ଶ୍ରୀନଗର,୧୭।୯ : ଗତ ୧୦ ଦିନ ମଧ୍ୟରେ ଜମ୍ମୁ-କଶ୍ମୀରରେ ପାଞ୍ଚଟି ଆତଙ୍କବାଦ ଏବଂ ଅନୁପ୍ରବେଶ ଘଟଣା ସୁରକ୍ଷା ଏଜେନ୍ସିଗୁଡ଼ିକୁ ଅସୁବିଧାରେ ପକାଇଛି। ଏହା ସହିତ ସୁରକ୍ଷା ଏଜେନ୍ସିମାନଙ୍କୁ ଶୀତକାଳୀନ ଆତଙ୍କବାଦ ବିରୋଧୀ ରଣନୀତି ଉପରେ ପୁନର୍ବିଚାର କରିବାକୁ ପଡିଛି। ଏହିପରି ଦୁଇଟି ଘଟଣା ରେସି ଜିଲାର ଚାସାନା ଅଞ୍ଚଳର ପିର ପଞ୍ଜଲ ଏବଂ ରାଜୌରୀ ଜିଲାର ନରଲା ଅଞ୍ଚଳରେ ଘଟିଛି। ଉରି ଏବଂ ବାରାମୁଳା ମଧ୍ୟରେ ଥିବା ପାର୍ବତ୍ୟ ସୀମାରେ ଉତ୍ତରରେ, ଉରି ସେକ୍ଟରରେ ନିୟନ୍ତ୍ରଣ ରେଖା ଏବଂ ଅନନ୍ତନାଗ ନିକଟ ହାଥଲାଙ୍ଗା ଠାରେ ଘଟିଛି।
ଅଧିକାରୀମାନେ କହିଛନ୍ତି ଆତଙ୍କବାଦୀ କାର୍ଯ୍ୟକଳାପର ଏହି ବୃଦ୍ଧି ଶୀତ ଆରମ୍ଭ ପୂର୍ବରୁ ଜମ୍ମୁ-କଶ୍ମୀରରେ ଉତ୍ତେଜନା ସୃଷ୍ଟି ପାଇଁ ପାକିସ୍ତାନର ଉଦ୍ୟମକୁ ଦର୍ଶାଉଛି। ଯେତେବେଳେ ପ୍ରବଳ ତୁଷାରପାତ ଯୋଗୁ ଉଚ୍ଚ ଉତ୍ତର ଅଞ୍ଚଳରେ ଅନୁପ୍ରବେଶ କଷ୍ଟକର ହୋଇଯାଏ। ଜଣେ ଅଧିକାରୀ କହିଛନ୍ତି, ’ପ୍ରତ୍ୟେକ ଋତୁରେ ପିର ପଞ୍ଜଲ୍ର ଦକ୍ଷିଣ ଅଞ୍ଚଳରେ ଥିବା ଏଲଓସି ପାର୍ଶ୍ୱରେ ଥିବା ଲଞ୍ଚପ୍ୟାଡରୁ ଆତଙ୍କବାଦୀଙ୍କ ଅନୁପ୍ରବେଶ ସମ୍ଭବ ହୋଇଥାଏ।
କିନ୍ତୁ ଶାମଶବରୀ ରେଞ୍ଜରେ ତୁଷାରପାତ ଏବଂ ପାହାଡ଼ିଆ ଅଞ୍ଚଳ ତଥା ଲୋଲାବର ଉତ୍ତରରେ ପିର ପଞ୍ଜଲ ରେଞ୍ଜ ଉପତ୍ୟକାକୁ ପ୍ରବେଶ କରିବା କଷ୍ଟକର ହୋଇପଡିଛି। ଅଧିକାରୀ କହିଛନ୍ତି ଶୀତର ମାସ ପୂର୍ବରୁ ନିୟନ୍ତ୍ରଣ ରେଖା ଦେଇ ପ୍ରବେଶ କରିବା କଷ୍ଟକର । ଅଧିକ ସଂଖ୍ୟକ ତାଲିମପ୍ରାପ୍ତ ଆତଙ୍କବାଦୀଙ୍କୁ ଭାରତ ପଠାଇବାକୁ ଚେଷ୍ଟା କରାଯାଉଛି, ସ୍ଥାନୀୟ ନିଯୁକ୍ତି ସଂଖ୍ୟା ହ୍ରାସ ହେତୁ ଏହା ମଧ୍ୟ ଘଟୁଛି।
ଅଧିକାରୀଙ୍କ କହିବାନୁସାରେ, ଅଣ ପାରମ୍ପରିକ ମାର୍ଗ ବ୍ୟବହାର କରି ଅସ୍ତ୍ରଶସ୍ତ୍ର ବିନା ଅନୁପ୍ରବେଶ ମଧ୍ୟ ବୃଦ୍ଧି ପାଉଛି। କଣ୍ଟ୍ରୋଲ ଲାଇନ ନିକଟରେ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ମଧ୍ୟ ଛାଡି ଦିଆଯାଇଛି, ଯାହା ଦ୍ୱାରା ଭାରତୀୟ ସୀମା ଭିତରେ ଆତଙ୍କବାଦୀ ସହଯୋଗୀମାନେ ଏହାକୁ ଉଠାଇ ନେଇ ପାରିବେ।
