ମୁମ୍ବାଇ: ବଲିଉଡ୍ର ଜଣେ ଅଭିନେତ୍ରୀ ଯିଏ କି ତାଙ୍କ କ୍ୟାରିୟରରେ ଅନେକ ହିଟ୍ ଫିଲ୍ମ ଦେଇଛନ୍ତି। କିନ୍ତୁ ସେ ନିଜ କ୍ୟାରିୟରରେ କେବେ ବୋଲ୍ଡ ସିନ୍ କରିନାହାନ୍ତି। ସେ ଆଉ କେହି ନୁହନ୍ତି, ସେ ହେଉଛନ୍ତି ଚୁଲ୍ବୁଲି କାଜଲ। ଦୀର୍ଘବର୍ଷ ପରେ ସେ ଏକ ବଡ଼ ରହସ୍ୟ ପ୍ରକାଶ କରିଛନ୍ତି।
କାଜଲ ଯେଉଁଠିକି ଯାଆନ୍ତି ସେଠି ଏକ ନିଆରା ପରିବେଶ ସୃଷ୍ଟି କରନ୍ତି। କୌଣସି ସାକ୍ଷାତକାର ହେଉ କି ଇଭେଣ୍ଟ। ସବୁଠି କାଜଲଙ୍କ ଉପରେ ଥାଏ ସମସ୍ତଙ୍କ ନଜର। ଦୀର୍ଘବର୍ଷ ପରେ କାଜଲ କହିଛନ୍ତି, ସେ ପରଦାରେ ଏକ ନିର୍ଦ୍ଦିଷ୍ଟ ପ୍ରକାରର ଦୃଶ୍ୟ କରିବା ଠାରୁ ଦୂରେଇ ରୁହନ୍ତି।
୧୯୯୨ରେ ଫିଲ୍ମ ‘ବେଖୁଦି’ ସହିତ ନିଜର କ୍ୟାରିୟର ଆରମ୍ଭ କରିଥିବା କାଜଲ ଏପର୍ଯ୍ୟନ୍ତ ତାଙ୍କ କ୍ୟାରିୟରରେ ୫୧ରୁ ଅଧିକ ଫିଲ୍ମରେ ଅଭିନୟ କରିଛନ୍ତି। ଯାହା ତାଙ୍କୁ ଜଣେ ଦକ୍ଷ ଅଭିନେତ୍ରୀ ବୋଲି ପ୍ରମାଣିତ କରିଛି। କ୍ୟାରିୟରର ଆରମ୍ଭରେ ସେ ନିଜର ସରଳ ଚେହେରା ସହିତ ଲୋକଙ୍କ ହୃଦୟ ଜିତିଥିଲେ।
୯୦ ଦଶକରେ ବି’ ଟାଉନ୍ରେ ସେ ହଇଚଇ ସୃଷ୍ଟି କରୁଥିଲେ। ତାଙ୍କର ସମାନ ଷ୍ଟାରଡମ ଆଜି ବି ଜାରି ରହିଛି। ସେ କୁହନ୍ତି, ତାଙ୍କୁ ଲୋକଙ୍କୁ ହସାଇବାକୁ ଭଲ ଲାଗେ। ତେଣୁ ସେ ଲଜ୍ଜାଜନକ ଚରିତ୍ରରେ ଅଭିନୟ କରିବାକୁ ପସନ୍ଦ କରନ୍ତି ନାହିଁ। ଶୁଟିଂ ସମୟରେ ସେ କାଷ୍ଟ ସହିତ କେତେ ମଜା କରନ୍ତି ସେ ବିଷୟରେ ଅନେକ କଥା କହିଛନ୍ତି।
ସେ କୁହନ୍ତି,ବୋଲ୍ଡ ସିନ୍ଠାରୁ ସେ ଦୂରେଇ ରୁହନ୍ତି। ତାଙ୍କକେବଳ ଏତିକି ନୁହେଁ, କାଜଲ ତାଙ୍କର ଅନେକ ସାକ୍ଷାତକାରରେ ମଧ୍ୟ ପ୍ରକାଶ କରିଛନ୍ତି ଯେ, ସେ ନିଜକୁ ବୋଲ୍ଡ ସିନ୍ରେ ନିଜକୁ କମ୍ଫର୍ଟ ମନେ କରନ୍ତି ନାହିଁ। ଏହି କାରଣରୁ ସେ ଅନେକ ବ୍ଲକବଷ୍ଟର ଫିଲ୍ମକୁ ପ୍ରତ୍ୟାଖ୍ୟାନ କରିଛନ୍ତି। ଏଥିମଧ୍ୟରୁ ଗଦର ହେଉଛି ଗୋଟିଏ।
