ହାଇଦ୍ରାବାଦ,୧୯ ।୧୧: ତେଲେଙ୍ଗାନାରେ ବିଧାୟକଙ୍କ ଘୋଡା ବେପାର ମାମଲା ବେଳକୁ ବେଳ ବଢିବାରେ ଲାଗିଛି । ଏହି ଘଟଣାର ଯାଞ୍ଚ ପାଇଁ ଡିଜିପି ତେଲେଙ୍ଗାନା ଏସଆଇଟିର ଗଠନ କରିଥିଲେ । ଏସଆଇଟି ଏବେ ଏହି ପ୍ରସଙ୍ଗରେ ଭାରତୀୟ ଜନତା ପାର୍ଟି(ଭାଜପା)ର ଜାତୀୟ ସାଧାରଣ ସମ୍ପାଦକ(ସଙ୍ଗଠନ) ବିଏଲ ସନ୍ତୋଷଙ୍କୁ ସମନ ଜାରି କରିଛି । ଏସଆଇଟି ବିଏଲ ସନ୍ତୋଷଙ୍କୁ ୪୧ ସିଆରପିସିର ନୋଟିସ ପଠାଇଛି । ତାଙ୍କୁ ଚଳିତ ମାସ ୨୧ ତାରିରେ ହାଇଦ୍ରାବାଦ ସ୍ଥିତ କାର୍ଯ୍ୟାଳୟରେ ସକାଳ ୧୦ଟା ୩୦ରେ ହାଜର ହେବାକୁ କୁହାଯାଇଛି ।
ନୋଟିସରେ କୁହାଯାଇଛି କି ଯଦିି ସେ ଉପସ୍ଥିତ ନ ହୁଅନ୍ତି ତେବେ ତାଙ୍କୁ ଗିରଫ କରାଯାଇପାରେ । ଗତ ମାସରେ ସାଇବରାବାଦ ପୋଲିସ ତେଲେଙ୍ଗାନା ବିଧାୟକଙ୍କ ଘୋଡା ବେପାର ମାମଲାରେ କଥିତ ଭାବେ ପଚରା ଉଚରା ପାଇଁ ୩ ଜଣଙ୍କୁ ଗିରଫ କରିଥିଲା । ପୋଲିସ ଅଭିଯୁକ୍ତଙ୍କୁ କୋର୍ଟରେ ହାଜର କରିବା ସମୟରେ କହିଥିଲା, ଅଭିଯୁକ୍ତଙ୍କ ପକ୍ଷରୁ ବିଧାୟକଙ୍କୁ ରାଜ୍ୟ ସରକାରଙ୍କୁ ଅସ୍ଥିର କରିବାକୁ ଲାଞ୍ଚ ଦିଆଯାଇଥିଲା ।
