ଗୁଆହାଟୀ,୩।୫ : ଭାରତର ଉପରାଷ୍ଟ୍ରପତି ଜଗଦୀପ ଧନଖର ବୁଧବାର ଆସାମର ଦିବ୍ରୁଗଡ ବିଶ୍ୱବିଦ୍ୟାଳୟର ଏକବିଂଶ ସମାରୋହକୁ ସମ୍ବୋଧିତ କରି କହିଛନ୍ତିଳ ଭାରତ ଏକ ଜୀବନ୍ତ ଗଣତନ୍ତ୍ର ଏବଂ ଏହାର ଭାବମୂର୍ତ୍ତିକୁ କଳଙ୍କିତ କରିବାର ଅଧିକାର କାହାରି ପାଖରେ ନାହିଁ। ସେ କହିଛନ୍ତି, କିଛି ଲୋକ ଦେଶ ବାହାରେ ଥିବା ବିଭିନ୍ନ ଅଭିଯୋଗ ମାଧ୍ୟମରେ ଦେଶର ଭାବମୂର୍ତ୍ତିକୁ ଅପମାନିତ କରୁଛନ୍ତି। ମିଥ୍ୟା ଗୁଜବ ପ୍ରଚାର କରିବାକୁ ସେମାନଙ୍କୁ ଅଧିକାର ଦିଆଯାଇ ନାହିଁ। ଏହାକୁ ସହ୍ୟ କରାଯିବ ନାହିଁ।
ଧନଖର ରାହୁଲ ଗାନ୍ଧୀଙ୍କ ନାମ ନ ନେଇ ତାଙ୍କୁ ଟାର୍ଗେଟ କରିଥିଲେ। ଯେତେବେଳେ ସବୁକିଛି ଠିକ ଚାଲିଛି, ଆମ ଗଣତନ୍ତ୍ରକୁ କାହିଁକି କିଏ ସମାଲୋଚନା କରିବେ? ଦେଶ ତଥା ଦେଶ ଭିତରେ ମଧ୍ୟ କଥାବାର୍ତ୍ତା ହେଉଛି, ଆମର ଗଣତାନ୍ତ୍ରିକ ମୂଲ୍ୟବୋଧ ନାହିଁ। ମୁଁ ଭୟ ବିନା ଆତ୍ମବିଶ୍ୱାସରେ ଏହା କହିପାରେ। ମୁଁ କହିପାରେ ଆଜି ଭାରତ ହେଉଛି ଦୁନିଆର ସବୁଠାରୁ ଜୀବନ୍ତ କାର୍ଯ୍ୟକ୍ଷମ ଗଣତାନ୍ତ୍ରିକ ଦେଶ ।
ଧନଖର ସେଠାରେ ଉପସ୍ଥିତ ଛାତ୍ରୀଛାତ୍ର, ଗଣମାଧ୍ୟମ ଏବଂ ଜନତାଙ୍କୁ ଦେଶର ରାଷ୍ଟ୍ରଦୂତଙ୍କ ପରି କାର୍ଯ୍ୟ କରିବାକୁ ନିବେଦନ କରିଥିଲେ।
