ଚେନ୍ନାଇ,୨୬।୨: ଭାରତ ଏବଂ ଜିମ୍ବାୱେ ମଧ୍ୟରେ ଆଜି ଚେନ୍ନାଇର ଚେପକ ଷ୍ଟାଡିୟମରେ ଏକ ଗୁରୁତ୍ୱପୂର୍ଣ୍ଣ ଟି-୨୦ ବିଶ୍ୱକପ ମୁକାବିଲା ଅନୁଷ୍ଠିତ ହେବାକୁ ଯାଉଛି। ଭାରତୀୟ ମାଟିରେ ଟିମ ଇଣ୍ଡିଆ ବିପକ୍ଷରେ ଜିମ୍ବାୱେର ଏହା ପ୍ରଥମ ଟି-୨୦ ମ୍ୟାଚ ହୋଇଥିବାରୁ ଏହାକୁ ନେଇ ଉଭୟ ଦେଶର ପ୍ରଶଂସକ ଉତ୍ସାହିତ ଅଛନ୍ତି। ଏହି ମ୍ୟାଚ୍ରେ ଜିମ୍ବାଓ୍ବେ ଟସ୍ ଜିତି ଭାରତକୁ ବ୍ୟାଟିଂ କରିବାକୁ ଆମନ୍ତ୍ରଣ କରିଛି।
- ୨୬ ଫେବୃଆରୀ ୨୦୨୬ ୦୭:୫୨ PM (IST): ଅଭିଷେକ ଶର୍ମା ଅର୍ଦ୍ଧଶତକ ହାସଲ କରିଛନ୍ତି
ଅଭିଷେକ ଶର୍ମା ୨୬ ବଲ୍ ରେ ତାଙ୍କର ଅର୍ଦ୍ଧଶତକ ପୂରଣ କରିଛନ୍ତି। ଏହା ଟୁର୍ଣ୍ଣାମେଣ୍ଟର ତାଙ୍କର ପ୍ରଥମ ଅର୍ଦ୍ଧଶତକ। - ୨୬ ଫେବୃଆରୀ ୨୦୨୬ ସନ୍ଧ୍ୟା ୭:୫୦ (IST): ୧୦୦ ରନ୍ ଆଗରେ
ଦଳ ଭାରତ ୧୦ମ ଓଭରରେ ୧୦୦ ରନ୍ ଅତିକ୍ରମ କରିଛି। ଅଭିଷେକ ଶର୍ମା ଏବଂ ଇଶାନ କିଶନ ସତର୍କତାର ସହିତ ବ୍ୟାଟିଂ କରୁଛନ୍ତି ଏବଂ ଦଳକୁ ଏକ ବଡ଼ ସ୍କୋର ଆଡକୁ ନେଇ ଯାଉଛନ୍ତି। - ୨୬ ଫେବୃଆରୀ ୨୦୨୬ ସନ୍ଧ୍ୟା ୭: ୪୬ (IST): ପାୱାରପ୍ଲେ ସମାପ୍ତ
ପ୍ରଥମ ୬ ଓଭର ପରେ ଟିମ୍ ଇଣ୍ଡିଆ ୧ ୱିକେଟ୍ ହରାଇ ୮୦ ରନ୍ କରିଛି। ଅଭିଷେକ ଶର୍ମା ୩୩ ଏବଂ ଇଶାନ କିଶାନ ୧୫ ରନ୍ କରି ଖେଳୁଛନ୍ତି। ଏଯାବତ ଭାରତ ୧ ଉଇକେଟ ହରାଇ ୯.୩ ଓଭରରେ ୧୦୭ ରନ୍ କରିଛି। - ୨୬ ଫେବୃଆରୀ ୨୦୨୬ ସନ୍ଧ୍ୟା ୭:୨୩ (IST): ସଞ୍ଜୁ ସାମସନ ଆଉଟ୍
ଟିମ୍ ଇଣ୍ଡିଆ ୪୮ ରନ୍ ରେ ପ୍ରଥମ ୱିକେଟ୍ ହରାଇଛି। ସଞ୍ଜୁ ସାମସନ ୧୫ ବଲ୍ ରେ ୨୪ ରନ୍ର ଦ୍ରୁତ ଇନିଂସ ଖେଳି ଆଉଟ୍ ହୋଇଥିଲେ। ଇଶାନ କିଶନ ଏବେ କ୍ରିଜ୍କୁ ଆସିଛନ୍ତି। - ୨୬ ଫେବୃଆରୀ, ୨୦୨୬, ସନ୍ଧ୍ୟା ୭:୦୬ (IST):
ସଞ୍ଜୁ ସାମସନ ଏକ ଛକା ମାରି ଟିମ୍ ଇଣ୍ଡିଆର ଖାତା ଖୋଲିଥିଲେ ଏବଂ ଦଳ ପ୍ରଥମ ଓଭରରେ ୧୩ ରନ ସଂଗ୍ରହ କରିଥିଲା। ଏହା ଭାରତ ପାଇଁ ଏକ ଭଲ ଆରମ୍ଭ। - ୨୬ ଫେବୃଆରୀ ୨୦୨୬ ୦୭:୦୧ PM (IST): ଭାରତର ଇନିଂସ ଆରମ୍ଭ
