ମାଲକାନଗିରି,୨୮ା୧(ଦୁର୍ଯ୍ୟୋଧନ ପାତ୍ର): ମାଲକାନଗିରି ଜିଲା ସୀମାନ୍ତ ଛତିଶଗଡ଼ ସୁକୁମା ଜିଲା ପୋଲିସ ନିକଟରେ ଆଜି ଜଣେ ଏକ ଲକ୍ଷ ଟଙ୍କା ପୁରସ୍କାର ମହିଳା ମାଓବାଦୀଙ୍କ ସହ ଆଉ ଦୁଇଜଣ ମାଓବାଦୀ ଆତ୍ମସମର୍ପଣ କରିଛନ୍ତି।
ସୂଚନାନୁଯାୟୀ, ମାଲକାନଗିରି ଜିଲା ସୀମାନ୍ତ ଛତିଶଗଡ଼ର ଚିନ୍ତାଗୁଫା ଅଞ୍ଚଳର ସକ୍ରିୟ ୧ ଲକ୍ଷ ଟଙ୍କା ପୁରସ୍କାର ମହିଳା ମାଓବାଦୀ ଦୁଧି ସୁକଡ଼ିଙ୍କ ସହ ଦୁଧି ଦେବେ, ମାଡବୀ ହଡମା ସୁକୁମା ପୋଲିସ ନିକଟରେ ଆତ୍ମସମର୍ପଣ କରିଛନ୍ତି। ଏହି ମାଓବାଦୀମାନେ ପ୍ରକାଶ କରିଛନ୍ତି ଯେ, ବର୍ତ୍ତମାନ ଛତିଶଗଡ଼ ସରକାରଙ୍କ ଥଇଥାନ ନୀତି, ମାଓବାଦୀ ମୁକ୍ତ ନୀତି, ବିଭିନ୍ନ ଉନ୍ନୟନମୂଳକ କାର୍ଯ୍ୟରେ ପ୍ରଭାବିତ ହୋଇ ସେମାନେ ଆତ୍ମସମର୍ପଣ କରିଛନ୍ତି। ଏଥିସହ ବର୍ତ୍ତମାନ ମାଓବାଦୀ ସଂଗଠନରେ ଏହି ମାଓବାଦୀମାନଙ୍କୁ ଅଣଦେଖା କରିବା ସହ ଗରିବ ଆଦିବାସୀଙ୍କ ଉପରେ ଅତ୍ୟାଚାର କରୁଥିବା ମାଓବାଦୀଙ୍କ ମଧ୍ୟରେ ଭେଦଭାବ ସୃଷ୍ଟି କରୁଛନ୍ତିା ଏଥିସହ କୌଣସି ଉନ୍ନୟନମୁଳକ କାର୍ଯ୍ୟ ନ କରିବା ସହ ସ୍ଥାନୀୟ ଜନସାଧାରଣଙ୍କୁ ବିଭିନ୍ନ କାରଣ ଦର୍ଶାଇ ହତ୍ୟା କରୁଛନ୍ତି। ଯାହାଫଳରେ ମାଓବାଦୀ ସଂଗଠନରେ ପରାଦର୍ଶ ନ ଥିବାରୁ ସେମାନେ ଆତ୍ମସମର୍ପଣ କରିଛନ୍ତି। ତେବେ ବର୍ତ୍ତମାନ ଛତିଶଗଡ଼ ସରକାରଙ୍କ ମାଓବାଦୀ ଥଇଥାନ ନୀତି ଅନୁଯାୟୀ, ଏହି ୩ ଜଣଙ୍କୁ ସମସ୍ତ ପ୍ରକାର ସୁବିଧା ସୁଯୋଗ ଯୋଗାଇ ଦିଆଯିବ ବୋଲି ସୂଚନା ଦିଆଯାଇଛି। ଆଜି ଏହି ୩ ଜଣ ଆତ୍ମସମର୍ପଣ କରିବା ସମୟରେ ସୁକୁମା ଜିଲା ପୋଲିସ ନିର୍ଦ୍ଦେଶକ ସୁନ୍ଦର ରାଜ ପି, ବସ୍ତର ରେଞ୍ଜ ଜଗଦଲପୁରର ଅତିରିକ୍ତ ପୋଲିସ ନିର୍ଦ୍ଦେଶକ କମଳ ଲୋଚନ କଶ୍ୟପ, ଉପନିର୍ଦ୍ଦେଶକ, ସିଆର୍ପିଏଫ୍ ସୁନିତ କୁମାର ରାୟ, ସୁକୁମା ଜିଲା ଏସ୍.ପି. କିରଣ ଚୌହାନ ପ୍ରମୁଖ ଉପସ୍ଥିତ ଥିଲେ।
