କଣ୍ଟାପଡ଼ା,୧୨ା୩(ସୁର ନାରାୟଣ ସାହୁ): ଆୟ ବହିଃର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଜାଲରେ ଛନ୍ଦି ହୋଇଥିବା କଣ୍ଟାପଡ଼ା ତହସିଲଦାର ପ୍ରସନ୍ନ ସାମନ୍ତରାୟଙ୍କୁ ଭିଜିଲାନ୍ସ ବିଭାଗ ଗୁରୁବାର ଗିରଫ କରିଛି। ଖବରରୁ ପ୍ରକାଶ, ବୁଧବାର ଭିଜିଲାନ୍ସ ବିଭାଗର ଏକ ସ୍ବତନ୍ତ୍ର ଟିମ୍ ତହସିଲଦାର ସାମନ୍ତରାୟଙ୍କ ଆୟ ବହିଃର୍ଭୂତ ସମ୍ପତ୍ତି ଠୁଳ ଅଭିଯୋଗକୁ ନେଇ ପୁରୀ ଜିଲା ଗଡ଼ିଶାଗଦା ଥାନା ଅଞ୍ଚଳରେ ଥିବା ନିଜ ପୈତୃକ ଘର ସମେତ କଟକ ଜିଲା କଣ୍ଟାପଡ଼ା ତହସିଲ କାର୍ଯ୍ୟାଳୟ, ସରକାରୀ ବାସଭବନ, ଭୁବନେଶ୍ୱରସ୍ଥିତ ନିଜସ୍ବ ୩ ମହଲା ବିଶିଷ୍ଟ ୨ଟି କୋଠା, ସମ୍ପର୍କୀୟଙ୍କ ଘର କେନ୍ଦ୍ରାପଡ଼ା ଆଦି ୭ଟି ସେ ସ୍ଥାନରେ ଚଢ଼ାଉ କରି ନଗଦ ୨୧୫୦୦୦ ଟଙ୍କା ଓ ୭ଟି ବହୁ ମୂଲ୍ୟବାନ ପ୍ଲଟର କାଗଜ ପତ୍ର ଜବତ କରିଥିଲା।
