ବଲିଉଡ୍ ଅଭିନେତ୍ରୀ ସ୍ବରା ଭାସ୍କରଙ୍କୁ ହତ୍ୟା ଧମକ ମିଳିଛି। ଚିଠି ମାଧ୍ୟମରେ ଏହି ଧମକ ଦିଆଯାଇଥିବା ଜଣାପଡିଛି। ସ୍ବରା ସଭରକରଙ୍କୁ ଅପମାନିତ କରିଥିବାରୁ ତାଙ୍କୁ ହତ୍ୟା କରାଯିବାକୁ ଏହି ଚିଠିରେ ଧମକ ମିଳିଛି। ପୋଲିସ ଏହି ଘଟଣାରେ ତଦନ୍ତ ଆରମ୍ଭ କରିଛି।
ଏହି ହତ୍ୟା ଧମକପୂର୍ଣ୍ଣ ଚିଠି ଭରସୋଭାରେ ଥିବା ସ୍ବରାଙ୍କ ଘରକୁ ପଠାଯାଇଥିଲା। ଚିଠିରେ ହିନ୍ଦୀରେ ଲେଖାଯାଇଛି ଯେ,ସ୍ବରା ଭାସ୍କର ବୀର ସଭରକରଙ୍କୁ ଅପମାନିତ କରିବା ବନ୍ଦ କରୁନ୍ତୁ ଓ କେବଳ ନିଜ ଫିଲ୍ମ ଉପରେ ଧ୍ୟାନ ଦିଅନ୍ତୁ। ନହେଲେ ମୃତଦେହ ଉଠିବ। ନିଜର ଭାଷାର ମର୍ଯ୍ୟାଦା ରଖନ୍ତୁ।
ଚିଠି ମିଳିବା ପରେ ସ୍ବରା ଦୁଇ ଦିନ ତଳେ ଭରସୋଭା ପୋଲିସ ଦ୍ୱାରସ୍ଥ ହୋଇଥିଲେ। ପୋଲିସ ଅଜଣା ଦୁର୍ବୃତ୍ତଙ୍କ ନାଁରେ ମାମଲା ରୁଜୁ କରି ତଦନ୍ତ କରୁଛି। ସ୍ବରାଙ୍କ ପୂର୍ବରୁ ବଲିଉଡ୍ ଅଭିନେତା ସଲମାନ ଖାନ୍ଙ୍କୁ ମଧ୍ୟ କିଛିଦିନ ପୂର୍ବରୁ ହତ୍ୟା ଧମକ ମିଳିଥିଲା।
