ଭଗବାନ ମନୁଷ୍ୟକୁ ସବୁଠାରୁ ସ୍ବତନ୍ତ୍ର କରି ଗଢ଼ିଛନ୍ତି। ମଣିଷକୁ ହାତ, ଗୋଡ଼ ଏବଂ ତୀକ୍ଷ୍ଣ ବୁଦ୍ଧି ମଧ୍ୟ ଦେଇଛନ୍ତି। ଭଗବାନ ଏଥିପାଇଁ ମଣିଷକୁ ବୁଦ୍ଧି ଦେଇଛନ୍ତି କି, ଯେଉଁମାନେ ମଣିଷ ପରି ଶକ୍ତିଶାଳୀ ନୁହନ୍ତି, ସେମାନଙ୍କୁ ମାନବିକତା ଦେଖାଇ ସାହାଯ୍ୟ କରିବା ପାଇଁ। ଠିକ୍ ସେମିତି ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଯାହାକୁ ଦେଖିଲେ ପାଟିରୁ ଆହା ବୋଲି ଶବ୍ଦ ବାହାରିଯିବ।
କିଛି ଲୋକ କେବଳ ନିଜ ପାଇଁ ଚିନ୍ତିତ ଥିବା ବେଳେ ଆଉ କିଛି ଲୋକ ଅଛନ୍ତି, ଯେଉଁମାନେ ଆଦୌ ମାନବିକତାକୁ ଭୁଲିନାହାନ୍ତି। ଆଜିକାଲି ଏକ ଭିଡିଓ ଭାଇରାଲ ହେବାରେ ଲାଗିଛି। ଯେଉଁଥିରେ ଏକ ହଂସର ବେକ ଲୁହା ରେଲିଂରେ ଫସିରହିଛି। ଜଣେ ବ୍ୟକ୍ତି ତାକୁ ବାହାର କରୁଛନ୍ତି।
Swan was stuck in a fence pic.twitter.com/9ZV8nUzU84
— Champagne Sloshy (@JoshyBeSloshy) February 16, 2024
@JoshyBeSloshy ନାମକ ଏକ ‘ଏକ୍ସ’ ଆକାଉଣ୍ଟରେ ଭିଡିଓଟି ଶେୟାର କରାଯାଇଛି। ଯାହା ଖୁବ୍ ଭାଇରାଲ ହେଉଛି। ଦୀର୍ଘ ସମୟ ଧରି ହଂସର ବେକ ଲୁହା ରେଲିଂରେ ଅଟକି ରହିଥିବାରୁ ଏହାର ଜୀବନ ଚାଲିଯାଇଥାନ୍ତା। କିନ୍ତୁ ଜଣେ ବ୍ୟକ୍ତି ତାକୁ ସାହାଯ୍ୟ କରିବାକୁ ଆଗେଇ ଆସିଲେ। ଯିଏ ଜଣେ ଦେବଦୂତଠାରୁ କମ୍ ନୁହନ୍ତି। ସେ ସଙ୍ଗେ ସଙ୍ଗେ ହଂସର ବେକକୁ ଲୁହା ରେଲିଂରୁ କାଢ଼ି ଦେଲେ। ଫଳରେ ହଂସଟିର ଜୀବନରକ୍ଷା ପାଇଗଲା।
ଏହି ଭିଡିଓଟିକୁ ୨ କୋଟିରୁ ଅଧିକ ଲୋକ ଦେଖିଥିବା ବେଳେ ଅନେକ ଲୋକ ମନ୍ତବ୍ୟ ଦେଇ ନିଜର ମତାମତ ଦେଇଛନ୍ତି। ଜଣେ ୟୁଜର କହିଛନ୍ତି, ଏହି ହଂସ ଠିକ ଅଛି ତ? ଆଉ ଜଣେ କହିଛନ୍ତି, ଫାଶରେ ପଡ଼ି ପକ୍ଷୀଟି ନିଜର ସମସ୍ତ ଶକ୍ତି ହରାଇଦେଇଛି। ସେହିପରି ଆଉ ଜଣେ କହିଛନ୍ତି, ଏହି ହଂସଟି ସେଠାରେ କିପରି ଅଟକି ଗଲା? ଅନ୍ୟ ଜଣେ କହିଛନ୍ତି, ତା’ର ବେକ ଲମ୍ବା ଥିବାରୁ ଏଥିରେ ଫସିଯାଇଥିଲା।
