ନୂଆଦିଲ୍ଲୀ,୨୨।୧୧: ଫାଷ୍ଟଷ୍ଟେ ଫୁଡ ଡେଲିଭରି ଆପ ଭାବେ ପରିଚିତ ସ୍ବିଗିି-ଜୋମାଟୋ। ବର୍ତ୍ତମାନ ଏହି ଦୁଇ କମ୍ପାନୀର ବିବାଦ ବଢିବାରେ ଲାଗିଛି। ନିକଟରେ ସ୍ବିଗି-ଜୋମାଟୋ ୫୦୦-୫୦୦ କୋଟି
ଟଙ୍କାର ଜିଏସଟି ନୋଟିସ ପାଇଛନ୍ତି। ଅଭିଯୋଗ ହୋଇଛି କି,ସ୍ବିଗି-ଜୋମାଟୋ ଡେଲିଭରି ଫି ନାମରେ ଗ୍ରାହକଙ୍କ ଠାରୁ କିଛି ଚାର୍ଜ କରୁଥିଲେ। ବର୍ତ୍ତମାନ ଏହି ଟଙ୍କାକୁ ନେଇ
ଟ୍ୟାକ୍ସ ଅଫିସର ଏବଂ ଖାଦ୍ୟ ବିତରଣ ଆପ ମଧ୍ୟରେ ଅନେକ ସମୟ ଧରି ତିକ୍ତତା ଲାଗି ରହିଥିଲା। ଏହି ଡେଲିଭରି ଚାର୍ଜ ମାମଲାରେ ପ୍ରାୟ ୧୦୦୦ କୋଟି ଟଙ୍କା ବିପଦରେ ଅଛି।
ଜୋମାଟୋ ଏବଂ ସ୍ବିଗି କହିଛନ୍ତି, ଡେଲିଭରି ଦେଉଥିବା ବ୍ୟକ୍ତିଙ୍କ ଯିବା ଆସିବା ଖର୍ଚ୍ଚ ପାଇ: କମ୍ପାନୀ ‘ଡେଲିଭରି ଚାର୍ଜ’ ନେଇଥାଏ। ତେବେ ଏନେଇ ଟିକସ ଅଧିକାରୀମାନେ ଏହି ମାମଲାରେ ପ୍ରାୟ ୧୦୦୦ କୋଟି ଟଙ୍କା ହେରଫେର ଥିବା କହିଛନ୍ତି।
ସୂଚସୂ ନାନୁସାରେ, ଜୋମାଟୋ ଏବଂ ସ୍ବିଗି ଜିଏସଟି ଅଧିକାରୀଙ୍କ ଠାରୁ ୫୦୦-୫୦୦ କୋଟି ଟଙ୍କାର ନୋଟିସ ପାଇଛନ୍ତି। ଟିକସ ଅଧିକାରୀଙ୍କ କହିବା ଅନୁସାରେ, ଏହି ଦୁଇ କମ୍ପାନୀ ଏପରି ଡେଲିଭରି ଚାର୍ଜ ନେଇ ସେମାନଙ୍କ ରାଜସ୍ବ ଉତ୍ପାଦନ କରୁଛନ୍ତି। ସଂଗୃହୀତ ଡେଲିଭରି ଫିସ ଉପରେ ୧୮% ଟିକସ ସ୍ବରୁପ ଲାଗୁ କରାଯାଇଛି।
