ଧାମନଗର,୧୨ା୧୧(ଡି.ଏନ.ଏ.): ଧାମନଗର ନବନିର୍ବାଚିତ ବିଧାୟକ ସୂର୍ୟବଂଶୀ ସୂରଜ ବିଭିନ୍ନ ପଞ୍ଚାୟତ ବୁଲି ଜନସାଧାରଣଙ୍କୁ କୃତଜ୍ଞତା ଜଣାଉଛନ୍ତି। ଏହି କୃତଜ୍ଞତା ଯାତ୍ରାରେ ବିଧାୟକ ଶୁକ୍ରବାର ଦଳାଙ୍ଗ ପଞ୍ଚାୟତର ଜାହାଙ୍ଗିର ଛକଠାରୁ ଶତାଧିକ କର୍ମୀଙ୍କ ସହ ବାହାରି ପଧାନୀ ପଞ୍ଚାୟତର କଣ୍ଟିଦୋଳ, କଣ୍ଟଦା, ଭଗତପୁର, ପଧାନୀ, ଦଶନ୍ଧିକୁଳ, କଇଥାଢିଅ, ବଲଦୀଛନ୍ଦା, ଆଠଘରିଆ, ରାମରାକୁଳ, ଦାଶପାରି ହୋଇ ଅର୍ଜୁନପୁର ପଞ୍ଚାୟତର ମମଦୁଲା, ବାଲିପାଟଣା, ମଠସାହି ଏବଂ ହସନାବାଦ ପଞ୍ଚାୟତର ବନବାଗ, ପଙ୍ଗଟା, ନୂଆସାହି, ତଳଅସ୍ତକ ଓ ଅସ୍ତକରେ ଜନସାଧାରଣଙ୍କୁ ଭେଟି କୃତଜ୍ଞତା ଜ୍ଞାପନ କରିଛନ୍ତି। ଏଥିସହ ସେମାନଙ୍କଠାରୁ ଆଶୀର୍ବାଦ ଗ୍ରହଣ କରିଥିଲେ। ଶିକ୍ଷାକୁ ପ୍ରାଥମିକତା ଦେଇ ଏହି ଯାତ୍ରା ସମୟରେ ପଧାନୀ ପଞ୍ଚାୟତର କଣ୍ଟିଦୋଳ ପ୍ରାଥମିକ ବିଦ୍ୟାଳୟ, ମୁକ୍ତେଶର ଉଚ୍ଚ ବିଦ୍ୟାଳୟ, ପଧାନୀ-୧ ଅଙ୍ଗନଓ୍ବାଡି କେନ୍ଦ୍ର ଓ ଅର୍ଜୁନପୁର ପଞ୍ଚାୟତର ଜୟ କିଷାନ ଉଚ୍ଚ ବିଦ୍ୟାଳୟ ସେ ପରିଦର୍ଶନ କରିଛନ୍ତି। ଛାତ୍ରୀଛାତ୍ର ଓ ଶିକ୍ଷକମାନଙ୍କଠାରୁ ସେ ବିଦ୍ୟାଳୟର ବିଭିନ୍ନ ସମସ୍ୟା ପଚାରି ବୁଝିଥିଲେ। ସେହିପରି ଅର୍ଜୁନପୁର ପଞ୍ଚାୟତର ପ୍ରସିଦ୍ଧ ବାସୁଦେବ ପୀଠରେ ବାସୁଦେବଙ୍କୁ ଦର୍ଶନ କରି ପୂଜାର୍ଚ୍ଚନା କରିଥିଲେ।
