ଭଞ୍ଜନଗର,୨୯ା୯(ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ବ୍ଲକ ତୁରୁମୁ ସ୍ବାମୀ ଚିଦାନନ୍ଦ ଉଚ୍ଚ ବିଦ୍ୟାଳୟ ୨୦୦୭ ମାଟ୍ରିକ୍ ବ୍ୟାଚ୍ ଛାତ୍ରୀଛାତ୍ରଙ୍କ ବନ୍ଧୁମିଳନ ଉତ୍ସବ ରବିବାର ସୋରିଷମୁଳି ଡାକବଙ୍ଗଳା ପରିସରରେ ଅନୁଷ୍ଠିତ ହୋଇଯାଇଛି। ୧୮ ବର୍ଷ ପରେ ଛାତ୍ରୀଛାତ୍ର ନିଜର ପ୍ରିୟ ଗୁରୁଙ୍କୁ ଭେଟି ଖୁସି ଅନୁଭବ କରିବା ସହ ବିଗତ ଦିନର ଅନୁଭୂତି ବଖାଣିଥିଲେ। ଆୟୋଜିତ ସଭାରେ ବିଦ୍ୟାଳୟ ପ୍ରତିଷ୍ଠାତା ପ୍ରଧାନଶିକ୍ଷକ ଡ. ପ୍ରଦୀପ କୁମାର ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗଦେଇ ଗୁରୁ ଶିଷ୍ୟ ସମ୍ପର୍କ ଉପରେ କହିଥିଲେ। ଅବସରପ୍ରାପ୍ତ ଶିକ୍ଷକ ଗୟାଚାନ୍ଦ ଗୌଡ଼, ପ୍ରଭାକର ମଲ୍ଲିକ, ଅବସରପ୍ରାପ୍ତ ପିଇଟି ପୁରୁଷୋତ୍ତମ ଦଳବେହେରା, ବର୍ତ୍ତମାନର ପ୍ରଧାନଶିକ୍ଷକ କାହ୍ନୁଚରଣ ରଥ, ଶିକ୍ଷକ ଚକ୍ରଧର ସାହୁ, ପଦ୍ମନାଭ ପାଣିଗ୍ରାହୀ, କିରାଣି ଶ୍ରୀକାନ୍ତ ମିଶ୍ର, ପ୍ରକାଶ ଚନ୍ଦ୍ର ପ୍ରଧାନ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଛାତ୍ରୀଛାତ୍ରଙ୍କ ଏହିଭଳି ଆୟୋଜନକୁ ପ୍ରଶଂସା କରିଥିଲେ।
