ଛୋଟ ପରଦାରେ ‘ଆନନ୍ଦୀ’ ଭୂମିକାରେ ଅଭିନୟ କରି ଘରେ ଘରେ ପରିଚିତ ହାସଲ କରିଥିବା ଅଭିକା ଗୌରଙ୍କ ଆଜି ଜନ୍ମଦିନ। ଜୁନ ୩୦, ୧୯୯୭ରେ ଜନ୍ମ ହୋଇଥିବା ଅଭିକା ଚଳିତ ବର୍ଷ ତାଙ୍କର ୨୪ ତମ ଜନ୍ମଦିନ ପାଳନ କରୁଛନ୍ତି। ଗୁଜୁରାଟୀ ପରିବାରରେ ଜନ୍ମ ହୋଇଥିବା ଅଭିକାଙ୍କ ପିତା ସମୀର ଜଣେ ବୀମା ଏଜେଣ୍ଟ। ଏଥି ସହିତ ତାଙ୍କ ମା’ ଚେତନା ଜଣେ ଗୃହିଣୀ ଅଟନ୍ତି। ଅଭିକା ‘ବାଲିକା ବଧୂ’ରେ ଛୋଟ ଆନନ୍ଦୀ ଭୂମିକାରେ ଅଭିନୟ କରିଥିଲେ ଏବଂ ଏହି ଚରିତ୍ର ତାଙ୍କୁ ପ୍ରତ୍ୟେକ ଘରେ ବହୁତ ପ୍ରସିଦ୍ଧ ଆଣି ଦେଇଥିଲା। ବାଲ୍ୟ ବିବାହ ଉପରେ ଆଧାରିତ ଏହି ଶୋ’ରେ ସେ ଜଣେ ବିବାହିତ ଝିଅର ଚରିତ୍ରରେ ଅଭିନୟ କରିଥିଲେ।
ଅଭିକା ବହୁତ କମ ବୟସରୁ ପରଦା ଉପରେ ରାଜ୍ କରିବା ଆରମ୍ଭ କରିଥିଲେ। କିନ୍ତୁ ବଡ ହୋଇ ଅଭିକାଙ୍କୁ ପ୍ରତ୍ୟେକ ଅଭିନେତ୍ରୀ ପରି ସଂଘର୍ଷ ମଧ୍ୟ ଦେଇ ଗତି କରିବାକୁ ପଡିଲା। ଏବେ ଅଭିକା ତାଙ୍କ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ତାଙ୍କ ସଂଘର୍ଷ ବିଷୟରେ କହିଛନ୍ତି। ଜଣେ ଅଭିନେତ୍ରୀ ଭାବେ ତାଙ୍କୁ ସବୁବେଳେ ଫିଟ ହେବାକୁ ପଡୁଥିଲା। କିନ୍ତୁ ତାଙ୍କୁ ବାସ୍ତବ ଜୀବନରେ ଓଜନ ବୃଦ୍ଧି ସମସ୍ୟାର ସାମ୍ନା କରିବାକୁ ପଡିଲା । ତେବେ, ଏହି ସମସ୍ୟାକୁ ଅଭିକା ଶୀଘ୍ର ଦୂର କରିଥିଲେ। କିନ୍ତୁ ଏହି ସମୟ ମଧ୍ୟରେ ତାଙ୍କୁ ବହୁତ ସଂଘର୍ଷ କରିବାକୁ ପଡ଼ିଲା ।ଯାହା ବିଷୟରେ ସେ ନିକଟରେ ଏକ ସୋସିଆଲ ମିଡିଆ ପୋଷ୍ଟ ମାଧ୍ୟମରେ କହିଛନ୍ତି। ଅଭିକା ଇନଷ୍ଟାଗ୍ରାମରେ କିଛି ଫଟୋ ଶେୟାର କରିଥିଲେ। ଏହି ଫଟୋଗୁଡ଼ିକ ସହିତ ସେ କ୍ୟାପସନରେ ଲେଖିଥିଲେ, ମୋର ମନେ ଅଛି, ଗତ ବର୍ଷ ଗୋଟିଏ ରାତିରେ ମୁଁ ନିଜକୁ ଦର୍ପଣରେ ଦେଖି କାନ୍ଦିଲି। ମୁଁ ଯାହା ଦେଖିଲି ତାହା ମୋତେ ଭଲ ଲାଗିଲା ନାହିଁ । ବଡ ହାତ ଏବଂ ଗୋଡ ଏବଂ ବଡ ପେଟ। ଏହି କାରଣରୁ ମୋତେ ବହୁତ କିଛି ଛାଡିବାକୁ ପଡିଥିଲା।
ଅଭିକା ବାଳିକା ବଧୂ ପରେ ସିରିଏଲ ‘ସସୁରାଲ ସିମର କା’ରେ ରୋଲି ଭୂମିକାରେ ନଜର ଆସିଥିଲେ। ଏଥିରେ ମଧ୍ୟ ଦର୍ଶକ ତାଙ୍କୁ ବହୁତ ପସନ୍ଦ କରିଥିଲେ । ଏହା ବ୍ୟତୀତ ଅଭିକା ‘ଝଲକ ଦିଖଲା ଜା’ ଏବଂ ‘ଖତ୍ରୋଂକେ କେ ଖିଲାଡି’ ଭଳି ରିଆଲିଟି ଶୋ’ରେ ମଧ୍ୟ ଅଭିନୟ କରିଛନ୍ତି।