଇଁ ହୋଇଥିବା ଲକ୍‌ଡାଉନ୍‌ ଓ ଶଟ୍‌ଡାଉନ୍‌ ଯୋଗୁ ଏହା ପାଖାପାଖି ୫୦ ପ୍ରତିଶତ ତଳକୁ ଖସି ଆସିଛି। ତେବେ ତାଳଚେର ସହରର ପ୍ରଦୂଷଣ ରୋକିବାକୁ ମାଷ୍ଟର ପ୍ଲାନ କରାଯାଇଛି। ୨୦୨୧ ମେ’ ସୁଦ୍ଧା ଏହି କାର୍ଯ୍ୟ ଶେଷ କରାଯିବାର ଲକ୍ଷ୍ୟ ରଖାଯାଇଛି।
-ଡ.ଅନୁପ କୁମାର ମଲ୍ଳିକ, ଅଧିକାରୀ, ଆଞ୍ଚଳିକ ପ୍ରଦୂଷଣ ନିୟନ୍ତ୍ରଣ ବୋର୍ଡ


Enter your email to get our daily news in your inbox.

All Right Reserved By Dharitri.Com

ଆଗକୁ ନିର୍ବାଚନ: ବଦଳିଲେ ଜିଲା ମହିଳା ମୋର୍ଚ୍ଚା ସଭାନେତ୍ରୀ

ଭଦ୍ରକ,୨୯।୩(ସନାତନ ରାଉତ): ସାଧାରଣ ନିର୍ବାଚନ ପୂର୍ବରୁ ଭଦ୍ରକ ଜିଲା ମହିଳା ମୋର୍ଚ୍ଚା ସଭାନେତ୍ରୀ ପଦରେ ବଦଳ କରାଯାଇଛି। ଭଦ୍ରକ ବ୍ଲକ ଅଧୀନ କୋରକୋରା ପଞ୍ଚାୟତ ନୂଆସାହିର...

ଦ୍ୱିତୀୟ ଥର ଭରସା ରଖିଥିବାରୁ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଲେ ବିଷ୍ଣୁବ୍ରତ

ବାସୁଦେବପୁର,୨୯ା୩(ନାରାୟଣ ପ୍ରସାଦ ବାରିକ୍‌): ଭଦ୍ରକ ଜିଲା ବାସୁଦେବପୁର ବିଜେଡି ଶିବିର ଏବେ ଚଳଚଞ୍ଚଳ ହୋଇପଡ଼ିଛି। ବାସୁଦେବପୁର ବିଧାୟକ ବିଷ୍ଣୁବ୍ରତ ରାଉତରାୟ ପୁନର୍ବାର ଏହି ନିର୍ବାଚନ ମଣ୍ଡଳୀରୁ...

ଆଜି ଗୁଡ୍‌ ଫ୍ରାଇଡେ: ବାଇବେଲ ପାଠକରି ସାମୂହିକ ପ୍ରାର୍ଥନା କଲେ ଶ୍ରଦ୍ଧାଳୁ

ଦାରିଙ୍ଗବାଡି,୨୯।୩ (ଅରୁଣ ସାହୁ ): ଆଜି ଗୁଡ୍‌ ଫ୍ରାଇଡେ। ଏହାକୁ ଶ୍ରଦ୍ଧାଳୁମାନେ ରୀତିନୀତି ଅନୁସାରେ ପାଳନ କରିଛନ୍ତି। ଯିଶୁଖ୍ରୀଷ୍ଟଙ୍କୁ ଆଜିର ଦିନରେ କାଲବରୀ ନାମକ ଏକ...

ବିଜେଡି-ଭାଜପା-କଂଗ୍ରେସକୁ ମୟୂରଭଞ୍ଜରେ ଟକ୍କର ଦେବ ଏହି ଦଳ, ଘୋଷଣା କଲା ପ୍ରାର୍ଥୀ

ମୟୂରଭଞ୍ଜ,୨୯।୩: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଶିବୁ ସୋରେନଙ୍କ ଝିଅ ପୁଣିଥରେ ଚଳିତ ନିର୍ବାଚନରେ ମଇଦାନକୁ ଓହ୍ଲାଇଛନ୍ତି। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା(JMM) ଶିବୁ ସୋରେନଙ୍କ ଝିଅ ଅଞ୍ଜନି...

ପୈତୃକ ଗାଁରୁ ପ୍ରଚାର ମଇଦାନକୁ ଓହ୍ଲାଇଲେ ପ୍ରଦୀପ

ବରଗଡ଼,୨୯।୩(ପ୍ରେମାନନ୍ଦ ଖମାରୀ): ବରଗଡ଼ ଲୋକସଭା ଆସନ ପାଇଁ ଭାଜପା ପ୍ରଦୀପ ପୁରୋହିତଙ୍କୁ ପ୍ରାର୍ଥୀ କରିଛି। ବରଗଡ଼ ଲୋକସଭା କ୍ଷେତ୍ର ଅଧୀନ ବିଜେପୁର ନିର୍ବାଚନ ମଣ୍ଡଳି ପୈତୃକ...

ନବବିବାହିତ ଯୁବକଙ୍କୁ ଗଳାକାଟି ହତ୍ୟା

ଗଜପତି,୨୯।୩(ଗିରିଧାରୀ ପରିଛା): ଗଜପତି ଜିଲା ଗୋସାଣି ବ୍ଲକ ଗୁରାଣ୍ଡି ଥାନା ଅଧୀନ ତୋଟାଗୁମ୍ବୁଡା ଗାଁରେ ଏକ ଅଘଟଣ ଘଟିଛି। ଜଣେ ନବବିବାହିତ ଯୁବକଙ୍କୁ ଗଳାକାଟି ଅତି...

ଗୁଡ୍‌ ଫ୍ରାଇଡେରେ ପ୍ରାର୍ଥନା କରି ନିର୍ବାଚନ ପ୍ରଚାର ଆରମ୍ଭ କଲେ ଦିଲୀପ ତିର୍କୀ

ସୁନ୍ଦରଗଡ,୨୭ା୩(ଜୟ ନାରାୟଣ ମେଣ୍ଡୁଳି): ଚର୍ଚ୍ଚରେ ପ୍ରାର୍ଥନା କରି ପ୍ରଚାର ଆରମ୍ଭ କରିଛନ୍ତି ବିଜେଡି ଲୋକସଭା ପ୍ରାର୍ଥୀ ଦିଲୀପ ତିର୍କୀ। ପ୍ରାର୍ଥୀ ଘୋଷଣା ହେବା ପରେ ଶୁକ୍ରବାର...

ଭାଜପା ଛାଡ଼ିବା କାରଣ କହିଲେ ପ୍ରକାଶ

ଭୁବନେଶ୍ୱର,୨୯।୩: ଭାଜପା ଛାଡ଼ିବା ପରେ ମୁହଁ ଖୋଲିଛନ୍ତି ସାଲେପୁରର ପୂର୍ବତନ ବିଧାୟକ ପ୍ରକାଶ ବେହେରା। ସେ କହିଛନ୍ତି, ଲୋକଙ୍କ ସେବା କରିବା ସହ ସଙ୍ଗଠନକୁ ମଜଭୁତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri