କାହାର ସ୍ବପ୍ନ ପୂରଣ କରିବା ପାଇଁ ନିଜ ସ୍ବପ୍ନ ତିଆରି କରିବା କୌଣସି ସାଧାରଣ କଥା ନୁହେଁ। କିନ୍ତୁ ଯେତେବେଳେ ଜଣେ ଶିକ୍ଷକ ତାଙ୍କ ଛାତ୍ରୀଙ୍କ ପାଇଁ ଏମିତି କିଛି କରନ୍ତି ତେବେ ଏହା ନିଶ୍ଚିତ ଭାବେ ସ୍ବତନ୍ତ୍ର ଏବଂ ପ୍ରଶଂସାଯୋଗ୍ୟ।
ଗ୍ରୀସର ଆଥଲେଟ୍ ମାରିଓସ ଜିଆନାକୋ ଜଣେ ଦିବ୍ୟାଙ୍ଗ ଛାତ୍ରୀଙ୍କ ସ୍ବପ୍ନକୁ ସାକାର କରିବା ପାଇଁ ଏକ ଅବିଶ୍ୱସନୀୟ କାର୍ଯ୍ୟ କରିଛନ୍ତି। ରନର୍ ଏଲିଫାଥେରିଆ ଟୋସିଓ ନାମକ ଛାତ୍ରୀଙ୍କୁ ତାଙ୍କ ପିଠିରେ ବସାଇ ତାଙ୍କୁ ମାଉଣ୍ଟ ଅଲିମ୍ପସ୍ ଶିଖରକୁ ନେଇଛନ୍ତି। ଯେଉଁଠାକୁ ଯିବାକୁ ଛାତ୍ରୀ ଜଣକ ସ୍ବପ୍ନ ଦେଖିଥିଲେ। ଯଦିଓ ମାରିଓସ ମାଉଣ୍ଟ ଅଲିମ୍ପ୍ସ ଜିତିଥିଲେ ମଧ୍ୟ ୫୧ ତମ ଥର ଶୀର୍ଷରେ ପହଞ୍ଚିବାରେ ତାଙ୍କର ଦ୍ୱିଧା ନ ଥିଲା। କାରଣ ତାଙ୍କ ଛାତ୍ରୀ ସଠାରେ ପହଞ୍ଚିବା ପାଇଁ ସ୍ବପ୍ନ ଦେଖିଥିଲେ। ଏହାକୁ ଛାତ୍ରୀଛାତ୍ରଙ୍କ ପ୍ରତି ତାଙ୍କର ଉତ୍ସର୍ଗୀକୃତ ବୋଲି କୁହାଯାଉଛି।
ସେପ୍ଟେମ୍ବରରେ, ମାରିଓସ ୨୨ ବର୍ଷ ବୟସ୍କ ଜୀବବିଜ୍ଞାନ ଛାତ୍ରୀ ଏଲିଫାଥେରିଆଙ୍କୁ ଭେଟିଥିଲେ। ସାକ୍ଷାତ ସମୟରେ ସେ ତାଙ୍କୁ କହିଥିଲେ ଯେ, ସେ ସର୍ବଦା ମାଉଣ୍ଟ ଅଲିମ୍ପସ ଉପରକୁ ଯିବାକୁ ଚାହାନ୍ତି। ମାରିଓସ ସେହିଦିନଠାରୁ ଛାତ୍ରୀଙ୍କୁ ପର୍ବତ ଶିଖରରେ ପହଞ୍ଚାଇବା ସ୍ବପ୍ନକୁ ପୂରଣ କରିବା ପାଇଁ ସ୍ଥିର କରିଥିଲେ।
ମାରିଓସ ତାଙ୍କ ଇନ୍ଷ୍ଟାଗ୍ରାମରେ ପର୍ବତ ଉପରକୁ ଯିବା ଯୋଜନା ସମ୍ପର୍କରେ ପ୍ରଶଂସକମାନଙ୍କୁ ଜଣାଇଥିଲେ। ସେ ସୂଚନା ଦେଇଥିଲେ ଯେ, ଇଲେଫାଥେରିଆ ପ୍ରଥମ ମହିଳା ହେବେ ଯିଏକି ଦିବ୍ୟାଙ୍ଗ ହୋଇବି ସକ୍ଷମ। ଅଲିମ୍ପସର ସର୍ବୋଚ୍ଚ ସ୍ଥାନରେ ପହଞ୍ଚିବେ।
ପର୍ବତ ଚଢ଼ିବା ପାଇଁ, ମାରିଓସ ତାଙ୍କ ପିଠିରେ ଥିବା ବ୍ୟାକ୍ପ୍ୟାକ ବ୍ୟବହାର କରି ଇଲେଫାଥେରିଆଙ୍କୁ ବସାଇଥିଲେ। ସମସ୍ତ ଆବଶ୍ୟକୀୟ ଉପକରଣ ସହିତ ଏହି ଯାତ୍ରା କରିଥିଲେ। ଫଳରେ ଦିବ୍ୟାଙ୍ଗ ଛାତ୍ରୀଙ୍କ ସ୍ବପ୍ନ ପୂରଣ ହୋଇଛି।
