ତିରୁପୁର,୬ ।୧୦: ତାମିଲନାଡୁର ତିରୁପୁରର ଏକ ଘରୋଇ ଅନାଥାଶ୍ରମରେ ଫୁଡ ପଏଜନିଂ ଯୋଗୁ ୩ ବାଳକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଏହାସହ ଅନ୍ୟ ୧୧ ଜଣଙ୍କର ସରକାରୀ ହସ୍ପିଟାଲରେ ଚିକିତ୍ସା ଚାଲିଛି । ଅଧିକାରୀଙ୍କ ସୂଚନା ଅନୁଯାୟୀ, ଅନାଥାଶ୍ରମର ପିଲାମାନେ ବୁଧବାର ରସମ ଓ ଲଡୁ ଖାଇଥିଲେ । ରାତିରେ ଏମାନଙ୍କ ମଧ୍ୟରୁ କେତେ ଜଣଙ୍କର ବାନ୍ତି ହୋଇ ମୁଣ୍ଡ ବୁଲାଇଥିଲା । ହେଲେ ସେ ପର୍ଯ୍ୟନ୍ତ କେହି ଗୁରୁତର ହୋଇ ନ ଥିଲେ ।
ଅଧିକାରୀଙ୍କ ସୂଚନା ଅନୁଯାୟୀ, ଗୁରୁବାର ସକାଳେ ଏମାନେ ଜଳଖିଆ ଖାଇବା ପରେ ଏମାନଙ୍କ ସ୍ୱାସ୍ଥ୍ୟ ବିଗିଡି ଯାଇଥିଲା । ଏମିତିକି କେହି କେହି ବେହୋସ ହୋଇ ଯାଇଥିଲେ । ଏହାପରେ ସମସ୍ତଙ୍କୁ ନିକଟସ୍ଥ ହସ୍ପିଟାଲଷର ଭର୍ତ୍ତି କରାଯାଇଥିଲା । ପରେ ଏମାନଙ୍କୁ ତିରୁପତି ଓ ଅନିବାଶିର ସରକାରୀ ହସ୍ପିଟାଲକୁ ସିଫ୍ଟ କରାଯାଇଥିଲା । ଏହାପରେ ଏମାନଙ୍କ ମଧ୍ୟରୁ ୩ ଜଣଙ୍କର ମୃତ୍ୟୁ ହୋଇଥିଲା । ଏମାନଙ୍କ ବୟସ ୮-୧୩ ବର୍ଷ ମଧ୍ୟରେ । ଅନ୍ୟ ୧୧ ଜଣ ସରକାରୀ ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ୩ ଜଣ ଗୁରୁତର ଥିବାରୁ ଆଇସିୟୁରେ ସେମାନଙ୍କ ଚିକିତ୍ସା ଚାଲିଛି ।