ମ୍ୟାଚ୍ ଆରମ୍ଭ ହୋଇଛି। ଭାରତ ପାଇଁ ସଞ୍ଜୁ ସାମସନ ଏବଂ ଅଭିଷେକ ଶର୍ମା କ୍ରିଜକୁ ଆସିଛନ୍ତି। ଏହାର ଅର୍ଥ ହେଉଛି ଇଶାନ କିଶାନଙ୍କୁ ତୃତୀୟ ନମ୍ବରରେ ଖେଳୁଥିବାର ଦେଖାଯାଇପାରିବ। ଏପର୍ଯ୍ୟନ୍ତ ସେ ଓପନର ଭାବରେ ଖେଳୁଥିଲେ।
ଏହି ମୁକାବିଲା ଉଭୟ ଦଳ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସେମିଫାଇନାଲ ଆଶା ବଞ୍ଚାଇ ରଖିବା ପାଇଁ ଉଭୟ ଭାରତ ଏବଂ ଜିମ୍ବାୱେକୁ ଏହି ମ୍ୟାଚ୍ ଜିତିବାକୁ ହେବ। ବିଶେଷ କରି ଭାରତ ପାଇଁ ଏହା ଏକ ’ଡୁ-ଅର୍-ଡାଇ’ ମ୍ୟାଚ।
ଭାରତ ମାଟିରେ ଜିମ୍ବାୱେର ରେକର୍ଡ ଦେଖିଲେ ଜିମ୍ବାୱେ ଦଳ ଏପର୍ଯ୍ୟନ୍ତ ଭାରତୀୟ ମାଟିରେ ଭାରତ ବିପକ୍ଷରେ ମୋଟ ୨୪ଟି ଆନ୍ତର୍ଜାତୀୟ ମ୍ୟାଚ ଖେଳିଛି। ସେଥିମଧ୍ୟରୁ ୧୯ଟି ଦିନିକିଆ (ODI), ୫ଟି ଟେଷ୍ଟ ମ୍ୟାଚ ରହିଛି। ଶେଷଥର ପାଇଁ ୨୦୦୨ ମାର୍ଚ୍ଚ ମାସରେ ଜିମ୍ବାୱେ ଭାରତରେ ଏକ ଦିନିକିଆ ମ୍ୟାଚ୍ ଖେଳିଥିଲା। ୨୪ ବର୍ଷ ପରେ ପୁଣିଥରେ ଜିମ୍ବାୱେ ଭାରତୀୟ ମାଟିରେ ଭାରତ ବିପକ୍ଷରେ ଖେଳିବାକୁ ଓହ୍ଲାଇବ।
ଟି-୨୦ ବିଶ୍ୱକପ ଇତିହାସରେ ଏହା ଦୁଇ ଦଳ ମଧ୍ୟରେ ଦ୍ୱିତୀୟ ମ୍ୟାଚ୍। ୨୦୨୨ ବିଶ୍ୱକପ (ମେଲବର୍ଣ୍ଣ)ରେ ପ୍ରଥମ ମ୍ୟାଚ୍ ଅନୁଷ୍ଠିତ ହୋଇଥିଲା। ଉକ୍ତ ମ୍ୟାଚ୍ରେ ଭାରତ ୭୧ ରନରେ ବିଜୟୀ ହୋଇଥିଲା। ସୂର୍ଯ୍ୟକୁମାର ଯାଦବ ମାତ୍ର ୨୫ ବଲ୍ରେ ଧୂଆଁଧାର ୬୧ ରନ୍ କରିଥିଲେ।
| କ୍ରମ | ଖେଳାଳିଙ୍କ ନାମ | ଭୂମିକା |
| ୧ | ଅଭିଷେକ ଶର୍ମା | ଓପନର ବ୍ୟାଟସମ୍ୟାନ |
| ୨ | ସଞ୍ଜୁ ସାମସନ | ଓପନର / ୱିକେଟକିପର |
| ୩ | ଇଶାନ କିଶନ | ଟପ୍ ଅର୍ଡର ବ୍ୟାଟସମ୍ୟାନ |
| ୪ | ସୂର୍ଯ୍ୟକୁମାର ଯାଦବ (C) | ମଧ୍ୟକ୍ରମ ବ୍ୟାଟସମ୍ୟାନ (ଅଧିନାୟକ) |
| ୫ | ତିଳକ ବର୍ମା | ମଧ୍ୟକ୍ରମ ବ୍ୟାଟସମ୍ୟାନ |
| ୬ | ହାର୍ଦ୍ଦିକ ପାଣ୍ଡ୍ୟା | ଅଲରାଉଣ୍ଡର |
| ୭ | ଶିବମ ଦୁବେ | ଅଲରାଉଣ୍ଡର |
| ୮ | ଅକ୍ଷର ପଟେଲ | ସ୍ପିନ୍ ଅଲରାଉଣ୍ଡର |
| ୯ | ବରୁଣ ଚକ୍ରବର୍ତ୍ତୀ | ସ୍ପିନର |
| ୧୦ | ଜସପ୍ରୀତ ବୁମରା | ଦ୍ରୁତ ବୋଲର |
| ୧୧ | ଅର୍ଶଦୀପ ସିଂ | ଦ୍ରୁତ ବୋଲର |
