କଲମ୍ବୋ,୧୦।୭: ନ୍ୟୁଜିଲାଣ୍ଡର କ୍ରିକେଟର ସୁଜି ବେଟ୍ସ ଏକ ନିଆରା ରେକର୍ଡ ହାସଲ କରିଛନ୍ତି। ସେ ୧୦ଟି ଦେଶରେ ଟି-୨୦ ଅର୍ଦ୍ଧଶତକ ହାସଲ କରିଥିବା ପ୍ରଥମ ମହିଳା କ୍ରିକେଟର ହୋଇଛନ୍ତି। ନିକଟରେ ବେଟ୍ସ କଲମ୍ବୋରେ ଶ୍ରୀଲଙ୍କା ବିପକ୍ଷରେ ଏକ ଅର୍ଦ୍ଧଶତକ ହାସଲ କରିଥିଲେ। ଏହି ମ୍ୟାଚରେ ନ୍ୟୁଜିଲାଣ୍ଡ ମଧ୍ୟ ୮ ଉଇକେଟରେ ଜିତିଛି। ପ୍ରଥମେ ବ୍ୟାଟିଂ କରି ଶ୍ରୀଲଙ୍କା ୧୧୯ ରନ୍ର ଟାର୍ଗେଟ ଦେଇଥିଲା। ନ୍ୟୁଜିଲାଣ୍ଡ ଏହାକୁ ୧୮.୪ ଓଭରରେ ପାଇଛି।
ଅନ୍ତର୍ଜାତୀୟ କ୍ରିକେଟ୍ରେ ସୁଜି ବେଟ୍ସ ରେକର୍ଡ ଭଲ ରହିଛି। ସେ ଏପର୍ଯ୍ୟନ୍ତ ୧୫୧ଟି ଦିନିକିଆରେ ୫୩୫୯ ରନ ସଂଗ୍ରହ କରିଛନ୍ତି। ବେଟ୍ସ ୧୨ ଶତକ ଏବଂ ୩୨ ଅର୍ଦ୍ଧଶତକ ହାସଲ କରିଛନ୍ତି। ତାଙ୍କର ସବଶ୍ରେଷ୍ଠ ସ୍କୋର ୧୬୮ ରନ ହୋଇଛି। ସେ ୧୪୫ ଟି-୨୦ ମ୍ୟାଚରେ ୩୯୧୬ ରନ ସଂଗ୍ରହ କରିଛନ୍ତି। ସେ ଏହି ଫର୍ମାଟରେ ଏକ ଶତକ ଏବଂ ୨୬ ଅର୍ଦ୍ଧଶତକ ହାସଲ କରିଛନ୍ତି।
