ଫୁଟ୍ବଲ ମ୍ୟାଚ୍ ପାଇଁ ଅତୀତରେ ଦୁଇ ଦେଶ ମଧ୍ୟରେ ଯୁଦ୍ଧ ହୋଇଥିବା ଘଟଣା ପ୍ରାୟ କାହାକୁ ଜଣା ନ ଥିବ। ୧୯୭୦ ଫିଫା ବିଶ୍ୱକପ୍ ପାଇଁ ୧୯୬୯ରେ ଏଲ ସାଲଭାଡର ଓ ହୁଣ୍ଡରସ ମଧ୍ୟରେ ଖେଳାଯାଇଥିଲା ୩ଟି ଯୋଗ୍ୟତା ପର୍ଯ୍ୟାୟ ମ୍ୟାଚ୍। ନିୟମ ଅନୁସାରେ ଦୁଇ ଦେଶ ମଧ୍ୟରେ ଦୁଇଟି ମ୍ୟାଚ୍ ଖେଳିଯିବା କଥା। କିନ୍ତୁ ଷ୍ଟାଡିୟମରେ ହିଂସା କାରଣରୁ ଫଳାଫଳ ପାଇଁ ତୃତୀୟ ମ୍ୟାଚ୍ ଖେଳାଯାଇଥିଲା ୧୯୬୯ ଜୁଲାଇ ୧୪ ତାରିଖରେ। ମ୍ୟାଚ୍କୁ ୩-୨ ବ୍ୟବଧାନରେ ଜିତି ନେଇଥିଲା ଏଲ. ସାଲଭାଡର। ଏହି ଠୁ ଦୁଇ ପଡ଼ୋଶୀ ଦେଶ ମଧ୍ୟରେ ଆରମ୍ଭ ହୋଇଥିଲା ଯୁଦ୍ଧ। ଏଲ ସାଲଭାଡରଠାରୁ ଆକାରରେ ହୋଣ୍ଡରସ ୫ ଗୁଣା ବଡ଼ ଦେଶ। ହେଲେ ୧୯୬୯ ସୁଦ୍ଧା ଏଲ ସାଲଭାଡର ଦେଶର ଲୋକ ସଂଖ୍ୟା ଢ଼େର ଅଧିକ ଥାଏ। ଆଉ ଏଲ ସାଲଭାଡର ଦେଶର ଲୋକ ସଂଖ୍ୟାଠାରୁ ଅଧିକ ନାଗରିକ ହୋଣ୍ଡରସରେ ରହୁଥିଲେ।
ଆମେରିକାର ରାଜ୍ୟ ସଂଘ (ଓଏଏସ୍)ର ହସ୍ତକ୍ଷେପ ପରେ ଜୁଲାଇ ୧୮ ତାରିଖ ଯୁଦ୍ଧରେ ବିରତି ଲାଗିଥିଲା। ଏଣୁ ଇତିହାସରେ ଏହି ଘଟଣାକୁ ଫୁଟ୍ବଲ ଯୁଦ୍ଧ ବା ୧୦୦ ଘଣ୍ଟିଆ ଯୁଦ୍ଧ ବୋଲି ଉଲ୍ଲେଖ କରାଯାଇଛି। ହୋଣ୍ଡରସର ୨୫୦ ସୈନ୍ୟ ଓ ଦୁଇ ହଜାରରୁ ଅଧିକ ନାଗରିକ ପ୍ରାଣ ହରାଇଥିବା ବେଳେ ଏଲ ସାଲଭାଡରର ୯୦୦ ନାଗରିକଙ୍କ ଜୀବନ ନେଇଥିଲା ଏହି ଯୁଦ୍ଧ।
