ଦାରିଙ୍ଗବାଡ଼ି,୧୮ା୨(ଅରୁଣ ସାହୁ): ବୟସ ୮୦ ଟପିଲାଣି। ହାତରେ ବଙ୍କୁଲି ବାଡ଼ି ଟିଏ ଧରି ଜିଲାପାଳଙ୍କ ଅଭିଯୋଗ ପ୍ରକୋଷ୍ଠରେ ପହଞ୍ଚିଥିଲେ। ଆଉ ଅଭିଯୋଗ ମଧ୍ୟ କଲେ ମଧ୍ୟ ଅନୁଭବ କଲେ ତାଙ୍କ ଗୁହାରି ସେଠି କେହି କର୍ଣ୍ଣପାତ ମଧ୍ୟ କରୁନାହାନ୍ତି ଆଉ ଅଭିଯୋଗ କରି ବାହାରକୁ ଆସି କାନ୍ଦି କାନ୍ଦି କହିଲେ ମୋ’ ଭୋଟ୍ ପରିଚୟପତ୍ରରେ କୁଆଡ଼େ ୮୦ବର୍ଷ ହୋଇନାହିଁ ବୋଲି କହୁଛନ୍ତି ମୋତେ ତ ସରକାର ଏହି ପରିଚୟ ପତ୍ର ଦେଇଛନ୍ତି। ମୋ ନିକଟରେ ପରିଚୟ ପତ୍ର ରହିଛି ମୁଁ ଯାହାକୁ ଦେଖାଉଛି ସମସ୍ତେ କହୁଛନ୍ତି ମୋର ଏଠି ୮୦ବର୍ଷ ପାର ହୋଇଛି ହେଲେ ମୋତେ କାହିଁକି ବର୍ଦ୍ଧିତ ଭତ୍ତା ପ୍ରଦାନ କରାଯାଉନାହିଁ ବୋଲି କୋହଭରା କଣ୍ଠରେ କହିଛନ୍ତି ଜଣେ ଅସହାୟ ବୃଦ୍ଧା ଏଭଳି ଘଟଣା ଦେଖିବାକୁ ମିଳିଛି କନ୍ଧମାଳ ଜିଲା ଦାରିଙ୍ଗବାଡ଼ି ପଞ୍ଚାୟତ ସାରିଙ୍ଗିଇର୍ପି ଗ୍ରାମର ଦେମେନ୍ତିନା ନାୟକଙ୍କ କ୍ଷେତ୍ରରେ।
ପ୍ରକାଶ ଯେ, ଗତ ୧୯୯୪ରେ ଦେମେନ୍ତିନାଙ୍କୁ ମିଳିଥିବା ଭୋଟ୍ ପରିଚୟପତ୍ରରେ ସେହି ସମୟରେ ତାଙ୍କୁ ଅର୍ଥାତ ୧ ଜାନୁଆରୀ ୧୯୯୪ ସୁଦ୍ଧା ବୟସ ୪୯ ବର୍ଷ ହୋଇଥିଲା। ଉକ୍ତ ପରିଚୟପତ୍ର ନଂ (ଓଆର /୧୫ /୧୦୩/୩୪୬୪୬୦)ରେ ଏହି ତଥ୍ୟ ରହିଥିବା ବେଳେ ଏବେ ସେହି ପରିଚୟ ପତ୍ର ଅନୁସାରେ ତାଙ୍କ ବୟସ ବୃଦ୍ଧି ପାଇ ୮୧ରେ ପହଞ୍ଚିଥିବା ଦେମେନ୍ତିନା କହିଛନ୍ତି। କିନ୍ତୁ ତାଙ୍କୁ ୬୯ ବର୍ଷ କୁହାଯାଉଥିବାରୁ ସେ ଆଶ୍ଚର୍ଯ୍ୟ ହୋଇପଡ଼ିଛନ୍ତି ବୟସ ବଢ଼ୁଥିବା ବେଳେ କୁଆଡେ ଏବେ ତାଙ୍କର ଆଉ ଗୋଟିଏ ପରିଚୟପତ୍ର ଅନ୍ଲାଇନରେ ଶୋ’କରୁଛି ପରିଚୟ ପତ୍ର ନଂ (ଆରଇଡି ୧୨୦୫୫୮୨) ଓ ବୟସ ୬୯ ଫଳରେ ସେ ବର୍ଦ୍ଧିତ ଭତ୍ତା ପାଉନଥିବା ଏବେ ତାଙ୍କ ପାଇଁ ଚିନ୍ତାର କାରଣ ହୋଇଛି। ଏନେଇ ଦାରିଙ୍ଗବାଡ଼ିି ବ୍ଲକ ସାମାଜିକ ସୁରକ୍ଷା ଅଧିକାରୀ ଖେତୀଶ ପ୍ରିୟଦର୍ଶି ସାହୁ କହିଛନ୍ତି ପୁରୁଣା ପରିଚୟପତ୍ର ଅନଲାଇନ୍ରେ ରଦ୍ଦ ହୋଇଥିବା ଯୋଗୁ ଶୋ’ କରୁନି ତେଣୁ ନୂତନ ପରିଚୟପତ୍ର ଅନୁସାରେ ତାଙ୍କ ବୟସ ଅନୁସାରେ ସେ ବର୍ଦ୍ଧିତ ଭତ୍ତା ପାଇପାରିବେ ନାହିଁ ବୋଲି କହିଛନ୍ତି ଏନେଇ ବ୍ଲକ ପଞ୍ଚାୟତ ଉନ୍ନୟନ ଅଧିକାରୀ ସୁରେଶ ପଣ୍ଡା ତାଙ୍କ ପ୍ରତିକ୍ରିୟାରେ କହିଛନ୍ତି ଯେ, ବୃଦ୍ଧାଙ୍କ ଯଦି ସ୍କୁଲ ସାର୍ଟିଫିକେଟ ରହିଥିବ ସେହି ଅନୁସାରେ ଏହାକୁ ସଂଶୋଧନ କରିହେବ ବୋଲି କହିଛନ୍ତି।
ସୂଚନାଯୋଗ୍ୟ, ଦେମେନ୍ତିନା ପ୍ରତିକ୍ରିୟାରେ କହିଛନ୍ତି ତାଙ୍କର କେହି ନାହାନ୍ତି ସେ ଏକୁଟିଆ ସେ ଖାଇବା ସହ ଔଷଧ, ପୋଷାକ ଓ ଅନ୍ୟାନ୍ୟ ଚଳଣି ପାଇଁ ଅର୍ଥ ବାଧକ ସାଜିଛି ତେଣୁ ସରକାର ଏହାର ତଦନ୍ତ କରି ତାଙ୍କୁ ବର୍ଦ୍ଧିତ ଭତ୍ତା ଯୋଗାଇ ଦେବାକୁ ସେ ଦାବି କରିଛନ୍ତି।
