ନୂଆଦିଲ୍ଲୀ,୨।୨: ଟି -୨୦ ବିଶ୍ୱକପ୍ ୨୦୨୪କୁ ନେଇ ଏକ ଖବର ସାମ୍ନାକୁ ଆସିଛି। ବାସ୍ତବରେ, ଆଇସିସି ଟି -୨୦ ବିଶ୍ୱକପ୍ ୨୦୨୪ ପାଇଁ ଟିକେଟ ବିକ୍ରି ଆରମ୍ଭ କରିଛି। ଜୁନ ୧ ରୁ ୨୯ ପର୍ଯ୍ୟନ୍ତ ଆମେରିକା ଏବଂ ୱେଷ୍ଟଇଣ୍ଡିଜ ଦ୍ୱାରା ଆୟୋଜିତ ହେବାକୁ ଥିବା ଟି -୨୦ ବିଶ୍ୱକପ୍ର ଗ୍ରୁପ ପର୍ଯ୍ୟାୟ, ସୁପର -୮ ଏବଂ ସେମିଫାଇନାଲ ପାଇଁ ୨.୬୦ ଲକ୍ଷ ଟିକେଟ ଜାରି କରାଯାଇଛି। ଟିକେଟ ମୂଲ୍ୟ ବିଷୟରେ କହିବାକୁ ଗଲେ ସେମାନଙ୍କର ମୂଲ୍ୟ ବିଭିନ୍ନ କେଟାଗୋରୀ ଅନୁଯାୟୀ ଭିନ୍ନ ରଖାଯାଇଛି।
ଆଇସିସି ଦ୍ୱାରା ଦିଆଯାଇଥିବା ଟିକେଟର ସର୍ବନିମ୍ନ ମୂଲ୍ୟ ୫୦୦ ଟଙ୍କା ରଖାଯାଇଛି । ସବୁଠାରୁ ମହଙ୍ଗା ଟିକେଟ ମୂଲ୍ୟ ୨୦୭୧ ଟଙ୍କା ରଖାଯାଇଛି। ତେବେ t20worldcup.comର ୱେବସାଇଟ ଯାଇ ଟିକେଟ ବୁକ୍ କରିପାରିବେ। ଆଇସିସି ଦ୍ୱାରା ଦର୍ଶାଯାଇଥିବା ନିୟମ ଅନୁଯାୟୀ ଜଣେ ବ୍ୟକ୍ତି ଗୋଟିଏ ଆଇଡିରୁ ଗୋଟିଏ ମ୍ୟାଚରେ ସର୍ବାଧିକ ୬ ଟି ଟିକେଟ ବୁକ୍ କରିପାରିବେ।
ଟି -୨୦ ବିଶ୍ୱକପ୍ରେ ଭାରତ ଏବଂ ପାକିସ୍ତାନ ମଧ୍ୟରେ ଏକ ବଡ଼ ମ୍ୟାଚ ହେବାକୁ ଯାଉଛି। ବାସ୍ତବରେ ଭାରତୀୟ ଦଳ ପାକିସ୍ତାନ, ଆମେରିକା, କାନାଡା ଏବଂ ଆୟର୍ଲାଣ୍ଡ ସହିତ ଗ୍ରୁପ ଏରେ ଅଛି। ଆୟର୍ଲାଣ୍ଡ ବିପକ୍ଷ ମ୍ୟାଚ ସହିତ ଭାରତ ଟି -୨୦ ବିଶ୍ୱକପ୍ ଅଭିଯାନ ଆରମ୍ଭ କରିବ। ତେବେ ଜୁନ ୯ରେ ଖେଳାଯିବାକୁ ଥିବା ଭାରତ ଏବଂ ପାକିସ୍ତାନ ମଧ୍ୟରେ ହେବାକୁ ଥିବା ମହାମୁକାବିଲାକୁ ପ୍ରଶଂସକମାନେ ଅପେକ୍ଷା କରିଛନ୍ତି। ଭାରତ ଏବଂ ପାକିସ୍ତାନ ମଧ୍ୟରେ ଏହି ହମ୍ୟାଚ ନ୍ୟୁୟର୍କରେ ଖେଳାଯିବ।
