ନୂଆଦିଲ୍ଲୀ,୨୩ ।୭: ଦେଶରେ କରୋନା ଭାଇରସର ତୃତୀୟ ଲହର ଆସିବା ପୂର୍ବରୁ କେନ୍ଦ୍ର ସରକାର ସମସ୍ତ ରାଜ୍ୟକୁ ଦ୍ରୁତ ଗତିରେ ଟିକାକରଣ ପ୍ରକ୍ରିୟାକୁ ଆଗେଇ ନେବାକୁ କହିଥିଲେ । ମେ ୧ରୁ ଜୁଲାଇ ୧୩ ପର୍ଯ୍ୟନ୍ତ ରାଜ୍ୟରେ କୋଭିଡ-୧୯ର ପାଖାପାଖି ୪୧ ଲକ୍ଷ ଅତିରିକ୍ତ ଟିକା ମିଳିଛି । ସ୍ୱ୍ୟାସ୍ଥ୍ୟ ମନ୍ତ୍ରଣାଳୟର ସୂଚନାରୁ ଜଣାପଡିଛି କି ଟିକାକରଣ ମାମଲାରେ ତାମିଲନାଡୁ ସବୁଠାରୁ ଆଗରେ ରହିଥିବା ବେଳେ ଏହା ପଛକୁ ରହିଛି ପଶ୍ଚିମବଙ୍ଗ, ଗୁଜରାଟ । ଏମାନେ ସବୁଠାରୁ ଭଲ ପ୍ରଦର୍ଶନ କରିଛନ୍ତି । ତାମିଲନାଡୁକୁ ୫.୮୮ ଲକ୍ଷ ଡୋଜ, ପଶ୍ଚିମବଙ୍ଗକୁ ୪.୮୬ ଲକ୍ଷ ଡୋଜ ଓ ଗୁଜରାଟକୁ ୪.୬୨ ଲକ୍ଷ ଅତିରିକ୍ତ ଡୋଜ ଦିଆଯାଇଛି । ଅନ୍ୟପଟେ ଟିକା ନଷ୍ଟ କରିବାରେ ବିହାର ରହିଛି ସବୁଠାରୁ ଆଗରେ । ଅନୁମାନ କରାଯାଇଛି କି ସମଗ୍ର ଦେଶରେ ଏପର୍ଯ୍ୟନ୍ତ ପ୍ରାୟ ୨.୫ ଲକ୍ଷ ଡୋଜ ଭ୍ୟାକ୍ସିନ ନଷ୍ଟ ହୋଇ ସାରିଛି । ଯେଉଁଥିରୁ ଅଧାରୁ ଅଧିକ ପ୍ରାୟ ୧.୨୬ ଲକ୍ଷ କେବଳ ବିହାରରେ ନଷ୍ଟ ହୋଇଛି । କଂଗ୍ରେସ ନେତା ରାହୁଲ ଗାନ୍ଧୀଙ୍କ ପ୍ରଶ୍ନର ଉତ୍ତରରେ କୁହାଯାଇଛି କି ରାଷ୍ଟ୍ରୀୟ ଟିକାକରଣ କାର୍ଯ୍ୟକ୍ରମରେ ଏପର୍ଯ୍ୟନ୍ତ ପ୍ରାୟ ୯,୭୧୫ କୋଟି ଟଙ୍କା ଖର୍ଚ୍ଚ କରାଯାଇଛି । ଏଥିରେ ଟିକା ଯୋଗାଡ ପାଇଁ ୮,୭୦୧ କୋଟି ଓ ଭ୍ୟାକ୍ସିନ ପ୍ରକ୍ରିୟା କରଣର ଖର୍ଚ୍ଚ ମଧ୍ୟ ଏଥିରେ ସାମିଲ ଅଛି । ଟିକାକରଣର ସମ୍ପୂର୍ଣ୍ଣ ବଜେଟ ୩୫,୦୦୦କୋଟି ଟଙ୍କା ନିର୍ଦ୍ଧାରିତ କରାଯାଇଛି । ସରକାର କହିଛନ୍ତି ଅଗଷ୍ଟରୁ ଡିସେମ୍ବର ୨୦୨୧ ମଧ୍ୟରେ ୧୩୫ କୋଟି ଡୋଜ ମିଳିଯିବାର ସମ୍ଭାବନା ରହିଛି ।
